| |
| |
Vespers antiphon 1
mode: 1d |
Exultet hec fidelis patria
innovando leta sollemnia
sancti bernwardi cuius inclita
decoravit saxoniam vita
illis celi congaudet curia
qui devote colunt eius festa
alleluia
In movendo [alt: v]
|
Vespers (gospel) special antiphon
mode: 7g |
Bernwardus pontifex in hildeshem
ad celestem scandit ierusalem
videt regem celi in decore
de cuius hic languebat amore
|
| |
Matins I
mode: 3e |
Ad laudem solis veri
bernwardus nos invitat
qui cum civibus celi
exultando iubilat
|
Matins antiphon 1
mode: 1d |
Lignum ferens vite fructum
intra hortum ecclesie
est bernwardus trahens ortum
de saxonum progenie
|
Matins antiphon 2
mode: 2d |
Bone puer indolis
quo se declinavit
saporem dat generis
a quo pullulavit
|
Matins antiphon 3
mode: 3e |
Edoctus in studiis
bene philosophicis
pascitur in liliis
sacris theologicis
|
Matins respons 1
mode: 1d |
Radix ex qua bernwardus floruit
generosa et nobilis fuit
Fulget plus eius vite bonitas
quam stirpis dignitas
|
Matins verse 1
mode: 1d |
Tamquam matutina
stella resplenduit
ex fide divina
quam semper tenuit
|
Matins respons 2
mode: 2d |
Vas virtutum speculum salutis
erat hic ab evo iuventutis
Unde cesarem quem educavit
virtutibus armavit
|
Matins verse 2
mode: 2d |
Sancti spiritus fuit organum
istud beatum germen saxonum
|
Matins respons 3
mode: 3e |
Delicatus iste dei tiro
plus quam servi servit more miro
egro avo Et quamdiu vixit
ab illo non recessit
|
Matins verse 3
mode: 3e |
Ex omni corde suo laudavit deum
et dilexit eum qui fecit illum
|
Matins antiphon 4
mode: 4e |
Defensor sagax patrie
provisor rei publice
pater erat viduarum
et medicus animarum
|
Matins antiphon 5
mode: 5f |
Angelicam faciem gerebat
tribulatos benigne fovebat
pereuntes ipse erigebat
|
Matins antiphon 6
mode: 6c |
Margaritam christum emit
cum omnibusque possedit
dum suum patrimonium
in usum dedit pauperum
|
Matins respons 4
mode: 4e |
Mundum cordis habebat scrinium
unde ipsum cetus fidelium
devote statuit episcopum
Super hildeshemensem populum
|
Matins verse 4
mode: 4e |
Ordinante gracia superna
sublimabatur ista lucerna
|
Matins respons 5
mode: 5f |
Nova clavis gaze dei
suspirium est bernwardi
Dum gemit pro ligno crucis
portat sibi angelus lucis
|
Matins verse 5
mode: 5f |
Erat enim corde et animo
fiduciam habens in domino
|
Matins respons 6
mode: 6c |
Memor esto tui gregis
ante thronum summi regis
qui salvavit tua prece
multos de vicina nece
Dum fuisti in acie
cesaris ottonis rome
|
Matins verse 6
mode: 6c |
Elegit mortem pro republica
manu sumpta hasta dominica
|
Matins antiphon 7
mode: 7g |
Dietim mendicos
centum recreavit
debiles per vicos
de mense sua pavit
|
Matins antiphon 8
mode: 8g |
Almus vir opprobriis
quorum replebatur
pro his mox cum lacrimis
deum precabatur
|
Matins antiphon 9
mode: 1d |
Turres et muros erexit
sue civitatis
totam terram protexit
barbaris debellatis
|
Matins respons 7
mode: 7g |
Suspensus in laude creatoris
templum miri construxit decoris
Quem constringunt vincula amoris
in supernis choris
|
Matins verse 7
mode: 7g |
Veros hic fecit amicos
cum rebus suis angelicos
|
Matins respons 8
mode: 8g |
Obitum suum cum previderet
ut hanc vitam devote compleret
Se felix pastor christi ovium
ferri iussit in oratorium
|
Matins verse 8
mode: 8g |
Pium ibi emisit spiritum
ubi sumpsit monachi habitum
|
Matins respons 9
mode: 1d |
Hierarchie angelorum
laudant dei essenciam
que ornavit celi chorum
per bernwardi presenciam
Duc nos pater ad tuorum
concivium leticiam
|
Matins verse 9
mode: 1d |
Opem nobis presul bone
fer in nostris angustiis
et nos salva in agone
ab eternis suppliciis
|
| |
Lauds antiphon 1
mode: 1d |
Presens dies sit iucundus
quo bernwardus corde mundus
creatorem suum vidit
in quo haurit quod sitivit
|
Lauds antiphon 2
mode: 2d |
Arcem celi penetrat
presul mente pius
de quo languidis manat
sanitatis rivus
|
Lauds antiphon 3
mode: 3e |
Turbam eius queritant
debiles et egri
sed ab ipsa remeant
sospitate pleni
|
Lauds antiphon 4
mode: 4e |
Rexit bis naufragantes
ipsum invocantes
sedavit fluctus sevos
salvat desperatos
|
Lauds antiphon 5
mode: 5f |
Ordo celestis patrie
colletetur nobis
laudemus deum glorie
pro nostris patronis
|
Lauds (gospel) special antiphon
mode: 6c |
Nocte mortalis vite finita
ut sol refulgens in vera vita
o bernwarde transfer te laudantes
ad immortalem solem contemplantes
|
| |
2nd Vespers (gospel) special antiphon
mode: 6c |
O gemma saxonie
norma pietatis
decus tue patrie
bernwarde dux pacis
nos oppressos erige
succurre turbatis
et ad christum dirige
fontem bonitatis
alleluia
|
full office name: