full office name: BARBARA (n7)
edition: AH 18 #9
calendar:December 04
structure summary: Vespers: A5E
Matins: secular
Lauds: A5E
2nd Vespers: E
poetic forms: Vespers: oTvvo.o
Matins: l.v3{vp,lp,gp}vfl{vt,fi,lp}ggf{lp,vp,ip}
Lauds: l5.v
2nd Vespers: .v [”q]
type of saint: virgin martyr
notes:virgin / feria 5
martyr
Persons: Barbare Barbara Dioscorus

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Adest dies eximia
nove laudis materia
plaudat mater ecclesia
et celebret cum gloria
sancte barbare gaudia
Vespers antiphon 2
Felix dies
felix sollemnium
quo pugnanti
paratur bravium
lasse quies
et pugne premium
pro victoria
Vespers antiphon 3
Omnes ergo gratulemur
christi sponsam et precemur
ipsa nostri quod sit memor
in sponsi presencia
Vespers antiphon 4
Insistentes tue laudi
o barbara nos exaudi
multum quidem sumus rei
nos defende sponsa dei
per tua suffragia
Vespers antiphon 5
Ut a culpis expiati
resignemur deitati
et divine maiestati
resonemus alleluia
Vespers (gospel) special antiphon
Ave martyr o barbara
ave virgo deo cara
ave splendens poli gemma
que cum morte speciosa
et cruoris tui rosa
letaris inter celicos
tuo nos patrocinio
illorum iunge gaudio
quorum gaudes consorcio
 
Matins I
Eia venite deo
iubilandum carmine vero
virginis in festo
iam barbare celebrando
Matins antiphon 1
Generose christi sponse
barbare sollemnia
digna cum devocione
celebret ecclesia
Matins antiphon 2
Que gentili patre nata
summi patris gracia
abundanter est ornata
statim ab infancia
Matins antiphon 3
Pulchra fuit exterius
decore faciei
sed pulchrior interius
ex amore dei
Matins respons 1
Beata virgo barbara
clara fuit genere
sed mentis erat honestate
clarior et opere
pie christo nam servire
studebat summopere
Matins verse 1
In lege domini fuit voluntas eius die ac nocte
Matins respons 2
In etate tenera
mundi despexit florem
et concupivit aspera
christi ob amorem
quod potuit nulla
nisi sacro pneumate fulta
Matins verse 2
Fundamenta suarum virtutum posuit supra firmam petram
Matins respons 3
Propter eleganciam
speciei mire
cupiere plurimi
illius subire
amplexus hinc patrem
cepere convenire
sed his virgo domini
sprevit consentire
Matins verse 3
Longe a peccatoribus salus quia iustificaciones dei non exquisierunt
Matins antiphon 4
Cuius pater propter sui
speciem egregiam
impendebat illi tantam
cure diligenciam
ut egre sufferet illam
si videret quispiam
Matins antiphon 5
Quapropter turrim arduam
ille fabricavit
qua peracta suam prolem
in ea locavit
atque ab hominibus
illam sequestravit
Matins antiphon 6
Ubi sola recubans
deum exoravit
atque corpus tenui
victu maceravit
sicque carnem macerando
spiritum roboravit
Matins respons 4
Una dierum de turri
hec in natatorium
descendebat ut videret
novum edificium
et artificibus iussit
tres fenestras struere
ubi duas iussu patris
debuerant facere
Matins verse 4
Ad laudem divine maiestatis
et figuram individue trinitatis
Matins respons 5
Hec famula iesu christi
multa mira gessit
signum crucis et marmori
digito impressit
quod nunc et in perpetuum
omnibus patescit
Matins verse 5
Mirabilis deus in sanctis suis
et gloriosus in omnibus operibus suis
Matins respons 6
Inclita martyr ave
spes nostra decusque suave
nobis esse bona
digneris ubique patrona
ut tibi iungamur
et celi sede fruamur
Matins verse 6
Tribulaciones nostre multiplicate sunt de necessitatibus erue nos
Matins antiphon 7
Ut novit dioscorus
quod esset christiana
sua nata monet hanc
idola quod vana
coleret que coluit
dignitas romana
Matins antiphon 8
Sed hoc quia respuit
multis est afflicta
sed virtute domini
permansit invicta
quousque manu patria
fuit ense icta
Matins antiphon 9
Que celis tripudias
cum triumphi palma
pro nobis ora iugiter
christum martyr alma
Matins respons 7
Sancta virgo domini
solamine adiuta
cultores idolatrie
sic est allocuta
dii vestri sunt idola
manufacta muta
que nullo incendio
possunt esse tuta
Matins verse 7
Similes illis fiant qui faciunt ea et omnes qui confidunt in eis
Matins respons 8
Dilecte sibi barbare
carceris angustia
macerate et discerpte
nervis nocte media
apparuit iesus christus
claritate nimia
dicens illi constans esto
et letare filia
ego sum pro quo tam dura
sustines supplicia
Matins verse 8
In admiracione aspectus illius attonita celeste percepit oraculum
Matins respons 9
Hodie virgo barbara
de sinu ecclesie
migravit ad celestia
cum palma victorie
cui animam dum reddidit
gaudium celi intulit
in istius transitu
sanctorum exultat chorus
supernorumque civium
congratulatur exercitus
ipsa nobis eius sponso
petat dona venie
ut cum ea visione
perfruamur glorie
Matins verse 9
Immortali vere coronatur gloria que manens in corpore spiritus beati gracia redundavit
 
Lauds antiphon 1
Pangamus celebres
sollemni carmine laudes
barbare festo
christi testis venerando
Lauds antiphon 2
Mundicia cordis
omni sine labe que sordis
servivit christo
dum corpore vixit in isto
Lauds antiphon 3
Ut deus inveniat
semper sibi nos vigilantes
barbara sancta tua
prece te serva venerantes
Lauds antiphon 4
Dulcis amica dei
signis ornata tropei
hunc per quem vicit
mundum dominum benedicit
Lauds antiphon 5
Laudet de celis dominum
plebs queque fidelis
laudat sidereis
quem barbara iuncta choreis
Lauds (gospel) special antiphon
O barbara virgo pia
protectrix precancium
que iam gaudes in gloria
supernorum civium
servis tuis in hac via
tuum da subsidium
 
2nd Vespers (gospel) special antiphon
Hodie virgo barbara
de sinu ecclesie
migravit ad celestia
cum palma victorie
ipsa nobis eius sponso
petat dona venie
ut cum ea visione
perfruamur glorie