full office name: BALDUS (n1)
edition: AH 13 #19
calendar:November 07
structure summary: Vespers: A5E
Matins: secular.Q 3
Lauds: A5E
2nd Vespers: E
poetic forms: Vespers: o5.o
Matins: o.l3{v,iv,v}l3{v,iv,v}l3{v,v,o}`o'`o'`o'
Lauds: v5.o
2nd Vespers: .g [”]
type of saint: bishop
geographical information:Tours, France
notes:bishop
Persons: Baldus Baldi Balde Paulo Martinum Martinus Baldum Baldo
Places: Turonice Lochensis

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
In sanctorum splendoribus
natus ante luciferum
signis micantem pluribus
sol nobis misit hesperum
Vespers antiphon 2
Ut hesperus enituit
baldus morum fulgoribus
se deo sua tribuit
et dispersit pauperibus
Vespers antiphon 3
Ut eum cum principibus
sui collocet populi
christus hunc a tumultibus
huius exerit seculi
Vespers antiphon 4
Cordis optans ex intimo
passionis instanciam
sese laudis altissimo
sacrificavit hostiam
Vespers antiphon 5
Ut sancti sic effloreat
baldi fructificacio
celestis hunc lux trabeat
virtutum plena radio
Vespers (gospel) special antiphon
Ave presul eximie
virtutum florens floribus
qui carnis liber nexibus
celum conscendis hodie
tuis nos balde precibus
de maris huius fluctibus
transfer ad portum patrie
 
Matins I
Adsunt baldi pontificis
veneranda sollemnia
laudis sono multiplici
plaudat mater ecclesia
Matins antiphon 1
Quasi natus aut plantatus
rivi secus alveum
fructum temporaneum
protulit baldus beatus
Matins antiphon 2
Predicavit et servavit
dominicum preceptum
et celitus acceptum
talentum multiplicavit
Matins antiphon 3
Dum obivit obdormivit
soporatus requie
et a carnis carie
liber celum introivit
Matins respons 1
Ad honorem opificis
summi baldi pontificis
laudibus insistamus
ut ad celeste bravium
per eius patrocinium
post cursum attingamus
Matins verse 1
Votis hymnis et canticis
viri sancti preconium
letantes attollamus
Matins respons 2
Clara stirpe progenitus
baldus antistes inclitus
in lege meditari
sollerter studuit
unde promeruit
coronam sibi dari
Matins verse 2
Leteis culpe penitus
expers in istis renuit
caducis prosperari
?Leteis [alt: ?]
Matins respons 3
Evum adulescencie
donis preventus gracie
modeste pertransivit
locum parans virtutibus
christi mandatis omnibus
devotus obedivit
Matins verse 3
Precurrens castimonie
vias pudicis gressibus
carnis motus attrivit
Matins antiphon 4
Illustratus et signatus
dei vultus lumine
fruitur intermine
somno pacis vir beatus
Matins antiphon 5
Liber satis a peccatis
factus presul inclitus
coronatus celitus
scuto bone voluntatis
Matins antiphon 6
Minoratus vir beatus
paulo plus quam supera
dei rexit opera
letalis expers reatus
Matins respons 4
Cruce carnem attenuat
multa ne lapsa minuat
stipendia laborum
hanc caro nutrit fomite
ne fortassis a tramite
declinet preceptorum
Matins verse 4
Hic libido non estuat
que nullo constat comite
stipata viciorum
Matins respons 5
Attritus parsimonia
non iniectu sed gracia
celesti provocatus
metropolis turonice
conscendit honorifice
sedem pontificatus
Matins verse 5
Sanctum fore preludia
signo monstrant multiplici
finis et incolatus
Matins respons 6
Dum maris in periculo
sanctum rogatu sedulo
martinum invocaret
illi martinus adfuit
moxque sanctus obtinuit
tempestas ut cessaret
Matins verse 6
Vociferante zabulo
turbari numquam potuit
ut a prece vacaret
Matins antiphon 7
Supergressus vite gressus
huius sine macula
tua tabernacula
deus tandem est ingressus
Matins antiphon 8
Gloriatur et letatur
in virtute domini
honorisque gemini
serto quoque coronatur
Matins antiphon 9
Mundo corde sine sorde
deum generacio
hec quesivit studio
manuque misericorde
Matins respons 7
Divino mundum semine
replens ardore gemine
succensus caritatis
egris affert remedia
mendicis et obsequia
prestat humanitatis
Matins verse 7
Preclarus sanctitudine
celi tandem in gloria
letatur cum beatis
Matins respons 8
Que sit beati sanctitas
viri signorum claritas
per orbem divulgavit
ad eius nempe tumulum
defunctum mater parvulum
vivum recuperavit
Matins verse 8
Quem tangebat infirmitas
sanum bovellus oculum
exultans reportavit
Matins respons 9
O virtutum vas odorum
balde felix christicola
cetu gaudens in doctorum
premiatus aureola
pro salute servulorum
precum libamen immola
Matins verse 9
Gemma nitens flos in florum
pulchre vernans areola
recta via norma morum
balde celestis incola
Matins Q 1
Solaris consors luminis
celi sidus irradia
interioris hominis
nostri visens precordia
Matins Q 2
Exilis modulaminis
accepta tu preconia
que tui pangit nominis
hec in laude familia
Matins Q 3
Nostri culpam peccaminis
balde confessor expia
precumque proli virginis
pro nobis sacrificia
immola
 
Lauds antiphon 1
Precinctum fortitudine
cum decore virtutum
celi baldum in agmine
colamus constitutum
Lauds antiphon 2
Iam in conspectu iubilat
beate trinitatis
ubi splendore rutilat
divine claritatis
Lauds antiphon 3
Suscepit dei dextera
sibi compacientem
et evexit ad sidera
post se sic adherentem
Lauds antiphon 4
Cuncta nunc benedicite
creata creatori
melosque baldo pangite
beato confessori
Lauds antiphon 5
Exutus carnis sarcina
deum laudat in celis
cui laudum modulamina
plebs impendat fidelis
Lauds (gospel) special antiphon
Precis opem suffragio
nobis o balde porrige
rege stantes in stadio
culpa prostratos erige
tui sacer opilio
mores ovilis corrige
nosque te duce previo
pacis in viam dirige
 
2nd Vespers (gospel) special antiphon
O presul eximie
vas virtutum omnium
lochensis ecclesie
nobile depositum
balde preco christi
astanti memorie
tue plebi gaudium
da celestis patrie
quod tibi per meritum
ingens acquisisti