full office name: BERCHTOLDUS of Garsten (n1)
edition: AH 5 #51
eccles:mon
OSB
calendar:July 27
structure summary: Vespers: ARE
Matins: monastic
Lauds: A5E
2nd Vespers: RE
poetic forms: Vespers: l{lh}.l
Matins: l.l5v{lh4}l5f{lh4}.l{lh4}
Lauds: l5.l
2nd Vespers: {lh}.l [”q]
type of saint: abbot
geographical information:Garsten, Austria
notes:abbot or abbess
Persons: Berchtolde Berchtoldo Berchtoldus Martha Berchtoldum
Places: Babylonis

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon
Ad nova festa dei
presentis honore diei
a fedis lota
concurrunt aurea vota
Vespers respons
O dux preclare
fac ad portum remigrare
fluctivagos mundi
cum sis exemplar eundi
nosque tuam partem
transpone salutis ad arcem
Vespers verse
Iunge scholis christi
rector quibus ipse fuisti
Vespers (gospel) special antiphon
Laudibus insignis
meritis clarissime dignis
par confessorum
dulcis mixtura bonorum
da prece servorum
votis berchtolde tuorum
secula plena bonis
celestibus aurea donis
 
Matins I
Sors dedit eterna
berchtoldo iura superna
plebs cognata choris
ad opus consurgit honoris
Matins antiphon 1
Iste beatus vir
est divinitus quasi lignum
quod fructum profert
eterno germine dignum
Matins antiphon 2
Hic domino placuit
per gaudia iuncta timori
que contrarietas
divino servit honori
Matins antiphon 3
Cuius christi caput
tua gloria vexit ad astra
da per eum membris
vite sollemnia castra
Matins antiphon 4
Eia sancte pater
quam vera pace quiescis
in spe dispositus
domini marcescere nescis
Matins antiphon 5
Astabat mane
domino berchtoldus at ille
sero refudit ei
celorum premia mille
Matins antiphon 6
Te pater alme beati
eterni laurea floris
nobiscum partire tui
diadema decoris
Matins respons 1
Hic domini servus
districto calle viarum
transiit ut cervus
ad fontes currit aquarum
Matins verse 1
Nam siciit rivum
celesti nectare vivum
Matins respons 2
O dignum dignis
o nullo turbine victum
qui manibus mundi
retinentem liquit amictum
Matins verse 2
Ne possit nimium
legis dissolvere dictum
Matins respons 3
Iusticie cursum
celorum limite sursum
sanctus adimplevit
ubi pacis in orbe quievit
Matins verse 3
Et patrie letam
celebrat sine fine dietam
Matins respons 4
Quam carus christi
berchtolde miles fuisti
qui faciens mundi
fallentis pectora tundi
milicie zonam
non solvis adus que coronam
Matins verse 4
Fac ita pugnare
quos te cognoscis amare
Matins antiphon 7
Iustus qui loquitur
verum de corde fideli
absque doli maculis
intrat solacia celi
Matins antiphon 8
Hic non accepit
animan sub pondere vano
sed meritis gravidam
virtutum robore sano
!Animan [alt: ?]
Matins antiphon 9
In virtute tua
sanctus letabitur iste
quem tua prevenit
dulcis benediccio christe
Matins antiphon 10
In dominum iustus
quoniam sua vota reclinat
ille sibi sine defectu
bona summa propinat
Matins antiphon 11
Te decet omnis honor
rex dives in arce polorum
qui fidei servum
sociis ascribis eorum
Matins antiphon 12
Cum dominus fuerit
iudex in mente profunda
serva nos berchtolde tuos
a morte secunda
Matins respons 5
Sanctus berchtoldus
subiit quasi martha laborem
predulcem tamen eius agens
in corde sororem
Matins verse 5
Contemplando bibit
verbi celestis amorem
Matins respons 6
In terris velut in celis
pia mens habitabat
iustus enim patrie meritis
in carne vacabat
Matins verse 6
Celitus assumi
dignus quasi virgula fumi
Matins respons 7
De nebulis stellaque clarens
de luce novella
emicat expresse
berchtoldus creditur esse
Matins verse 7
Fama iucundus
et ab omni pulvere mundus
Matins respons 8
Pastor predigne
pater o berchtolde benigne
transfer ab errore
famulos illoque tenore
iusticie serva
quo simus grata caterva
Matins verse 8
Fac nos equales
domini fervore sodales
Matins (gospel) special antiphon
Gaudia sanctorum
latissima nescia finis
flore sub eterno
nullis damnanda pruinis
iam pater intrasti
fac nos procul esse ruinis
Matins respons 9
Iustum describunt
titulis miracula clara
corde stupenda nimis
novitas origine rara
Matins verse 9
Lusit in electo
de celis gracia cara
Matins respons 10
Corporis in cella
radians purissima stella
frondibus elisum
dat claro sidere visum
Matins verse 10
Liberat obsessos
curat languore repressos
Matins respons 11
Crevit in ecclesie
pelagus sanctissima stilla
nam sacra post carnem
plus est operata favilla
Matins verse 11
Sic deus exaltat
servos de morte pusilla
Matins respons 12
Post habitum carnis
post reddita terrea iura
induit eternis
berchtoldum celica cura
ipse sic auxilio
nobis in morte futura
Matins verse 12
Ne nos involvat
domini sentencia dura
 
Lauds antiphon 1
Iam velut aurora
consurgens luce decora
progreditur iustus
operum candore venustus
Lauds antiphon 2
Sub radiis laxis
iam volvitur aureus axis
celica per dona
iusti fulgente corona
Lauds antiphon 3
Ecce viam pandis
per quam pater inclite scandis
ad lumen verum
supremo iure dierum
Lauds antiphon 4
In nobis estum
domans berchtolde molestum
per ventum roris
medium depone caloris
Lauds antiphon 5
Alme pater sero
stans coram iudice vero
perpetue morti
nos subtrahe robore forti
Lauds (gospel) special antiphon
Gaudet in celis
animarum turba fidelis
laude dei plena
tanto concive serena
cuius honore david
cornu sublime paravit
per bona virtutis
et munera vera salutis
 
2nd Vespers respons
O nova ierusalem
domini structura superna
que non admittis
babylonis iura veterna
in te berchtoldus
paradisi tempora verna
securus celebrat
qui nos pietate paterna
dirigat in fine
tamquam preclara lucerna
2nd Vespers verse
Ne trahat errantes
mortis tenebrosa caterva
nobis prodesse
digneris ad omne necesse
2nd Vespers (gospel) special antiphon
O pater o rector
celesti dives honore
quem primi colimus
de primo cordis amore
nos tibi deferimus
iam corda repleta pavore