full office name: BARBARA (n14)
edition: AH 25 #46
calendar:December 04
structure summary: Vespers: A5E
Matins: secular
Lauds: A5E
2nd Vespers: E
poetic forms: Vespers: vffsn.v
Matins: o.v3{vf,lg,iv}vxv{og,o,lT}ovl{i,fo,iv}
Lauds: lgvvs.i
2nd Vespers: .i [”q]
type of saint: virgin martyr
geographical information:Germany
notes:virgin / feria 5
martyr
Persons: Barbara Iude Barbare Saturnea Dioscorum Barbaram

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Exaltemus in suavi
cor et mentem cithara
ut gustemus mellis favi
torrentem cum barbara
Vespers antiphon 2
Que carne quidem sterilis
sed mente fecunda
virgo et mater fertilis
letatur iucunda
Vespers antiphon 3
Dum in turri habitavit
arte custodita
virtus pacis abundavit
in mente munita
Vespers antiphon 4
Domum dum edificat
pater eius vanam
fenestram multiplicat
ob fidem christianam
Vespers antiphon 5
O nive candidior
crystallo nobilior
agni lana tu vestiris
aque fluxu tu fulciris
dum flat auster verior
Vespers (gospel) special antiphon
Adest dies magne laudis
in qua virgo expers fraudis
magnificat dominum
dum exultantem spiritum
potenti cum victoria
christo reddit barbara
eia pia da gustare
christi cibum miseris
hic in via et ditare
paupertatem inopis
 
Matins I
Christo regi exultantes
iubilemus iugiter
sponse dei famulemur
ut regnemus perenniter
Matins antiphon 1
Paulo minus ab angelis
sponsus sponsam minuit
dum celebs hec celebris
carnis iura diluit
Matins antiphon 2
A summo celo deitatis
ut columba graditur
ramum portans castitatis
in ipsum revertitur
Matins antiphon 3
Speculare sion montem
uberem deliciis
manum scandit per insontem
et cordis mundiciis
Matins respons 1
Sublimi in solario
virgo residens barbara
cum virtutum vario
in mente virginea
ut celesti sacrario
capit divina contubernia
Matins verse 1
Viri torum despicit
virgo que chorum conspicit
mente angelorum
Matins respons 2
Aque vive rivulum
charismatum diluvium
se hic expressit
vim salubrem languidis
dum fonti baptismatis
sui impressit
Matins verse 2
Fons signatus permanens
hortus clausus proferens
paradisi fructum
Matins respons 3
O fenestra trini dei
quam pertransit lux diei
en ipse per te prospicit
in ternarum structura
trinitatis cuius vestigium
quevis gerit creatura
Matins verse 3
Sed tu signaculum dei
es similitudinis
plenum decore luminis
Matins antiphon 4
Oblita patris proprii
ob christi regis amorem
ad penas supplicii
se offert prompciorem
Matins antiphon 5
Ad dei virtutem
spe plena refugit
tyranni dum rabies
ut leena rugit
Matins antiphon 6
Eam deus in eternum
sic fundavit quod supernum
verbum visu prospicit
quod ex auditu credidit
Matins respons 4
Eia virgo mirabilis
paries tibi labilis
dat iter manens stabilis
vere splendor es solaris
ut in vitris iens claris
dum scissuram nullam paris
Matins verse 4
Sic ex parte active
egisti
quod in partu passive
gessit mater christi
Matins respons 5
Hec est stella matutina
clausa sub signaculo
quam illustrat lux divina
in carceris ergastulo
Matins verse 5
Hoc exorto lucifero
celum terra plaudit gaudio
Matins respons 6
Septemplici radio
ut sol coruscavit
hec luna pugnans stadio
dum leta toleravit
carceris angustias
flagella et ungulas
lampades et malleum
abscissionem uberum
Matins verse 6
Ferientem
caput gladium
ut argentum
purgatum septuplum
Matins antiphon 7
Afferte deo gloriam
qui gencium sculptilia
muta esse demonia
docuit hanc familiam
Matins antiphon 8
Exulta sion inclita
deum adorant angeli
dum hec iude filia
dat odorem balsami
Matins antiphon 9
Novum agno canticum
et iubilum leticie
chorus canit virginum
ob titulum sanctimonie
Matins respons 7
Ab intus per aureum
vestitum hec protecta
gemmas gerens virtutum
in mente electa
terram circuit in derisum
nuda carne mundo corde
attingens paradisum
Matins verse 7
Sed tegens celum nubibus
hanc vestivit
angelorum manibus
Matins respons 8
Nequaquam exterminium
inferi hunc ferit
qui pium patrocinium
barbare hic querit
et promptum cordis scrinium
ad laudes eius gerit
Matins verse 8
Hoc a christo impetravit
pro quo mori non expavit
Matins respons 9
O dea saturnea
manna pluens celicum
apis tu es mellea
cibum ferens angelicum
famulis tui nominis
ferculis frui corporis
salvatoris
da virgo decoris
Matins verse 9
Tu mons regalis culminis
ros vitalis venie
flos vernalis germinis
dos dotalis gracie
 
Lauds antiphon 1
Nimis admirabilis
in altis christus iesus
quem in imis tam fragilis
sexus colit cesus
Lauds antiphon 2
Oves christi pascue
laude sunt venuste
nam ad nutum barbare
oves sunt locuste
Lauds antiphon 3
Fame siti cruciata
in vili domicilio
christo fuit saciata
ex celi edulio
Lauds antiphon 4
In igne sancti flaminis
benedicamus dominum
igne celi fulminis
qui consumpsit dioscorum
Lauds antiphon 5
Iuvenes et virgines
laudes dent et gloriam
qui ad celi cardines
christo vehit barbaram
Lauds (gospel) special antiphon
Benedictus sit pater luminum
qui barbaram dum petivit
pro salute omnium
sibi famulancium
exaudivit
per quam delicti venia
pax atque iusticia
fax lucis in tenebris
oritur de superis
 
2nd Vespers (gospel) special antiphon
Dei esse digitus
barbara probatur
per quam crucis titulus
in petra formatur
nam impressit per digitum
in marmoris duricie
crucis signum inclitum
manens usque hodie