| |
| |
Vespers antiphon 1
|
Bernhardinus vir catholicus
et preco evangelicus
ecclesie romane
subiecit se obsequio
gens sene plaudat gaudio
et urbis aquilane
|
Vespers antiphon 2
|
Sub martino pontifice
tunc sedis apostolice
vexillum triumphantis
regis ferventer tenuit
per illud nomen patuit
quod iesu radiantis
|
Vespers antiphon 3
|
Senarum civis panditur
hinc agro rosa oritur
virtute decorata
stella prefulget seculo
dans iter vite populo
mirifice lustrata
|
Vespers antiphon 4
|
Francisci patris regulam
secutus evangelicam
professus non transgressus
celorum scandit culmina
relicta carnis sarcina
perenniter ingressus
|
Vespers antiphon 5
|
Predivitis inopie
decore pudicicie
sublimis observator
iussis parere voluit
sanctumque verbum protulit
sollemnis predicator
|
Vespers (gospel) special antiphon
|
O confessor eximie
divine haustor gracie
qui celi fastigium
nequam relinquens seculum
psallentibus
tunc ascendisti fratribus
pater manifestavi
nomen tuum hominibus
nos mundi viatores
ora sectari bonos mores
ut liberati
de tenebris miserie
iesum queramus dominum
qui est vera salus
et redempcio omnium
|
| |
Matins I
|
Regi qui venit celitus
laus honor sit decenter
cui bernhardinus inclitus
servivit obsequenter
|
Matins antiphon 1
|
Hic vir in puerilibus
est annis sapienter
nutritus bonis moribus
et usus est frequenter
|
Matins antiphon 2
|
Tenellus puer satagit
ad indolem virtutis
quem pie deus dirigit
ad tramitem salutis
|
Matins antiphon 3
|
Intemerate virgini
devotus supplicatur
ut gracia spiritui
divina largiatur
|
Matins respons 1
|
Sine parente suboles
nutrici datur cure
puer cui bona indoles
laudatur vero iure
et inter mores nobiles
laudabilis nature
|
Matins verse 1
|
Etate cepit tenera
dare virtutum opera
pro vite spe future
|
Matins respons 2
|
Humanis plenus legibus
odit mundi scelera
cum virgo nata regibus
exit matris viscera
a fratribus minoribus
tegitur tunicula
|
Matins verse 2
|
Tamquam devotus virginis
francisci patris humilis
conditur sub regula
|
Matins respons 3
|
Bernhardinus hic seculi
vir nobilis electus
marie matris domini
est graciam adeptus
antequam seraphici
fit regule subiectus
|
Matins verse 3
|
Fit propter innocenciam
et carnis pudiciciam
valde deo dilectus
|
Matins antiphon 4
|
Magistri norme subditur
litteris imbuendus
nullisque gestis utitur
ad noxam pertrahendus
|
Matins antiphon 5
|
Divino verbo pascitur
ex ore predicantis
zelatorque efficitur
cuncta dei creantis
|
Matins antiphon 6
|
Hic pauperis inopie
pie auxiliatur
a largitore gracie
hec virtus illi datur
|
Matins respons 4
|
Dum puer corde sedulo
dei auditu patulo
verbum audiebat
de se fit vates publicus
dum pueris tam fervidus
id surgens proponebat
|
Matins verse 4
|
Nam predilectam habeo
amore cuius langueo
de virgine dicebat
|
Matins respons 5
|
Senarum pia civitas
seve pestis iaculis
letaliter plagatur
huius almi pietas
egrorum obsequiis
hilariter moratur
|
Matins verse 5
|
Annunciante virgini
corde ductus humili
devote recolatur
|
Matins respons 6
|
In dei labore fervidus
convertit reos penitus
de via pravitatis
dans meretrices nuptui
subactas illas fidei
sub fedus honestatis
|
Matins verse 6
|
Iudeos veste candida
ornatque tegit crimina
sub fide trinitatis
|
Matins antiphon 7
|
Amore dei flagitans
dat opes temporales
mereri se certificans
post gazas eternales
|
Matins antiphon 8
|
Francisci patris habitu
humillime letatur
ac toto vite transitu
hoc votum observatur
|
Matins antiphon 9
|
Perennis vite gloriam
ei pastor pollicetur
qui trini voti hostiam
observans profitetur
|
Matins respons 7
|
O bernhardine vite probitas
doctrineque te laudat veritas
te+que ornat virtutum nobilitas
te+que prodigiorum claritas
|
Matins verse 7
|
Sacros libros condidisti
iesu nomen ostendisti
|
Matins respons 8
|
Dum mundi spretor inclitum
franciscum imitatur
in omne opus optimum
ferventer inflammatur
ut sidus mundo fulgidum
ab omnibus credatur
|
Matins verse 8
|
Propter graciam sermonum
observanciamque morum
hic nomen illi datur
|
| |
Lauds antiphon 1
|
Adsunt nobis sollemnia
prodigiis eximia
in aquilana urbe
nutu dei fulgencia
psalle cum reverencia
fidelis chorus turbe
|
Lauds antiphon 2
|
Christi fides fulgida
per cuncta orbis climata
a paucis colebatur
quam bernhardinus inclitus
emissus preco celitus
eandem amplexatur
|
Lauds antiphon 3
|
Hic christum nocte meditans
super salutem vigilans
suam et viatorum
castigat carnis vasculum
sue salutis emulum
pro lapsu somniorum
|
Lauds antiphon 4
|
Deum benedic italia
feraria cum tuscia
que tenes decoratum
tu fratrum minorum proles
que emittis tales flores
dic verbum deo gratum
|
Lauds antiphon 5
|
Laudet rerum opificem
qui creatis dat ordinem
languoribus oppressis
quem laudat omnis nacio
fidelis generacio
peccatorum conversis
|
Lauds (gospel) special antiphon
|
Gaude felix aquila
iam intra cuius menia
est bernhardini inclitum
beati corpus conditum
fragrans redolenter
tu tue morti proximans
nutu dei previo
urbem intrasti gratulans
multorum cedem civium
sedans tu clementer
virtutibus exuberans
innoxiis mentibus
sis nos pater liberans
orans pro lapsu criminum
nostri memor semper
|
| |
2nd Vespers (gospel) special antiphon
|
O sidus italie
preclara proles tuscie
propago graciosa
de christo vite prodiens
in hac vita erumnosa
fuisti lumen oriens
super quem predicantem
visa est stella
mire claritatis
perduc gregem deviantem
ad christum pastorem
summe bonitatis
o confessor inclite
ne pereat interitu
heu seve mortis amne
|
2nd Vespers antiphon .a
|
Splendor pudicicie
zelator paupertatis
amator innocencie
cultor virginitatis
lustrator sapiencie
protector veritatis
ante thronum fulgidum
para nobis aditum
eterne maiestatis
|
| |
Matins respons .a1
|
Perusi urbe inclita
vigebat bellum horridum
quod multos substernebat
hic preco voce valida
damnat certamen stolidum
quod fides arguebat
|
Matins verse .a1
|
Saxis ruebant homines
fiebant satan martyres
qui cunctos deludebat
|
Matins respons .a2
|
Apud summum pontificem
alme urbis presulem
criminatus est insonter
sed alme sedis gracia
de predicando copia
ei datur eleganter
|
Matins verse .a2
|
Confutantur emuli
ad eum fideles populi
currunt adfluenter
|
Matins respons .a3
|
Viterbii dum veritas
et mystica moralitas
per eum nunciatur
nefariorum pravitas
invidie voracitas
nocenter inflammatur
|
Matins verse .a3
|
Verum divina bonitas
et mentis sue equitas
ei auxiliantur
|
full office name: