| |
| |
Vespers antiphon 1
|
Fuit re et gracia
homo benedictus
vir qui nunc in patria
sanctus est et iustus
|
Vespers antiphon 2
|
Nursie provincia
dedit hunc alumnum
vicit puer vicia
zabulum et mundum
|
Vespers antiphon 3
|
Quem romanus suscipit
sub adeodato
aqua pane reficit
signo resti dato
|
Vespers antiphon 4
|
Ille nequam spiritus
in calculis iactatis
fregit signum invidus
huius caritatis
|
Vespers antiphon 5
|
Sed romanus destitit
nusquam ab incepto
nec sacerdos defuit
die pasche festo
|
Vespers (gospel) special antiphon
|
O decus ecclesie
et honoris vasculum
o pater clemencie
tu dux tu lux speculum
regularis vite
exemplum mundicie
veritatis calculum
aratrum iusticie
contempsisti seculum
sancte benedicte
|
| |
Matins I
|
Colletetur ecclesia
benedicto congaudeat
et dicat
suscipe nos in gloria
christo regi complaceat
ut fiat
|
Matins antiphon 1
|
In viam non abiit
iste peccatorum
meditari voluit
legem mandatorum
|
Matins antiphon 2
|
Insensati impii
quare fremuerunt
potum mortis filii
patri tribuerunt
|
Matins antiphon 3
|
Vitrum fregit famulus
domini est salus
fuso viro monachus
hebetatur malus
|
Matins respons 1
|
Quando pater filiis
per natum dat pacem
orbis actis circulis
quadringentis decem
satana cum viciis
se parat ad necem
|
Matins verse 1
|
Benedictus mittitur
novis armis utitur
novum portat ensem
|
Matins respons 2
|
Fides firma clipeus
caritas lorica
lancea spes balteus
pietas amica
aqua fluit rivulus
paupertas cupita
|
Matins verse 2
|
Vilem vestit penulam
sacram scripsit regulam
verba dat mellita
|
Matins respons 3
|
Multitudo militum
sequitur hunc ducem
christum regem agnitum
atque veram lucem
profitentur deditum
morti super crucem
|
Matins verse 3
|
Horum vita seculum
lucet mundo poculum
propinat felicem
|
Matins antiphon 4
|
Sanctum suum dominus
hunc mirificavit
quem in celo plenius
cum glorificavit
|
Matins antiphon 5
|
Scuto dei genitus
bone voluntatis
sue quo sum agnitus
induit me gratis
|
Matins antiphon 6
|
Ex ore lactancium
perfecisti laudem
ut mos est infancium
hic non fecit labem
|
Matins respons 4
|
Ales dictus merula
dum vacaret gracia
contemplacionis
nigra volat garrula
sed carnalis nuncia
est temptacionis
|
Matins verse 4
|
Mens perhorret vicia
hanc fugat propicia
virtus passionis
|
Matins respons 5
|
Placidum discipulum
hinc per maurum sedulum
traxit de procella
in patrem et filium
propter hoc miraculum
pia surgunt bella
|
Matins verse 5
|
Per patris oraculum
tollitur piaculum
dum orat in cella
|
Matins antiphon 7
|
Hic vir sine macula
vixit deo suo
manet nunc in gloria
monte sancto tuo
|
Matins antiphon 8
|
Benediccionibus
tuis prevenisti
sanctum quem in omnibus
tu benedixisti
|
Matins antiphon 9
|
Innocens hic manibus
atque mundo corde
nusquam vanitatibus
se dedit aut sorde
|
Matins respons 7
|
Pater hic apostoli
perficit officium
et prophete nomen
inquire vas olei
defensoris filium
et qui fert flasconem
|
Matins verse 7
|
Feminas ex nobili
genere sed clericum
et regis tironem
|
Matins respons 8
|
Eius pater exitum
nunciavit filiis
mox correptus febribus
vite panem sumit
post hec flavit spiritum
celi iunctus liliis
et supernis civibus
vite vitam unit
|
Matins verse 8
|
Post ipsius obitum
viam stratam palliis
nitentem lampadibus
binus frater cernit
|
Matins respons 9
|
Sanctus hic descenderat
videre scholasticam
cum abire voluit
illa supplex rogat
iam caput levaverat
sentit pater pluviam
que tantum invaluit
quod manere cogat
|
Matins verse 9
|
Post tres dies penetrat
celos soror celica
istud sancto patuit
quando deum orat
|
| |
Lauds antiphon 1
|
Benedictus petere
desertum decreverat
nullo sese noto
quem nutrix deserere
profecto non poterat
mundo spreto toto
|
Lauds antiphon 2
|
Petit capisterium
pro purgando tritico
nutrix a vicina
quod incaute positum
fractum sanat illico
virtute divina
|
Lauds antiphon 3
|
Hic nutrice inscia
fugit et incognitus
mansit annis tribus
quem divina gracia
pavit atque modicus
his ioannis cibus
|
Lauds antiphon 4
|
Sed christus presbytero
paranti convivio
in paschali festo
ait meo puero
confecto ieiunio
cibum istum ferto
|
Lauds antiphon 5
|
Surgit hic sollicite
virum fine reperit
cum difficultate
surge mande non nunc te
ieiunare convenit
hac sollemnitate
|
Lauds (gospel) special antiphon
|
Gaude felix anima
benedicti quoniam
fusam lucem desuper
cunctas noctis tenebras
fugasse vidisti
et germani animam
ferri ad celestia
sororisque radio
ante tuos oculos
mundum conspexisti
|
| |
2nd Vespers (gospel) special antiphon
|
Sanctus hic miraculis
atque vite radio
mundo dat splendorem
patuit in filiis
patris gloriacio
inde dat honorem
christo sed in aliis
in iesu servicio
excitat ardorem
benedicte famulis
tuis fac in odio
seculi amorem
dona quod cum celicis
omnibus perpetuo
cernamus factorem
|
| |
Matins verse .a1
|
Non huius hic inscius
corvo mandat ocius
longe tollat eum
|
full office name: