full office name: BARBARA (n22)
calendar:December 04
manuscript: 1 :GTE 491 {Box 110}
structure summary: Vespers: A4E
Matins: secular
2nd Vespers: E
poetic forms: Vespers: s4.g
Matins: $.ggs{lf,g,vs}ess{ig,g,sf}g3{lg,gp,g}
2nd Vespers: .g [”q]
type of saint: virgin martyr
notes:virgin / feria 5
martyr
Persons: Barbare Barbaram Cerberus

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 2
Recolendo virginis
barbare et martyris
que tulit opprobria
Vespers antiphon 3
Cuius pater idoli
cultor ultor fidei
instigante zabulo
Vespers antiphon 4
Barbarus est barbare
tortor factus filie
clam et in propatulo
Vespers antiphon 5
Qui deum nec hominem
reverendo barbaram
trucidavit inclitam
Vespers (gospel) special antiphon
Virgo dei barbara
spem habens in christo
orat ab his nupciis
liberari a suo
sponso piis precibus
et esse cum ipso
 
Matins I
Adoremus devotissime regem
regum qui barbaram suam martyrem
invitavit ad requiem
Matins antiphon 1
Pater dolet barbaram
sibi renitentem
refutantem nupcias
christo adherentem
Matins antiphon 2
Addit preces precibus
munera muneribus
quidquid potest dulcius
ipsi pollicendo
Matins antiphon 3
Ut a christo retrahat
mentem quam conceperat
dolose suadendo
Matins respons 1
Dum tyrannus virgini
sponso corruptibili
nubere suaderet
ut a christo vero deo
recedere iuberet
barbara respondit
Matins verse 1
Propter sponsum periturum
deum semper permansurum
fide non relinquam
Matins respons 2
Sic frendens medullitus
pater quasi cerberus
barbare fit barbarus
in addendis penis
Matins verse 2
Verbera verberibus
incutit lateribus
verbis cum obscenis
Matins respons 3
Virgo dei cum tremore
palpitans velut in ore
agna lupi rapidi
nil cernens auxilii
Matins verse 3
Truci sub martyrio
frequenti suspirio
fundit preces domino
Matins antiphon 4
Evaginat gladium
sanguinem innoxium
ut effundat rabiem
grassans zelotypicam
Matins antiphon 5
Virgo dei precibus
obtinet ut celitus
murus ruptus aditum
prestet ad effugium
Matins antiphon 6
Statim nutu domini
rapta montis ardui
conditur latibulo
delitescens clanculo
Matins respons 4
Pater durus
profugam insecutus
filiam cernit duos eminus
pastores cum ovibus
quos agressus ocius
Matins verse 4
Sciscitatur quispiam
si vidisset uspiam
filiam errantem
Matins respons 5
Unus de pastoribus
negavit se penitus
aliquem vidisse
nec marem nec feminam
ibi pertransisse
Matins verse 5
Pater quasi credulus
iam herebat dubius
credens pastoribus
Matins respons 6
Pastor alter callidus
quem instruxit zabulus
signum dedit manibus
ut pater absconditam
inveniret filiam
an specus latibulo
latitantem clanculo
Matins verse 6
Maledixit huic virgo
transmutantur oves ergo
eius in locustas
Matins antiphon 7
Pater natam reperit
et affligit mire
de monte cum crinibus
trahens cogit ire
Matins antiphon 8
In obscuro cellule
sancta mancipatur
per custodes impios
egredi vetatur
Matins antiphon 9
Sola iacens barbara
dominum precatur
ad torquendum iudici
impio servatur
Matins respons 7
Adest iudex impius
trahitur puella
patris ad imperium
de obscura cella
et uterque virginem
suadet immolare
diis profanus et deum
verum denegare
Matins verse 7
Renitentem virginem
iudex in aspectu
et pater crudelius
torquet in affectu
Matins respons 8
Sancta nocte media
lux illuminavit
in qua christus veniens
ipsam confortavit
dicens tua passio
celum replet gaudio
Matins verse 8
Ad hec verba domini virgo confortat et tocius corporis plaga relevatur
Matins respons 9
O beata barbara
que despoliaris
vestibus et ungulis
carne laceraris
propter eum quem amas
et a quo amaris
tuis piis precibus
pro nobis loquaris
Matins verse 9
Ut post huius misere
finem in te vivere
tecum mereamur
 
2nd Vespers (gospel) special antiphon
Cum beatam barbaram
pater decollasset
frendens uti cerberus
montem descendisset
ignis venit celitus
ipsum cremans penitus
ne quid superesset