| |
| |
Vespers antiphon 1
|
Senarum civis inclitus
superna luce preditus
bernhardinus prudenter
semper amare studuit
christum iesum quem docuit
revereri decenter
|
Vespers antiphon 2
|
Vivens in innocencia
sanctus hic ab infancia
se deo consecravit
tandem donis celestibus
eius bonis operibus
hunc deus predotavit
|
Vespers antiphon 3
|
Hic prudens mundi speciem
perpendens velut glaciem
labiliter dissolvi
confestim hanc deseruit
se sibi nec inseruit
nolens a deo solvi
|
Vespers antiphon 4
|
Francisci cinctus cordula
contectusque tunicula
pompam mundi reiecit
eius+que vitans prospera
regnum dei per aspera
promerendum coniecit
|
Vespers antiphon 5
|
Dignitatum insignia
recusat et fastigia
bernhardinus honorum
nam christo ut se prebuit
se minimum exhibuit
in ordine minorum
|
Vespers (gospel) special antiphon
|
O doctor egregie
o predicator gracie
tu vas eleccionis
fore meruisti
salvatoris predicans
eiusque cunctis indicans
summe dileccionis
nomen iesu christi
ex te salus populi
per te labentis seculi
remittuntur criminum
sordes predicando
pater o bernhardine
horum sis memor in fine
qui te poscunt dominum
pro his deprecando
|
| |
Matins I
|
Iesus salvator divinus
veneretur decenter
quem beatus bernhardinus
predicavit ferventer
|
Matins antiphon 1
|
Datur in lucem gencium
bernhardinus a deo
illustratorque mencium
requievit in eo
|
Matins antiphon 2
|
Afflatus sancto spiritu
vivendo formam dedit
precavens ab interitu
culpe que mentem ledit
|
Matins antiphon 3
|
Virtutum multiplicitas
probitas atque morum
commendat hunc ac veritas
sanctum refert signorum
|
Matins respons 1
|
Devotus christi confessor
bernhardinus senensis
fidei sacre professor
eiusque firmus ensis
apud deum intercessor
sit pro nostris offensis
|
Matins verse 1
|
Doctrine pauli successor
menteque iesu professor
nunc precibus impensis
|
Matins respons 2
|
Sanctus hic a principio
datur litterature
qui iugi vacans studio
sensum capit scripture
sic lucis huius radio
se confert vite pure
|
Matins verse 2
|
Mundum hunc habens tedio
minores replet gaudio
se sue subdens cure
|
Matins respons 3
|
Huius sacris influxibus
plebs devota creatur
virtuosisque moribus
eius mens illustratur
et languidis corporibus
medela mox prestatur
|
Matins verse 3
|
Cunctis ad sanctum precibus
devote fusis tristibus
solamen statim datur
|
Matins antiphon 4
|
Cor mundum sanctus habuit
ab etate primeva
nec obliquari debuit
cum huius mundi leva
|
Matins antiphon 5
|
Hic carnis supercilium
legi mentis subiecit
se ipsum domicilium
spiritus sancti fecit
|
Matins antiphon 6
|
Zelator vite pauperis
christi iesu sacrate
contemptis mundi prosperis
adhesit sibi grate
|
Matins respons 4
|
Dum minoratur habitu
minoratur humilius
bernhardinus et mente
que continentur ambitu
sacri status ut filius
eius complens attente
|
Matins verse 4
|
Verborum sine strepitu
promissa plus quam alius
servavit sed non lente
|
Matins respons 5
|
Senarum urbis renuit
urbinique ferarie
culmen pontificatus
sic eius votum tenuit
statum habens memorie
ad quod fuit vocatus
|
Matins verse 5
|
Hoc facto digne meruit
quod nunc in regno glorie
cum sanctis sit locatus
|
Matins respons 6
|
Soror migrans a corpore
matris huius dum predicat
humane geniture
simul eodem tempore
apparens sanctus applicat
eiusdem sepulture
|
Matins verse 6
|
Vivo sopito tempore
decessum hunc plebs iudicat
intentum moriture
|
Matins antiphon 7
|
Francisci carus filius
numquam degeneravit
ab eo sed in melius
vitam eius servavit
|
Matins antiphon 8
|
Pacis cultor amabilis
pacem prebet divisis
sic pace commendabilis
a cunctis fit his visis
|
Matins antiphon 9
|
Afflictis et pauperibus
condolens iuxta nosse
hos dictis et operibus
fovebat toto posse
|
Matins respons 7
|
Stella fulgens
claret in ere
quam multa gens
meruit cernere
super caput
sancti descendere
duodena
frontis christifere
|
Matins verse 7
|
Mirum fuit signum vere
quod patuit sic clarere
|
Matins respons 8
|
Alphonsus rex clarissimus
ascribi sanctum monuit
catalogo sanctorum
cui pater sanctissimus
consensum papa prebuit
virtute meritorum
|
Matins verse 8
|
Cetus senarum optimus
aquile cui non defuit
sed nec ordo minorum
|
| |
Lauds antiphon 1
|
Ob sacre vite meritum
et gloriosum exitum
beati bernhardini
personemus alacriter
per christum ut finaliter
reddamur sancto fini
|
Lauds antiphon 2
|
In celis sanctus iubilat
in terris quoque rutilat
mirandus iste signis
sic ei plebs afficitur
que digna mox efficitur
donis eiusdem dignis
|
Lauds antiphon 3
|
Cunctis prestans auxilium
mentem movet fidelium
vir tantus ad orandum
iam pergunt per itinera
secum ferentes munera
ad eum honorandum
|
Lauds antiphon 4
|
Orbis terre per climata
fragrant ut thymiamata
merita sancti viri
suaque sacra dogmata
mundi pellunt phantasmata
insani ac deliri
|
Lauds antiphon 5
|
Laudandus est per omnia
iesum laudans preconia
sanctus hic salvatoris
cur eius ob sollemnia
laus sibi cum harmonia
detur cordis et oris
|
Lauds (gospel) special antiphon
|
O sacer dei famule
bernhardine tu consule
quid agendum veraciter
ut queamus salubriter
graciam mereri
qui errantes per devia
peccatorum direxisti
quosque salutis in via
deduxistique gracia
que debet hic queri
tuis pater supplicibus
ut ceteris tu fecisti
tempus impetra precibus
quo possint penitencia
peccata deleri
|
| |
2nd Vespers (gospel) special antiphon
|
O virum sanctissimum
in dictis et operibus
afflictis et pauperibus
solamen prestantem
defunctis vitam tribuit
infirmisque prebuit
virtutem sanantem
o vere iustissimum
qui se tot bonis implicat
dulcem+que plebi predicat
iesum voce clara
bernhardine fac inclitis
tuis privare meritis
morte nos amara
|
| |
Lauds (gospel) special antiphon 1.a.o
|
Sacer christi bernhardine
nostra cordis suspiria
pater clementer aspice
nec despice nos in fine
legis amator divine
sed a malis nos preserva
nostraque desideria
semper in bonis conserva
|
| |
Q (gospel) special antiphon 1.a.o
|
Salve iesu fator
et amator normaque morum
fervens predicator
et zelator vani cunctorum
o bernhardine
duc nos ad regna polorum
|
| |
Matins respons 1.a
|
De sancti patris hodie
bernhardini virtutibus
fari libet quam varie
diversis in climatibus
opem prestant cottidie
defunctis et viventibus
|
Matins verse 1.a
|
Non cessant nocteque die
suffragare merentibus
dum sanctum deposcunt pie
sanari a languoribus
|
full office name: