full office name: BEGGA (n1)
edition: AH 45 #15
calendar:December 17
structure summary: Vespers: E
Matins: secular-
2nd Vespers: E
poetic forms: Vespers: .v
Matins: p.voo{v3}o3{v3}v3{v,ov}
2nd Vespers: .v [”]
type of saint: widow
geographical information:Belgium
notes:widow
Persons: Begga Gonduinum Begge

By clicking on the icon you can search for offices within the corresponding category.

Here you find the raw text from the LMLO file

 
 
Vespers (gospel) special antiphon
O fundatrix begginarum
gregem tuum dirige
in odorem unguentorum
christi fac nos currere
 
Matins I
Laudemus deum nostrum in confessione sancte matris begge
Matins antiphon 1
Ardens flamma caritatis
se decore castitatis
sancta begga induit
cui mundus florens viluit
Matins antiphon 2
Relinquens aulas regias
septem struxit ecclesias
ut christo vacans celica
serviret cum leticia
Matins antiphon 3
Begga mater piissima
aspirans ad celestia
christo dicavit plurima
virginitatis agmina
Matins respons 1
Iuncta toro begga mater
fructu prolium beatur
christo pie famulatur
divitans ecclesiam
Matins verse 1
Patricidam gonduinum
pie educat divinum
docta verbum fertque trinum
ex virtute meritum
Matins respons 2
Persecutor dum parentem
impie trucidat mentem
pia vidua dolentem
munit paciencia
Matins verse 2
Flumen transiens secura
fugit christo servitura
et pericula futura
vincit ope celica
Matins respons 3
Iam soluta lege viri
christi iugo vult muniri
romam petit erudiri
pietate cupiens
Matins verse 3
Sacra christo reddens vota
secum retulit devota
quas optabat mente tota
sanctorum reliquias
Matins antiphon 4
Pie disponens omnia
fert vite necessaria
begga mater clientibus
mentemque dat celestibus
Matins antiphon 5
Marie matris virginis
exemplo preit omnibus
obedientem humilem
castamque vitam predicans
Matins antiphon 6
Sic filiarum gloriam
intus per christi graciam
demonstrat tota celicis
obtemperans oraculis
Matins respons 4
Cor ad christum anhelabat
et in loco quem monstrabat
dominus septem fundabat
pervigil ecclesias
Matins verse 4
Ad salutem animarum
iesu christo devotarum
piam vitam begginarum
postmodum instituit
Matins respons 5
Ad exemplar christi matris
voluntatem summi patris
fundamentum pietatis
asseclas edocuit
Matins verse 5
Castitatem mentis flore
et humilitatem more
observandam vult decore
cum obediencia
Matins respons 6
Moritura mater pia
celum suscipit in via
quam calcavit cum maria
virgine deipara
Matins verse 6
Vocans turmas filiarum
cibum petit animarum
sacramentum christi carum
ultimum viaticum
Matins antiphon 7
Humilis ancilla christi
quem ferventer dilexisti
regnum eius percepisti
nos clientes respice
Matins antiphon 8
Castam humilemque mentem
iugiter obedientem
christo pie adherentem
mater nobis impetra
Matins antiphon 9
Begga mater gloriosa
paradisi vernans rosa
esto nobis graciosa
apud christum iudicem
Matins respons 7
Meritorum tota plena
christum flagrat mens serena
que beatur vite vena
tendens ad celestia
Matins verse 7
Begga mater pietatis
speculum humilitatis
ad profectum sanctitatis
gregem tuum dirige
Matins respons 8
Sancta mater vivens celo
nos clientes sacro zelo
dum artamur in hoc prelo
carnis presens adiuva
Matins verse 8
Tue vite institutum
sacra semita virtutum
ut sit nobis iter tutum
apud deum satage
 
2nd Vespers (gospel) special antiphon
Ave mater speciosa
clarior sideribus
cuius vultum ac decorem
concupivit dominus
sancta begga begginarum
mater dives meritis
funde preces redemptori
pro tuis supplicibus