full office name: BARBARA (n13)
edition: AH 25 #45
eccles:mon
calendar:December 04
structure summary: Vespers: A4E
Matins: IA6R4.A6R3.ER3
Lauds: AE
Hours (little hours): A4
2nd Vespers: E
poetic forms: Vespers: lggs.v
Matins: n.l6{gi,ip,g,ih}ggsils{gs,i$,v}.v{i,ip,v}
Lauds: l.I
Hours (little hours): g4
2nd Vespers: .i [”q]
type of saint: virgin martyr
notes:virgin / feria 5
martyr
Persons: Barbaram Cerberus Barbare Dioscorus

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
O martyr sancta
nunc prece deo sociata
sis memor hic nostri
devotos quos tibi nosti
Vespers antiphon 2
Virginis constancia
dum non superari
nec a fide iesu christi
potest separari
iudex hanc sentencia
iubet decollari
Vespers antiphon 3
Dum beatam barbaram
pater decollasset
et frendens ut cerberus
montem descendisset
ignis venit celitus
ipsum cremans penitus
ne quid superesset
Vespers antiphon 4
Summo regi glorie
modulamur hodie
laudes et preconia
Vespers (gospel) special antiphon
Rex in cena virginali
sedens vocat barbaram
laude plena triumphali
sponsa veni lauream
flore rose sanguinatam
et candore dealbatam
stolam primam accipe
advocatam te celorum
incessanter angelorum
concentus magnificat
 
Matins I
Venite adoremus regem regum
qui beate barbare
coronam dedit glorie
Matins antiphon 1
Virginis eximie
barbare martyris alme
festa celebrare
da nobis rex pie christe
Matins antiphon 2
Hec mundum spernens
et mundi florida ducens
pro nihilo veram
studuit cognoscere vitam
Matins antiphon 3
Cepit amare deum
totumque relinquere mundum
celica mente petens
et christo semper adherens
Matins antiphon 4
Hanc pius in propriam
christus sibi sumere sponsam
dignatus celi
provexit ad ethera summi
Matins antiphon 5
Non cedens verbis
mactatur verbere mitis
carcere damnatur
nec virgo sic superatur
Matins antiphon 6
Preses ut invictam
penitus vidit christi sponsam
ut leo crudelis
iubet hanc discerpere penis
Matins respons 1
Erat quidam satrapas
nomine dioscorus
cui erat filia
nomine barbara
Matins verse 1
Pulchra facie
sed pulchrior fide
erat barbara
christi filia
Matins respons 2
Pater dixit filie
quidam locuti sunt de te
ut acciperent te
in coniugio
ad hec respondit virgo
Matins verse 2
Regnum mundi et omnem ornatum seculi contempsi propter amorem domini mei iesu christi
Matins respons 3
Dum beata barbara
annos pertransisset
pueriles et ad tempus
nubile venisset
pater summo studio
maritum precatur
cui matrimonio
barbara iungatur
Matins verse 3
Primitus blandiciis
eam consolatur
nubere si renuit
dire comminatur
Matins respons 4
Dixit beata barbara
artificibus patris
tres mihi fenestras facite
in nomine trinitatis
Matins verse 4
Quoniam rex omnis terre deus psallite sapienter
Matins antiphon 7
Sponsa christi celebris
sponso visitatur
posita in tenebris
mire collustratur
Matins antiphon 8
Blande christus filia
pone metum inquit
sisque constans gracia
te non derelinquit
Matins antiphon 9
Iuste lux orta est gracie
late spargens radium
rectis corde studium
ingerit leticie
Matins antiphon 10
Sponsa christi
a preside nudatur
et per vicos agitatur
sed precata deum
mox candida stola velatur
Matins antiphon 11
Martyr dum oravit
gladium subit ethera scandit
sponsus honorque datur
cum christo deliciatur
Matins antiphon 12
Dum in sancta barbara
iesu christe coleris
memor esto muneris
quod oranti contulisti
spes humani generis
Matins respons 5
Surge virgo et nostras
sponso preces aperi
tua vox est dulcis
in aure domini
que pausas
sub umbra dilecti
Matins verse 5
Pulchre sion filia
pro mortali tunica
agni tecta vellere
et corona glorie
Matins respons 6
Pater repletus scelere
filiam vult occidere
sed videt illam evanescere
vident hanc pastores fugere
alter illam non vult prodere
alter ostendit temere
Matins verse 6
A domino fit signum mirabile
oves proditoris fiunt locuste
Matins respons 7
Christus sanctam tenebroso
reclusam ergastulo
miro satis atque blando
confortat eloquio
Matins verse 7
Salve virgo benedicta
quam christi presencia
miro satis atque blando
confortat eloquio
Matins (gospel) special antiphon
Quanto sese deprimebat
humilis nobilitas
tanto magis elucebat
nobilis humilitas
Matins respons 8
Precepto presidis
christi virgo nudatur
nudata rursum flagellatur
nuda per provinciam
ab impiis viris agitatur
petit a domino quod tegatur
et ecce ab eo
stola candida velatur
Matins verse 8
Mira dei clemencia
que largitur
quod petitur
abiecta diffidencia
Matins respons 9
Virgo sancta barbara
a patre suo decollatur
pater eius iudicio
dei concrematur
illa celo coronatur
hic inferno cruciatur
Matins verse 9
Exultent filie sion propter iudicia tua domine
Matins respons 10
O admirandam virginis
huius fortitudinem
qua in se vite veteris
sic occidit hominem
et potestates eris
vertit in formidinem
Matins verse 10
Hec pugnatura stadio
mente virum induit
femur cingens gladio
 
Lauds antiphon
Pater deo barbarus
et iudex iniquus
torquet eam cuius christus
est sponsus et amicus
Lauds (gospel) special antiphon
Prudens et vigilans virgo
qualis es cum sponso illo
qui te elegit mundam
quam pulchra quam mirabilis
quanta luce spectabilis
inter sion iuvenculas
et ierusalem filias
thalamo gaudens regio
coniuncta dei filio
 
Prime antiphon
In optata cellula
recludi iubetur
quali morte pereat
donec percunctetur
Terce antiphon
Latera lampadibus
virginis cremantur
vulnera vulneribus
dire cumulantur
Sext antiphon
Iudex dirus barbare
precipit mamillas
virginis amputari devote
deo libat illas
Nones antiphon
Circumduci cogitur
virgo denudata
sed a deo candida
veste fit ornata
 
2nd Vespers (gospel) special antiphon
Ave gemma preciosa
margarita fulgida
sponsa christi gloriosa
paradisi viola
virgo dei barbara
clemens et benigna
que a patre truncata
in aula regnas celica
ora pro nobis
apud regem glorie
cuius fulget claritas
ut sol in meridie