| |
| |
A verse LR
|
Ad lucem vere fidei
luce divine gracie
ductus beatus barnabas
factus est lux ecclesie
|
A verse LV
|
Insignis hic apostolus
afflatus sancto flamine
beata luce fruitur
cum beatorum agmine
|
A verse CA
|
Apostolorum cetui
et martyrum consorcio
confessorum conventui
et virginum collegio
devotas laudes concinat
mediolani regio
qui suos cives visitant
et suo magisterio
docent ipsos cum barnaba
sancto doctore previo
|
A verse IR
|
Pastorem nostrum barnabam
colletantes honoremus
mediolani concives
ac devote collaudemus
|
A verse IV
|
Ut nobis apud dominum
advocatus sit supremus
cuius semper presidium
nos ubique invocemus
|
A verse _A1
|
Adducit paulum barnabas
ad urbem anciochie
ut ibi ambo predicent
consortes christi gracie
|
A verse _A2
|
Corpus pro christi nomine
dat barnabas incendio
qui nunc cum sanctis omnibus
eterno gaudet premio
|
A (gospel) verse _E
|
Magnificemus iugiter
christum nostrum redemptorem
qui barnabam apostolum
mundo prebuit doctorem
|
A verse B$
|
Sanctis nos reverendi
precibus barnabe
mundi redemptor munde
sine ulla labe
munda tuos famulos
peccatorum tabe
commendatos eciam
apud patrem habe
|
| |
A M _R1
|
Ortus in cypro barnabas
levitica prosapia
factus christi discipulus
eius sequens vestigia
terrena cuncta despicit
amplectitur celestia
|
A M _V1
|
Discipulorum numero
septuaginta iungitur
duorum post apostolus
qui merito efficitur
|
A M _A1
|
Directus a discipulis
collectam indigentibus
vir barnabas misericors
dispersit dedit fratribus
|
A M _R2
|
Mandato sancti spiritus
hic in opus segregatur
verbi divini barnabas
quod per ipsum predicatur
|
A M _V2
|
Hic plenus sancto spiritu
studiosus predicator
verbum divinum seminat
fructuosus seminator
|
A M _A2
|
Hic barnabas paracleto
plenus multos consolatur
quos pane pascit triplici
ut scriptura protestatur
|
A M _R3
|
Sanctum collauda barnabam
pregrandis anciochia
festivis hunc preconiis
cole romana patria
ambrosiana civitas
honora hunc egregia
|
A M _V3
|
Qui nobis salutifera
dat fidei exordia
quibus ab idolatrie
nos revocat stulticia
|
A M _A3
|
Hunc sanctum suum barnabam
miraculorum gracia
christus iesus mirificat
qui celi regnat patria
|
| |
A Q $A1
|
Per barnabam magnanimum
paulus audacter ducitur
ad pavidos apostolos
quos hic olim persequitur
|
A Q $R
|
Deus semper mirabilis
in sanctis suis omnibus
mirificavit barnabam
miraculis in gentibus
|
A Q $V
|
Ostendit signa dominus
iudeis et gentilibus
quibus ad fidem veniant
discedant ab erroribus
|
A Q $A2
|
Apostole nos barnaba
tuis oracionibus
a cunctis purga viciis
informaque virtutibus
|
A Q KA
|
Exora christum barnaba
ut nobis suam graciam
hic prestet suis famulis
et in futuro gloriam
|
| |
A L HR
|
Primus in apostolica
fide fundat ecclesiam
ad iesu christi gloriam
quam postea metropolim
constituit egregiam
|
A L HV
|
Super huius fundamentum
martyres edificant
confessores et virgines
hanc eciam magnificant
|
A L LR1
|
Apostolus hic barnabas
primus fuit ecclesie
mediolani pontifex
clarus urbis egregie
|
A L LV1
|
Quam ipse ab erroribus
emundat idolatrie
anatelonem presulem
sibi prebens et brixie
|
A L LR2
|
Per manus sancti barnaba
discipuli egentibus
ministrant eleemosynas
amore christi fratribus
|
A L LV2
|
Beati sunt qui porrigunt
largas manus pauperibus
super eos intelligunt
subveniunt inopibus
|
A (gospel) L _E
|
In omnibus operibus
virilis atque strenuus
fuit honestis moribus
hic barnabas precipuus
|
| |
A H _A1
|
Signum crucis veneremur
et cum ipsa gloriemur
qua iesus christus creator
mundi nec non et salvator
offert se sacrificium
salutis nostre precium
cui barnabas eximiam
dat se per ignem hostiam
|
A H _A2
|
Regi regum decantemus
et in ipso exultemus
barnabam nos honoremus
honorando collaudemus
|
A H _A3
|
O venerande barnaba
patris eterni filium
roga ut suis famulis
suum donet auxilium
|
A H _A4
|
Laudemus dei filium
qui barnabam egregium
per multiplex supplicium
duxit ad regni solium
|
A H $A
|
O propheta barnaba
martyr et apostole
libera depressos
nos sub peccati mole
nos et ad celi patriam
precibus attolle
in qua mater virgo regnat
cum regali prole
|
| |
A $_A1
|
Sancti paulus et barnabas
non ira non discordia
divisi sunt ab invicem
sed dei providencia
ut separati predicent
christi sermonem pluribus
fructificent et singuli diversis mundi partibus
|
A $_A2
|
A venerando barnaba
dum templo maledicitur
quo festum a gentilibus
nefando cultu colitur
eius parte corruente
ingens turba opprimitur
|
A $_A3
|
Per paulum atque barnabam
verbum divine gracie
sic crescit et multiplicat
diffusum anciochie
ut in ea nominentur
christianorum nomine
conversi per discipulos
in magna multitudine
|
A $_A4
|
Asserunt quidam barnabam
natum ex christi sanguine
sancte marie filium
sororis nostre domine
|
A $_A5
|
Festivas laudes barnabe
urbs canta brixiensium
anatelonem tibi dat
doctorem hic eximium
qui te ducit de tenebris
et gencium stulticia
ad christum qui est vera lux
et patris sapiencia
|
A $_A6
|
Ioseph augmentum barnabas
consolacionis
atque prophete filius
et conclusionis
auget sanctam ecclesiam
doctrina sermonis
hic egentes dei donis
prophetat multos claudens
in fide unionis
|
A $_A7
|
Apparet christus barnabe
quem sic hortans alloquitur
esto tu constans barnaba
eternum tibi dabitur
superne vite premium
pro eo quod reliqueris
pro me genus et patriam
et animam tradideris
|
A $_A8
|
Timonem sanat barnabas
gravatum magnis febribus
quem sanus gaudens sequitur
ipse non tardis gressibus
|
A $_A9
|
Collata sibi barnabas
in proprium subsidium
distribuit misericors
in usus indigencium
|
A $_A10
|
Perlustrat hic provincias
verbum christi predicando
convertit iste plurimos
ipsos simul baptizando
|
A $_A11
|
In multa paciencia
hic barnabas supplicia
dira suffert et varia
pro iesu christi gloria
|
A $_A12
|
A cunctis sancte barnaba
defende nos periculis
funde preces ad dominum
pro nobis tuis famulis
|
A $_A13
|
O civitas egregia
illustris in italia
pange laudes te brixia
dic barnabe preconia
qui per divinam graciam
tuam creat ecclesiam
cathedralem eximium
ad iesu christi gloriam
|
| |
A K _A
|
O regio italica
collauda dei filium
qui tibi misit barnabam
sollemnem suum nuncium
ad predicandum omnibus
salutis evangelium
|
full office name: