| |
| |
Vespers antiphon 1
|
Gratulemur regi digna
psallentes preconia
qui ditavit sic per signa
barbaram insignia
|
Vespers antiphon 2
|
Hec preclara stirpe clara
decus mundi respuit
gaudens gnara christi cara
paupertatem coluit
|
Vespers antiphon 3
|
Nondum apta viri voto
mentem celo reddidit
et sic totam corde toto
sese deo subdidit
|
Vespers antiphon 4
|
Sic exculta multo flore
sponsa sion floruit
et preceptis miro more
se divinis tribuit
|
Vespers antiphon 5
|
Quanto plus electa dei
malis mundi premitur
tanto magis summe spei
gaudiis invehitur
|
Vespers respons
|
Laus perennis glorie
regi seculorum
qui invexit hodie
cetibus polorum
parvulam eximio
regni ornans solio
|
Vespers verse
|
Hec attente virgines
cordibus signate
cunctis istam coruscare
signis fecit dominus
|
Vespers (gospel) special antiphon
|
Adest dies gracialis
in qua martyr triumphalis
fastus stravit verticem
minas hostis evellendo
torques eius conterendo
celi scandit apicem
eia sponsa salomonis
veri sidus lucens thronis
te poscentes adsumus
quia respexit humilem
rex a thronis famulam
te beatam dicimus
sis pro nobis quesumus
|
| |
Matins I
|
Regi sponso iucundemur
psallantesque veneremur
barbaram cum gloria
|
Matins antiphon 1
|
Subiecisti sub pedibus
eius idolatriam
tu qui regnas celos ornans
huius mundi latriam
|
Matins antiphon 2
|
Hanc auro solis vestiens
novo figuras calamo
tamquam sponsus gaudens
sponsam conducis thalamo
|
Matins antiphon 3
|
Hec innocens manibus
voto signis claruit
et cultibus inanibus
resistens deo paruit
|
Matins respons 1
|
Dum in granum nondum recens
barbara maturuit
mittens manum virgo decens
vana templi destruit
huius vite semper rite
fata spernens vilia
|
Matins verse 1
|
Sic virtutum sumpsit scutum
debellando vicia
|
Matins respons 2
|
Ordinatam in structuris
turrim fecit construi
et quadratam in figuris
cui iubet imbui
generosam pater rosam
plebem dolens perfrui
|
Matins verse 2
|
Eius forma venustatis
sed decenter potestatis
tenet in custodia
|
Matins respons 3
|
Hanc invitam maritali
iungi petit copula
sed renitens voto tali
stat constanter parvula
iussa patris execrando
et futuris inhiando
detestatur singula
|
Matins verse 3
|
Rore celi fecundata
contra vanos excitata
se obumbrat clipeo
|
Matins antiphon 4
|
Femur cingit gladio
dum decurrit stadio
mundi pellens vicium
sic expectat bravium
|
Matins antiphon 5
|
Arcum fregit et subegit
ignibus perfidie
arma scuta quibus tuta
lues erat nequicie
|
Matins antiphon 6
|
Portas sion patefecit
fundamenta dum perfecit
scandens super sidera
|
Matins respons 4
|
Peregrinos sumens vultus
pater pergit peregre
ad profanos tendens cultus
dum puella cernere
it cancellos vidit binos
turris in cacumine
|
Matins verse 4
|
Sic invitis iubet addi
tercium structoribus
|
Matins respons 5
|
Pater dum revertitur
mox de causa queritur
trium cancellorum
stant structores exclamantes
et puellam incusantes
simul commissorum
|
Matins verse 5
|
Quam commotus pater totus
dioscorus aggreditur
|
Matins respons 6
|
Dum perquirit rei causam
nullam trahit virgo pausam
sed constanter loquitur
tres sunt mundum illustrantes
et stellarum regulantes
cursum et quod tegitur
|
Matins verse 6
|
Firmamenti tam decenti
sub stellato cardine
|
Matins antiphon 7
|
Dii gencium sophistici
et omnes demoniaci
est qui trinus regnat unus
rector orbis celici
|
Matins antiphon 8
|
Confundantur qui letantur
laudibus sculptilium
vivit pater cui sacer
servit grex fidelium
|
Matins antiphon 9
|
In tubis ductilibus
buccinet exercitus
celo quia barbaram
coronavit dominus
|
Matins respons 7
|
Hoc mirandum cernite
quanto sapiencie
parva dono floruit
dum sigillum trinitatis
cordi formam imbuit
|
Matins verse 7
|
Hanc dat pater flagellari
et angusto mancipari
montis in tugurio
|
Matins respons 8
|
Hinc afflicta presentatur
presidis aspectui
sed libare dedignatur
idolorum cultui
huius carnem lacerari
et in arta vinculari
rursum iubet clausula
|
Matins verse 8
|
Deum orat et irrorat
lux de celo cuius velo
sanatur paupercula
|
Matins respons 9
|
Preses videns hanc sanatam
diis ascribit gloriam
virgo dei hinc nudatur
et per vicos trahitur
orat et per angelum
suscipit induvium
|
Matins verse 9
|
Sic tyranno redditur
et in monte plectitur
virgo gloriosa
|
| |
Lauds antiphon 1
|
Precinxit ingenuam
dominus splendore
dum firmavit thronum eius
aureo fulgore
|
Lauds antiphon 2
|
Sternit in leticia
cervicem agnella
sic plectentis suscipit
gladii flagella
|
Lauds antiphon 3
|
Hec palme victoriam
fortiter adivit
dum tortorum stimulos
ferventer sitivit
|
Lauds antiphon 4
|
Vidit deus opera
que faciebat tenera
propterea benedixit
eam in secula
|
Lauds antiphon 5
|
Triumphavit hodie
barbara fidelis
iuvenes et virgines
laudate dominum de celis
|
Lauds (gospel) special antiphon
|
Salutem ecclesie
deus instillavit
cornu quod erexerat
golie dum prostravit
et de babylonie
castris triumphare
suam fecit hodie
famulam regnare
sine metu nos cum cetu
sinat angelorum
|
| |
Prime antiphon
|
Cum esset clausa carcere
virgo martyrque barbara
dilacerata corpore
propter acerba verbera
venit hanc iesus visere
luce splendens siderea
qui tactu carnis tenere
sanavit eius vulnera
|
Terce antiphon
|
Virtus tua iesu christe
rex eterne glorie
mihi prestet idolatras
me vexantes vincere
tu scis enim quod sim nupta
tibi casto corpore
et conservo tibi fidem
corde ore opere
|
Sext antiphon
|
Corpus sequuntur aquile
pulli lambentes sanguinem
currunt postes conspergendo
se cruore perfundendo
libant agni dulcedinem
sic regina condemnatur
et in agro victimatur
martyr christi barbara
|
Nones antiphon
|
Per desertum babylonis
rosa florens aquilonis
preservata in acie
in vireto visionis
iam triumphat salomonis
informata gracie
virgo martyr solio
sita uncta oleo
nulla spirans inopia
lascivit messis copia
|
| |
2nd Vespers (gospel) special antiphon
|
Rex in cena virginali
sedens vocat barbaram
laude plena triumphali
sponsa veni lauream
flore rose sanguinatam
et candore dealbatam
stolam primam accipe
adornatam te celorum
incessanter angelorum
concentus magnificat
|
| |
Vespers respons .a1
|
Barbara virgo dei
veneranda locum requiei
quem possedisti
moriens pro nomine christi
obtineas genti
te puro corde colenti
|
Vespers verse .a1
|
Que oculus non vidit
nec auris audivit
nec in cor hominis ascendit
|
Vespers respons .a2
|
O barbara martyr sancta
conspectuque beata
cum prece devota
famulantum suscipe vota
|
Vespers verse .a2
|
Iam christo iuncta
sponsoque tuo sociata
|
| |
Matins I .a1
|
Laudes deo assidue
iubilemus leticie
qui perennis glorie
coronam reddit barbare
|
Matins I .a2
|
Adoremus regem regum devotissime
qui barbaram martyrem invitavit ad gloriam
|
Matins antiphon .a1
|
Solis tabernaculo
christus decoratam
tamquam sponsus de thalamo
produxit hanc ornatam
|
full office name: