| |
| |
Vespers antiphon 1
|
Gaude mater ecclesia
nam bartholomei
celebramus sollemnia
preelecti dei
|
Vespers antiphon 2
|
Mittitur in indiam
summi verna regis
predicet ut graciam
ibi nove legis
|
Vespers antiphon 3
|
Mutescunt simulacra
eius ad ingressum
dirigunt ad lavacra
christi indi gressum
|
Vespers antiphon 4
|
Lingue sue aratro
egras sanat mentes
indorum de barathro
multas salvans gentes
|
Vespers antiphon 5
|
Egro curam populo
confert sospitatis
eique incredulo
fidem trinitatis
|
Vespers respons
|
Quanto plus deprimitur
cedrus plus erigitur
motu naturali
modo quidem tali
quem torquet diabolus
plus floret apostolus
omnis expers mali
|
Vespers verse
|
Fustigatus ceditur
et pelle exuitur
ordine brutali
|
Vespers (gospel) special antiphon
|
Iesu dulcis domine
tam sancti oramine
solvens a ligamine
multorum errorum
nos tua duc plasmata
diva ad agalmata
colamus ut sabbata
tecum sabbatorum
|
| |
Matins antiphon 1
|
Exultat viriliter
sicut gigas christe
ad currendam iugiter
viam iustam iste
|
Matins antiphon 2
|
Calcantem miserie
mundi huius lutum
celis dedit hodie
dominus virtutum
|
Matins antiphon 3
|
Principum consilia
deus reprobavit
horum quando studia
per hunc confutavit
|
Matins antiphon 4
|
Cordis iste vocibus
ad deum clamavit
et de tribulantibus
eum liberavit
|
Matins antiphon 5
|
Principem constituit
super omnem mundum
deus sicut voluit
sanctum istum mundum
|
Matins antiphon 6
|
Deo nostro psallite
psallite gaudenter
cum hoc sancto psallite
cuncti sapienter
|
Matins respons 1
|
Bartholomeus beatus
vexillo crucis armatus
indiam ingreditur
demones mox obmutescunt
hoc indi viso stupescunt
nova laus attollitur
|
Matins verse 1
|
Signa et prodigia
cumulantur
et novantur
dei mirabilia
|
Matins respons 2
|
Habebat eximiam
vesanam rex filiam
mire speciei
quam sanam polymio
regi a demonio
reddidit vir dei
|
Matins verse 2
|
Nova surgunt gaudia
plebs miratur
gratulatur
rex sanata filia
|
Matins respons 3
|
Nobili quidem thesauro
argento gemmis et auro
honorandus queritur
queritur nec reperitur
quia ubi sit nescitur
querens omnis fallitur
|
Matins verse 3
|
Perplures electum
sollerter ex milibus
votis non imparibus
requirunt dilectum
|
Matins respons 4
|
Adest mane clanculo
sanctus in cubiculo
solus soli regi
quare inquit talia
mihi das contraria
que sunt dei legi
|
Matins verse 4
|
Qui terrena sapiunt
ista querunt
sed non erunt
mea que decipiunt
|
Matins antiphon 7
|
Huius tui domine
ob preces amici
turris sis a turbine
nobis inimici
|
Matins antiphon 8
|
In deo laudabitur
digne iste iustus
laudum decorabitur
floribus venustus
|
Matins antiphon 9
|
Beatus est domine
hic quem elegisti
quem in tuo sanguine
tibi conscripsisti
|
Matins antiphon 10
|
Peccatorum cornua
deus confregisti
quos virtute strenua
huius prostravisti
|
Matins antiphon 11
|
Nunciat iusticiam
dominantis celi
viam dans ad patriam
populo fideli
|
Matins antiphon 12
|
Dei testimonia
quia custodivit
gaudia celestia
letus introivit
|
Matins respons 5
|
Legem evangelicam
fidemque catholicam
os bartholomei
principi proposuit
modum et exposuit
incarnati dei
|
Matins verse 5
|
Rex ab idolatria
ut recedat
deo credat
qui creavit omnia
|
Matins respons 6
|
Pontifex cum subdolo
libas libat idolo
demon vocem dabat
cessate o miseri
ne vos ignis inferi
sicut me invadat
|
Matins verse 6
|
Ligat infeliciter
angelus me dei
confixerunt turpiter
quem cruci iudei
|
Matins respons 7
|
Demon frangit statuam
gentem per quam fatuam
morbo dementavit
sua fracta propere
reliquas diruere
statuas hiavit
|
Matins verse 7
|
Idolis gentilitas
cum libavit
cruciavit
magis hanc infirmitas
|
Matins respons 8
|
Oculis demonium
dei servus omnium
pernox presentavit
ecce inquit comminus
vester astat dominus
qui vos fascinavit
|
Matins verse 8
|
In desertum pervicax
fugat brutum
tam versutum
sit ut ad nil efficax
|
Matins (gospel) special antiphon
|
Cantica leticie
meritis precelsis
vir mirande gracie
psallit in excelsis
|
Matins respons 9
|
Opere mirifico
precatu salvifico
tunc bartholomeus
sospitati credulum
dat egrotum populum
laudaturque deus
|
Matins verse 9
|
Rex cum omni populo
christi quidem
sumit fidem
hoc viso miraculo
|
Matins respons 10
|
Iacto diademate
sancto doctus pneumate
rex bartholomeum
corde totus credulo
emulatur sedulo
non relinquens eum
|
Matins verse 10
|
Vite querens bravium
diadema
calcat schema
flocci pendit regium
|
Matins respons 11
|
Regis frater dyscolus
ut adsit apostolus
iubet dicens sibi
cur fallendi vinculo
perversum cum populo
subdis regem tibi
|
Matins verse 11
|
Sanctis ait subito
non perverti
sed converti
verbi dei merito
|
Matins respons 12
|
Dire valde fustigatur
et vivus excoriatur
omni carens vicio
tiro dei gloriosus
martyr quoque preciosus
celi dignus solio
|
Matins verse 12
|
Gaudiosus civium
mira palma
ad agalma
transmigrat celestium
|
| |
Lauds antiphon
|
De locis diabolus
cedit orientis
adest dum apostolus
virtutum augmentis
|
Lauds (gospel) special antiphon
|
Benedictus domine
es indos longinquos
in tuo qui nomine
fecisti propinquos
populum tam dyscolum
tuum per apostolum
ad salutem vehis
cuius patrociniis
celi nos collegiis
iunge iubileis
|
| |
Prime antiphon
|
Primum regnum glorie
prudenter quesivit
gaudenter hoc hodie
felix introivit
|
Terce antiphon
|
Victimandus tacuit
vir tropei magni
et os non aperuit
ritu mitis agni
|
Sext antiphon
|
Privatus exuviis
agnus sine felle
eternis pro premiis
pellem dat pro pelle
|
Nones antiphon
|
Maximum congeritur
gaudium in celis
cum comes adicitur
illis tam fidelis
|
| |
2nd Vespers antiphon 1
|
Gaude florens india
felix ac beata
tanti per insignia
sancti decorata
|
2nd Vespers antiphon 2
|
Effugat diabolum
deus plenum sorde
suum per apostolum
ab indorum corde
|
2nd Vespers antiphon 3
|
Egrotis remedia
prestans pociora
cunctis beneficia
donat largiora
|
2nd Vespers antiphon 4
|
Congregat in horrea
omnia cernentis
multos iacta palea
fructus multe gentis
|
2nd Vespers antiphon 5
|
Collaudant victoriam
huius militantis
mirantur presenciam
cuius triumphantis
|
2nd Vespers (gospel) special antiphon
|
Magnificemus hominum
redemptorem et dominum
vincentem in ligno
bartholomei iugibus
absolvat interventibus
ut nos a maligno
|
full office name: