| |
| |
Vespers (gospel) special antiphon
|
Dulci voce resonet
die hac ecclesia
dulce melos intonet
cum dulci concordia
ad hec preclare barbare
natalicia
que spernens adorare
manuum opera
surda muta idola innumera tormenti genera
sustinuit intrepida
pro domini clemencia
sic virgo sanctissima
pro fide mortua
celi gaudens intrat palacia
hinc nobis sint gaudia
hinc nobis felicia
sint angelorum consorcia
|
| |
Matins antiphon 10
|
Respondit virgo di
gencium demonia
multa dant remedia
sed solus deus
qui creavit omnia
qui suos numquam
deserit in angustia
|
Matins respons 5
|
Verbere virgo discerpitur
in parva cella clauditur
presentatur ad iudicium
protestatur dei filium
|
Matins verse 5
|
Diis dicit pedes habent
et non ambulabunt
non est enim spiritus
in ore ipsorum
|
Matins (gospel) special antiphon
|
Virgo morte bona
vite redimita corona
iusticie zona
precingi nos prece dona
|
Matins respons 10
|
Preses fremens repletus insania
ensi iubet amputari ubera
in beata barbara
nec sic virgo clarissima
revertitur ad idola
sed stat pro fide catholica
|
Matins verse 10
|
Ista est que mori pro lege dei sui non recusavit
|
Matins respons 12
|
Barbara sancta dei
veneranda locum requiei
quem possedisti
moriens pro nomine christi
obtineas genti
te puro corde colenti
|
Matins verse 12
|
Que oculus non vidit
nec auris audivit
et in cor hominis non ascendit
|
| |
2nd Vespers (gospel) special antiphon
|
O virgo cuius magna devocio
cuius oris iusta confessio
testificata et scripta est sanguine proprio
tuo precamur patrocinio
obtineas nobis a dei filio
ut nobis tribuatur peccatorum remissio
ut finito presentis huius vite exilio
nobis concedat in celi solio
te cum sanctorum beato frui consorcio
|
| |
Vespers (gospel) special antiphon .a1
|
Flos virginum post mariam o beata barbara
tui tota trinitas revelata
nervis taurinis verberata
cilicinis textis infricata
sanguine perfusa
mamillas abscissa
denudata vestimentis tuis sed stola candida ab angelo allata
que induta a dioscoro patre tuo es martyrizata
sis pro nobis ad dominum interventrix pia
|
| |
Lauds antiphon .a1
|
Barbara agonista christi
mundi mortem tartara
satanam vidisti
nam dum consolamina
sponsi persensisti
cuncti cruciamina
presidis sprevisti
|
| |
Prime antiphon .a1
|
Barbara circumduceris
nuda sed miraculose
candida mox tegeris
stola gloriose
mortis ad supplicia
te spectaculose
patris manus propria
trahit furiose
|
Terce antiphon .a1
|
Barbara mi pulcherrima
audis invitata
veni patris ad letissima
tibi preparata
mecum in cubilibus
sponsa mihi grata
requiesce mercibus
celicis dotata
|
Sext antiphon .a1
|
Barbara manu proprii
patris decollaris
laureo martyrii
serto coronaris
in superna gloria
christo collocaris
et nunc ab ecclesia
digne veneraris
|
Nones antiphon .a1
|
Barbara tua merita
nobis suffragentur
ut culparum debita
cuncta relaxentur
tempora deperdita
iam recuperentur
dataque gratuita
semper cumulentur
|
| |
Vespers respons
|
Pater dum persequitur
sanctam petra absciditur
qua illesa conservatur
fugit passim queritur
a pastore proditur
conventaque religatur
pastoris oviculas
mutavit in locustulas
que nimirum pulchro
eius commanent sepulchro
|
Vespers verse
|
Martyris ob meritum
signum manet hoc hodiernum
|
Vespers (gospel) special antiphon
|
Ave gemma celi sacra
virgo barbara
o tu cultrix trinitatis
tres fenestras statuis
patris in triclinio
duabus preordinatis
sed nec patrem metuis
incedens pedagio
saxa sculpis digito
instructa paracleto
signum crucis inscripsisti
marmoribus sponsa christi
cuius iuncta nupciis
celi deliciis
fac ascribi prece pia
post hec transitoria
!Paracleto [alt: ?]
|
| |
Q antiphon
|
Ave speculum mundicie
scrinium dulcoris
vasculum iusticie
celicique amoris
barbara delicatissima
nos deo copulare
virgo+que sanctissima
fac tecum corregnare
in celis perenniter
et congratulare
|
| |
Matins antiphon 3
|
Hanc pater suus affatur
spe prolis de coniugio
sed virgo confidens in domino
respondet dioscoro
quod velit vivere immunis
a viri contagio
|
Matins antiphon 4
|
In ipsa natatoria barbara virgo beata
spiritu et aqua est renata
est enim in nomine trinitatis baptizata
|
Matins antiphon 5
|
Iam induta christi virgo dominum
turrim conscendit iterum
et indignans spuit in deos gentilium
dicens similis vobis fiat gencium
multitudo vos colencium
|
Matins antiphon 6
|
De fenestris surgit questio
sed virgo dicit dioscoro
turrim fenestrarum radio
irradiatur homo
hoc est patre filio
et spiritu sancto
|
Matins respons 6
|
Sevo laceratur virgo verbere
effuso rubet sanguine
tenebroso damnatur carcere
sed carcer resplendet lumine
salvator adest sanat plagas in virgine
monet ut fortis sit in certamine
|
Matins verse 6
|
Bonum est in domino semper confidere
in deo spem semper ponere
|
full office name: