| |
| |
Vespers antiphon 1
|
Adest dies celebris
qua servus fidelis
ab his migrans tenebris
coruscat in celis
|
Vespers antiphon 2
|
Peregrinus patriam
obtinet celestem
glorie primariam
ubi sumpsit vestem
|
Vespers antiphon 3
|
In nupciis regiis
decenter ornatus
affluit deliciis
supernis beatus
|
Vespers antiphon 4
|
Corde lingua manibus
domum fabricavit
in locis celestibus
quam inhabitavit
|
Vespers antiphon 5
|
O pastor egregie
adsis semper gregi
commendans cottidie
nos eterno regi
|
Vespers (gospel) special antiphon
|
Magnificat animam
deus sui militis
virtute mirificat
amplificat meritis
premii glorificat
deliciis abditis
secum cor letificat
barnardi antistitis
|
| |
Matins I
|
Collaudemus singuli
divinam clemenciam
qui barnardo presuli
dedit tantam gloriam
|
Matins antiphon 1
|
Nobilis prosapie
tamquam vite lignum
barnardus burgundie
dedit fructum dignum
|
Matins antiphon 2
|
Super sion positus
iussa dei predicat
moribus compositus
ut sol lucens emicat
|
Matins antiphon 3
|
Deus eius gloria
hunc clamantem eripit
et secum in patria
exaltatum suscipit
|
Matins respons 1
|
Stirps barnardum
producit nobilis
radix florem
fructum flos utilis
in quo deus patet mirabilis
|
Matins verse 1
|
Crescit puer simplex et humilis
virtutibus magnis laudabilis
|
Matins respons 2
|
Avulsus a scholarum studiis
presit in patris patrimoniis
summi patris herens consiliis
|
Matins verse 2
|
Emit summa de rebus patriis
et eterna de transitoriis
|
Matins respons 3
|
Factus miles impugnat vicia
monachorum fundat cenobia
vana mundi calcata gloria
|
Matins verse 3
|
Fit monachus tenens humilia
ad virtutum volat fastigia
|
Matins antiphon 4
|
Verbis signis actibus
barnardum magnificat
coram magnis regibus
deus et mirificat
|
Matins antiphon 5
|
Hunc deus exaudiens
perdidit mendaces
errorum aperiens
laqueos fallaces
|
Matins antiphon 6
|
Dei mirabilia
videns in celestibus
omnia terrestria
subiecit sub pedibus
|
Matins respons 4
|
Dum humilis latere nititur
in abbatem invitus sumitur
hinc vienne presul efficitur
|
Matins verse 4
|
Dum quis fiat
presul discutitur
puer de hoc decennis loquitur
|
Matins respons 5
|
Cum barnardus
in alto ponitur
esse bene
nardus ostenditur
cuius mundus
odore trahitur
|
Matins verse 5
|
Solis iubar
late diffunditur
per hoc cecus
error confunditur
|
Matins respons 6
|
Beatus vir
post longum prelium
multiplicem
post fructum messium
sciens cursus
propinquum stadium
se preparat
ut sumat bravium
|
Matins verse 6
|
Ut rachelis assumat studium
romanense subit cenobium
|
Matins antiphon 7
|
Dei tabernaculum
merito iusticie
habet habitaculum
in eterna requie
|
Matins antiphon 8
|
Cordis desiderium
tu das ei domine
cuius est iudicium
missa vox cum lumine
|
Matins antiphon 9
|
Quod in montem domini
innocens ascendit
ordo iunctus lumini
desuper ostendit
|
Matins respons 7
|
Viri probat peringens meritum
vox militem vocans emeritum
fragrans odor
lumen viis prestitum
hec testantur beatum exitum
|
Matins verse 7
|
Suscipiunt beatum spiritum
leti chori celorum militum
|
Matins respons 8
|
Dum thesaurus
occultus queritur
almi patris
sepulchrum frangitur
inde mirus odor egreditur
sancti virtus
suppressa panditur
|
Matins verse 8
|
Salus membris
egrotis redditur
barnardi laus
longe diffunditur
|
Matins respons 9
|
Gaude romanensis ecclesia
tanti patris dotata gloria
in te victor transit ad premia
|
Matins verse 9
|
Cuius te fundavit industria
in te virtutum fit frequencia
in corporis sancti presencia
|
| |
Lauds antiphon 1
|
Laudes nostras suscipiat
vox in altis mirabilis
quas gratas deo faciat
barnardus vir laudabilis
|
Lauds antiphon 2
|
Iubilate iam iubilat
deum videns in iubilo
barnardus cui laus rutilat
dei lux absque nubilo
|
Lauds antiphon 3
|
Hunc suscepit dextera
dei quem sitivit
dans huic super sidera
potum quem cupivit
|
Lauds antiphon 4
|
Sacerdotes domini
deum benedicant
cuius laudes homini
per barnardum micant
|
Lauds antiphon 5
|
Laudent simul omnia
dominum de celis
a quo sunt magnalia
barnardi fidelis
|
Lauds (gospel) special antiphon
|
O decus burgundie
ambroniacensium
fundator ecclesie
atque romanensium
et presul egregie
gregis viennensium
devote familie
per tuum suffragium
impetres cottidie
divinum auxilium
|
| |
2nd Vespers (gospel) special antiphon
|
Sollemnizet letabundus
in barnardi festo mundus
nostri sacri presulis
a velle fletus iucundus
exit et a mundo mundus
liber carnis vinculis
regnat meritis fecundus
fontis vite sitibundus
sociatur poculis
|
full office name: