| |
| |
Vespers antiphon 1
|
Ave gemma mulierum
radix sancta semen verum
favus uva dulcor mellis
universas tu precellis
|
Vespers antiphon 2
|
Bilhildis pia nobilis
et regalis sobolis
loci sancti monialis
cuius idem stat sub alis
|
Vespers antiphon 3
|
Francorum de genere
talis re et nomine
affectabat vivere
felici sub omine
|
Vespers antiphon 4
|
Hec in laudem salvatoris
universis suis horis
expandit vires anime
sursum sunt potencie
|
Vespers (gospel) special antiphon
|
Te magnificantes
collaudemus dominum
qui respiciens humilitatem
bilhildis ancille tue
ei gratuito prestitisti munere
candidam baptismi stolam
ante tuum tribunal
immaculatam perferre
ut eternam mereamur
in celis vitam habere
|
| |
Matins I
|
Templum sanctum hoc intrantes
te in ipso venerantes
rex pie exaudi domine
|
Matins antiphon 1
|
Beata in trivio
iens sedens stadio
iuncta dei filio
proprio principio
|
Matins antiphon 2
|
O quam pulchra nobilis
casta verecunda
ut in astris lucifer
fulgens semper munda
|
Matins antiphon 3
|
Eius cordi viluit
mundus hic immundus
christum mente induit
qui est pure mundus
|
Matins antiphon 4
|
Quanto sese deprimebat
humilis nobilitas
tanto magis elucebat
nobilis humilitas
|
Matins antiphon 5
|
Plura loca dotat sancta
inter que precipuum
cui donat se in tanta
vetus monasterium
|
Matins antiphon 6
|
Baro magnus in hanc votum
offert se et sua totum
nihil flectit hanc invitam
donec patris sors fert vitam
?Baro [alt: ?]
|
Matins respons 1
|
Bilhildis clara nobilis
tota lux spectabilis
cuius caro cor et vita
in excessu exquisita
|
Matins verse 1
|
Pulchra nimis et decora
salva tuos sine mora
|
Matins respons 2
|
Hec est illa quam rigavit
fons divinus dum perflavit
auster hortum pietatis
rosa iunge nos beatis
|
Matins verse 2
|
Benedicta mulierum
contemplaris deum verum
|
Matins respons 3
|
Tu es illa salomonis
veri nata que in thronis
in vestitu deaurato
iam corregnas dei nato
|
Matins verse 3
|
Audi domina et vide
et inclina aurem tuam
|
Matins respons 4
|
Mater large loci
nostre modulamina voci
imprime devota
clementer suscipe vota
pro meritis gaudes
cantant celi agmina laudes
|
Matins verse 4
|
Celi regina
mentis dulcedo rosina
|
Matins antiphon 7
|
Defuncto patre filia
virginitatis lilia
quoad se non mutat
sed mater meticulosa
imperat quod rubens rosa
hoc votum commutat
|
Matins antiphon 8
|
Cum esset iam tenera
sub annis iuvencula
detestatur munera
maris ut sponsalia
|
Matins antiphon 9
|
Status demum coniugalis
adfuturus salutaris
fructum fert eximium
per hoc dotalicium
|
Matins antiphon 10
|
Celebratis nupciis
fluit parum temporis
regionem deserit
casu coniux interit
|
Matins antiphon 11
|
Que fulgens castimonia
ob viri copulam ingemuerat
a peste mox curatur
qua misere languerat
paucis quippe hic diebus
lapsis moritur
sed dominus ignivit
cor eius incendio
ardentissime caritatis
|
Matins antiphon 12
|
Sancta preconia recolentes
beate bilhildis
nostre prosequuntur voces
cum iubilo laudis
o alma christi famula
choris celestibus iuncta
supernorum civium amica
sanctorumque omnium socia
intercede ad dominum
pro nobis
ut tecum mereamur
ascribi in celis
|
Matins respons 5
|
Flavit auster dum bilhildim
castitatis vas elegit
et peregit militare
caste sancto flamini
liquefecit et refecit
resolutam funditus
verbum missum celitus
|
Matins verse 5
|
Fluminis impetus civitatem dei letificat
|
Matins respons 6
|
Estimari quidem nequit
que bilhildis iugiter
supra modum intus egit
cuncta ferens suaviter
|
Matins verse 6
|
Trinitati lux perennis
laus et iubilacio
ubi eius habitacio
|
Matins respons 7
|
Francorum fulget gloria
in celesti curia
bilhildis dux eximia
nobili prosapia
et quanto natu alcior
tanto vita sanccior
|
Matins verse 7
|
Nobilitas a deo
racionis exit
causa hec fuit quare
mare se reflexit
|
Matins respons 8
|
O mater nostra
bilhildis locum requiei
quem possedisti
quod prestet gracia christi
obtineas genti
te puro corde colenti
|
Matins verse 8
|
Quod oculus non vidit
nec auris audivit
nec in cor hominis ascendit
|
Matins respons 9
|
Gaude celestis curia
bilhilde leta socia
cum qua in throni socio
laudas patrem cum filio
|
Matins verse 9
|
Tres sunt qui testimonium dant in celo pater verbum et spiritus sanctus
|
Matins respons 10
|
Recordare mater et patrona
ut loquaris pro tuis bona
que presentata es presencie
filii marie
|
Matins verse 10
|
Eloquium tuum dulce commendet nos gracie filii
|
Matins respons 11
|
Vide ad nostra piacula
bilhildis nostra patrona
quibus mors est iam vicina
licet hora dubia
adfuturum redemptorem
credimus in tempore
quem digneris mitigare
dum sumus in corpore
|
Matins verse 11
|
Eia mater graciosa
tu que mitis et formosa
super omnes es puellas
a te numquam nos repellas
|
Matins respons 12
|
O mater nostra
ter sancta quaterque beata
cum prece devota
famulantum suscipe vota
|
Matins verse 12
|
Iam christo iuncta
sponsoque tuo sociata
|
| |
Lauds antiphon
|
Laude deo debita
celebremus inclita
bilhildis sollemnia
que nata ex franconia
iubilat in patria
|
Lauds (gospel) special antiphon
|
Dulcedo festi celici
nec linguis explicari
nec racione coniici
nec potest estimari
visibilis hic deitas
plenitudo bonorum
hic omnium sacietas
abundat gaudiorum
istic bilhildis prospere
gaudet inthronizata
sponsoque iesu federe
perenni copulata
te deprecamur cernui
piissima patrona
impetra nobis perfrui
tecum celi corona
|
| |
Prime antiphon
|
Quasi stella matutina
quam illustrat lux divina
in conventu cum concentu
bilhildis celestium
gaudet luminarium
|
Terce antiphon
|
Nobili de genere
sancta dei bilhildis
nobilior fide christi
contempsit mundi gloriam
meruitque obtinere
celestis sponsi graciam
|
Sext antiphon
|
Que dum pia mente
oleum sumpsisset
sponso cum prudentibus
obviam exivit
|
Nones antiphon
|
Circa horam nonam
fidenter expirat
margaritam bonam
sursum secum gyrat
|
full office name: