| |
| |
Vespers (gospel) special antiphon
|
Augustinus a beato
electus gregorio
iuncto secum venerando
sanctorum collegio
ut fructum ferret domino
ex anglorum populo
nunc fulget ut sol in celo
lucro centuplicato
|
| |
Matins I
|
Pastorum summo principi
iubilemus domino
qui beatum confessorem
elegit augustinum
|
Matins antiphon 1
|
Legis divine
vir hic medicamine fretus
protulit eximium
verbi de semine fructum
|
Matins antiphon 2
|
Anglorum populis
cultor dicebat erilis
deservite deo
mentis habitu tremebundo
eius iustifica
ne depereatis in ira
|
Matins antiphon 3
|
In montem domini
positus pastor reverendus
orans pro populis
curam satagebat ovilis
|
Matins antiphon 4
|
Augustinus ait
satane cultoribus ut quid
corde gravi colitis
hominum mendacia nati
sacrificate deo
cordis libamine vero
|
Matins antiphon 5
|
Orabat sanctus
dominum pro plebe sacerdos
iuste deus ne permaneant
hi semper iniqui
sed tibi subdantur
credentes corde fideli
|
Matins antiphon 6
|
Vir domini quantum
perfecerit ille laborum
testantur pueri
divina laude canori
|
Matins respons 1
|
Augustinus vir modestus
miraculis precipuus
a beato gregorio
sacratus episcopio
anglorum genti vividam
verbi monstravit lucernam
|
Matins verse 1
|
Doctrina fretus mystica
virtute apostolica
subiectis sibi plebibus
ut tuba evangelica
|
Matins respons 2
|
Romulea sancti
digressi protinus urbe
nomine pro christi
alta petunt pelagi
quos augustinus
divino dogmate plenus
ornabat gestis
moribus eloquiis
|
Matins verse 2
|
Exercens iugibus
ieiunia longa diebus
commendata sibi
iura ministerii
|
Matins respons 3
|
Insignis pastor
de summo culmine puppis
prospiciens arvum
perverso germine comptum
orans cum sociis
lacrimis ita fatur obortis
christe sator rerum
vim comprime demoniorum
ut tibi complacitam
possimus gignere plebem
|
Matins verse 3
|
Introitum nostri
tu lumen dirige verum
lucrandis populis
auditum prebe benignum
|
Matins respons 4
|
Cum pietatis opus
plantaret cultor opimus
humani generis
rugiebat pestifer hostis
dum nimium frendens
vacuas dum territat auras
faucibus ex rabidis
depellitur agnus erilis
|
Matins verse 4
|
Suscipit ecclesia
vite documenta perennis
idola depereunt
mortis sataneque furentis
|
Matins antiphon 7
|
Sancte carens macula
vite letaris in aula
augustine gregi
veniam deposce precanti
|
Matins antiphon 8
|
Actibus innocuis
et corde piatus et ore
confessor domini
transivit ad gaudia celi
|
Matins antiphon 9
|
Lumen sensificum
tocius palma salutis
huius nos precibus
protege pontificis
|
Matins antiphon 10
|
Et qui consortes
non possumus esse decoris
effice nos domine
participes venie
|
Matins respons 5
|
Vera salus populorum
per beatum augustinum
sanavit gentem anglorum
qui per verbum veritatis
languidos oblatos sibi
restituit sanitati
|
Matins verse 5
|
Baptizato quoque rege
ac plurimis fidelium
congaudebat cottidie
de numero credencium
|
Matins respons 6
|
Confessor domini bonus
predicans instancius
minas sprevit barbarorum
graviter furencium
insuper ab ipso rege
colitur magnifice
|
Matins verse 6
|
Demones verbo fugabat
ordinans ecclesiam
insistebat officiis
iuxta ritum mysticis
|
Matins respons 7
|
Inter falsiloquos
forte recumbens
verbis pontificum
iure coactus
sanctus vir domini
percitus inquit
iam nunc sufficiunt
plurima verba
sed virtus domini
vera probetur
|
Matins verse 7
|
Curatoque dehinc
corpore ceco
importuna fugat
agmina dicens
|
Matins respons 8
|
O meritum iusti
nimium laudabile testis
quos nec vis hominum
valuit superare nec arma
hos augustinus
solo sermone subegit
|
Matins verse 8
|
Armatus verbi
gladio galeaque salutis
indomitos adiit
doctrine viribus anglos
|
| |
Lauds antiphon 1
|
Augustinus ecclesie
restaurator anglie
docebat christum colere
idola respuere
|
Lauds antiphon 2
|
Armatus cruce nobili
stabat verbo fidei
regem sevum pre ceteris
christi iunxit discipulis
|
Lauds antiphon 3
|
Prebebat sanctus
cunctis exempla salutis
ecclesie sacro
deditus officio
|
Lauds antiphon 4
|
In conspectu populorum
per sancti viri meritum
confesso christi nomine
cecus gaudet de lumine
|
Lauds antiphon 5
|
Ad huius sancti tumulum
curantur membra languentum
per cuius summum studium
cognoverunt altissimum
|
Lauds (gospel) special antiphon
|
Hodie pater anglorum
consors factus angelorum
migravit ad iesum christum
gaudet mater ecclesia
verbo dei fecundata
que beatum pontificem
premisit in ierusalem
|
| |
2nd Vespers (gospel) special antiphon
|
Magne presul doctor gencium
pater anglorum
alme augustine
intercede pro populo
quem lucratus es domino
veniam posce famulis
quibus donasti verbum salutis
|
full office name: