full office name: BARBARA (n15)
edition: AH 25 #47
calendar:December 04
structure summary: Vespers: AE
Matins: secular
Lauds: A5E
poetic forms: Vespers: g.i
Matins: v.ovv{ig,ig,vx}ggx{is,gs,ix}gvv{vn,vx,xg}
Lauds: ivoof.q [”q]
type of saint: virgin martyr
geographical information:Munster, Germany
notes:martyr
virgin / feria 5
Persons: Dioscori Barbara Dioscorus Plutonis

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon
O virgo beata
dioscori nata
nobis tuis emulis
caritate famulis
peccatorum veniam
impetra per graciam
sponsi tui christi
quem tu coluisti
pro quo inivisti
penas leto tristi
Vespers (gospel) special antiphon
Vite salus valida
ne nos palus squalida
peccati demergat
hic nos sic transvergat
ut in vite solio
regnemus cum gaudio
impetret hoc barbara
ne nos gens tam barbara
diri ducis tetri trucis
hostis crucis atque lucis
seducat viciis
nos dans suppliciis
sed eius per passionem
transeamus per agonem
dei sorte bona morte
ad vitam eternam
 
Matins I
Lingua cordi consonet
melos pium personet
ad honorem virginis
laudans natum hominis
Matins antiphon 1
Audi hortor quid hic tortor
pretendebat cum fundebat
filialem sanguinem
Matins antiphon 2
Sua nata deo grata
hoc doluit quod coluit
christum deum hominem
Matins antiphon 3
Immolatum cruciatum
dei natum verbo natum
per intactam virginem
Matins respons 1
Dioscorus vir stultus
atrocitate multus
fidos contra christianos
deos venerans profanos
suam natam custodivit
in turri ingente
ne a procaci gente
cerneretur barbara
fide castitate clara
conubia odivit
Matins verse 1
Iesum sponsum querens
soli huic adherens
celica quesivit
Matins respons 2
O miranda pietas
et laudanda caritas
nostri salvatoris
qui certanti graviter
triumphanti suaviter
adest cunctis horis
Matins verse 2
Astitit ut virgini
sic et iusto homini
hoc est sui moris
Matins respons 3
Fenestrarum pater bina
strui iussit solia
in thermarum loca trina
fieri dat filia
a paternis famulis
crucis cum signaculis
Matins verse 3
Ut laus deitatis
summe trinitatis
innotescat populis
Matins antiphon 4
Pater cum cognosceret
hec quod christum coleret
atque sancte viveret
fide christiana
Matins antiphon 5
Querit hanc perimere
et spatha transfigere
sic neci subicere
mente malesana
Matins antiphon 6
Lapis eam celavit
quod christus donavit
sic quod tunc cessavit
ulcio profana
Matins respons 4
Deus premirabilis
astans suis stabilis
omni laude dignum
mirum fecit signum
consolacionis
ob rem prodicionis
Matins verse 4
Virgo cum oravit
in locustas mutavit
oves opilionis
Matins respons 5
Per pastorem prodita
virgo patri reddita
est a patre lesa
ac predire cesa
utque sevo vindici
tradita est iudici
Matins verse 5
Ipsa quod adheserat
christoque serviverat
salvatori supplici
Matins respons 6
Preses litis ut immitis
preavidus
christianos fide sanos
impavidus
torquere severe
puellulam ancillulam
iesu christi esu tristi
pene amare tormentare
sat nititur hec patitur
fidem docens populo
Matins verse 6
Squalido cum penis
torta inamenis
data est ergastulo
Matins antiphon 7
Hanc reclusam carcere
dignabatur pascere
christi elemencia
sua presencia
Matins antiphon 8
Confortando consolando
hic sanavit sauciavit
quod presidis impietas
et penarum gravitas
Matins antiphon 9
Hinc elatam sic sanatam
admiratus est hortatus
preses diis quod offerat
virgo quod respuerat
Matins respons 7
Usta lampadarum focis
in eius costarum locis
est mamilla depredata
ungulisque lacerata
diro cum supplicio
Matins verse 7
Caput eius tunditur
cruore perfunditur
et teritur cilicio
Matins respons 8
Quando preses impudicus
castitatis inimicus
virginem nudaverat
quam sponsus non desiverat
Matins verse 8
Ipsam veste pulla
tincta nota nulla
angelus vestiverat
Matins respons 9
Virgo christi sancta
tantis penis ancta
ne nobis negetur
impetra corona
post hanc vitam bona
sed pax preparetur
?Ancta [alt: ?]
Matins verse 9
In morte nos conserva
ne plutonis caterva
nobis dominetur
 
Lauds antiphon 1
Dum preses nil proficeret
ut a fide perverteret
virginem sic stabilem
sponso suo habilem
pater hanc recepit
iratus concepit
ipsam magis ledere
Lauds antiphon 2
Ecce quantum hic erravit
hanc quam de se generavit
natam capite truncavit
gladiali verbere
Lauds antiphon 3
Ensem virgo cum subivit
dignas preces tunc petivit
pro gentibus agentibus
penarum suarum memoriam
Lauds antiphon 4
Ut hac consequantur prece
in sua finali nece
peccatorum suorum veniam
Lauds antiphon 5
Sancta prece hac finita
est vox dicens mox audita
quod rogasti impetrasti
veni sponsa mea
Lauds (gospel) special antiphon
Pyr de celo
in hoc zelo
recedentem
ante gentem
patrem virum criminis
flante ictu fulminis
deglutivit
et contrivit
quod nil certum
est repertum
pulveris
vel sanguinis
corpus digne
huius (- igne)/ conquisivit
sepelivit
valentinus virginis
voto pii culminis
que nos dignos
non prevignos
sed heredes
ad mercedes
ipsius certaminis
reddat et precaminis