| |
| |
Vespers antiphon 1
|
Birgitte matris inclite
festa iucunda suscipe
gaudens mater ecclesia
quam decoravit hodie
summe deus clemencie
suprema celi gloria
|
Vespers antiphon 2
|
Invita nos ad nupcias
agni dulces delicias
gustans sponsa placabilis
pauperibus primicias
frugum celi divicias
da domina laudabilis
|
Vespers antiphon 3
|
Tu populi leticia
iudith sequens vestigia
tu consolatrix patrie
per te nostra fiducia
reis donetur venia
de largitore venie
|
Vespers antiphon 4
|
Hec est sensata mulier
stella splendens ut lucifer
lucerna pulchritudinis
quam poscimus fideliter
ut nobis fundat iugiter
sue stillas dulcedinis
|
Vespers antiphon 5
|
Piis devicta precibus
ministra viatoribus
potum rebecca sapiens
tuis oracionibus
de supernis canalibus
aquas salutis hauriens
|
Vespers (gospel) special antiphon
|
Birgitta christi famula
fidelis in officio
tu felix anna vidua
templi vacans servicio
rachel amore fervida
iacob placens consorcio
salus egrotis placida
devotis consolacio
splendens iustorum semita
mestorum recreacio
fiat per tua merita
grata nostra devocio
que reseras abscondita
nos offer lucis radio
|
| |
Matins I
|
Christo regi cum iubilo
psallentes exultemus
quem pro sponse preconio
letantes adoremus
|
Matins antiphon 1
|
Elevatur in populis
esther pia magnifice
assueri regis oculis
que placuit mirifice
|
Matins antiphon 2
|
Enarrent celi gloriam
dei laudantes opera
qui talem sibi filiam
previdit ante tempora
|
Matins antiphon 3
|
Portas vestras attollite
cetus omnes angelici
et leti recolligite
civem concives celici
|
Matins respons 1
|
Virtutis dei dextere
trinam regenti machinam
trino ditata munere
birgitta dedit gloriam
captiva mundi carcere
mundam conservans animam
|
Matins verse 1
|
Soluta carnis onere
sponsoque iuncta federe
partem elegit optimam
|
Matins respons 2
|
Herba surgit in stipitem
altis fixum radicibus
stipes fert ramum fertilem
pulchris fulcitum floribus
flos fructum profert utilem
ad sanitatem gentibus
|
Matins verse 2
|
Dum parens parit nobilem
birgittam sibi similem
miris claram virtutibus
|
Matins respons 3
|
Qui maris fluctus mitigans
ionam duxit ad aridam
matrem christus allevians
omnem tollit tristiciam
partum felicem nuncians
matri duplat leticiam
|
Matins verse 3
|
Sponsam nube clarificans
linguam melle dulcificans
loquendi dat audaciam
|
Matins antiphon 4
|
Hec speciosum filium
superni regis diligit
amicam velut lilium
pulchram sibi rex eligit
|
Matins antiphon 5
|
Deus nostrum refugium
sponse tue precatibus
fer nobis adiutorium
in tribulacionibus
|
Matins antiphon 6
|
Portas sion ingrediens
in sanctis gaudet montibus
mentem plene reficiens
ex aque vive fontibus
|
Matins respons 4
|
Virginitas promeruit
nulli subiecta crimini
quod semet ipsum prebuit
passum devote virgini
qui crucem sponte subiit
nos suo reddens lumini
|
Matins verse 4
|
Puelle parve consuluit
auxiliumque tribuit
maria mater domini
|
Matins respons 5
|
Occulta consciencie
pura mundat confessio
magne signum clemencie
fusa monstrat oracio
quam matris omnis gracie
meretur supplicacio
|
Matins verse 5
|
In hac valle tristicie
tristi succurrit filie
divina miseracio
|
Matins respons 6
|
More galline clamitat
pullos sub ala colligens
adversus milvum dimicat
verbo vite custodiens
maritum beatificat
hunc christo lucrifaciens
|
Matins verse 6
|
Mundum carnem suppeditat
se sua deo dedicat
votum sponte perficiens
|
Matins antiphon 7
|
Gaude birgitta canticum
tibi debetur glorie
deduc in refrigerium
de lacu nos miserie
|
Matins antiphon 8
|
Lux orta iusto nunciat
rectis corde leticiam
cuius splendor illuminat
solum paternum sueciam
|
Matins antiphon 9
|
Exulta sion filia
psallens tubis ductilibus
chorizas inter lilia
choris iuncta celestibus
|
Matins respons 7
|
O canale mundissimum
per quod de celi cardine
fluit ut ros eloquium
ignitum sancto flamine
mentes inflammans hominum
interiore lumine
|
Matins verse 7
|
Ora birgitta dominum
ut nos post vite terminum
celorum locet agmine
|
Matins respons 8
|
Devotas odit lacrimas
hostis corruptor seculi
novas parat astucias
planctum dissuadens parvuli
fugit tendens insidias
aquis perfusus oculi
|
Matins verse 8
|
Illic fregit potencias
de celo dans victorias
divini vox oraculi
|
Matins respons 9
|
O facies mosaica
solis coruscans radiis
sanctitate magnifica
magnis clarens prodigiis
in requie pacifica
sponsi fruens enceniis
|
Matins verse 9
|
O femina mirifica
continuis letifica
servos tuos presidiis
|
| |
Lauds antiphon 1
|
Patrem collaudat luminum
sponsa post cuius obitum
tot fiunt mirabilia
per sancte vite studium
fameque testimonium
iam facta credibilia
|
Lauds antiphon 2
|
Relicta terra propria
roma communis patria
matrem collegit iubilans
in hymnis intrat atria
vota reddit salubria
sanctos decenter visitans
|
Lauds antiphon 3
|
Ad te de luce vigilat
deus sponsa quem predicat
tuam laudans potenciam
facta carnis mortificat
fructus bonos multiplicat
agendo penitenciam
|
Lauds antiphon 4
|
Noctes et dies domino
impendit hec altissimo
estus arcens frigoribus
membra domat cilicio
cum lacrimarum fluvio
mundi calcatis opibus
|
Lauds antiphon 5
|
Excelsis digna laudibus
birgitta nacionibus
vindictam clamat scelera
magna revelat regibus
unde cum sanctis omnibus
exultat super sidera
|
Lauds (gospel) special antiphon
|
Corona sponsa predita
presentata per virginem
plebem devotam visita
tuam rege progeniem
umbram mortis illumina
noctis aufer caliginem
pedes nostros iustifica
in pacis pulchritudinem
|
| |
2nd Vespers (gospel) special antiphon
|
Vale suavis musica
demulcens aures principum
tu gedeonis buccina
castra deterrens hostium
tu dulcis tympanistria
corda monens fidelium
converte mater inclita
luctum nostrum in gaudia
|
| |
Lauds antiphon .a
|
Noctes et dies domino
dedicavit altissimo
corpus domans frigoribus
marie patrocinio
se recommendat sedulo
sacris vacans operibus
|
full office name: