full office name: ASPREN (n1)
edition: AH 24 #66
calendar:August 03
structure summary: Vespers: A5E
Matins: secular-
Lauds: A5E
2nd Vespers: E
poetic forms: Vespers: v5.v
Matins: x.fTf{T,v,T}Tgv{vi,T,oT}ovo{T,T}
Lauds: v3oo.T
2nd Vespers: .g [”]
type of saint: bishop
geographical information:Naples, Italy
notes:bishop
Persons: Aspren Simonem Petri
Places: Neapolitani

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Tecum aspren principium
summe dignacionis
contulit petrus radium
nostre conversionis
Vespers antiphon 2
Opera magna domini
populum redimentis
primo panduntur homini
religiose mentis
Vespers antiphon 3
Exortum lumen radiat
in aspren predicante
tenebras ut abiciat
que deprimebant ante
Vespers antiphon 4
De terra sanum erigit
oppressum vi languoris
quem mox instructum eligit
ad apicem honoris
Vespers antiphon 5
Christi misericordia
per simonem delata
per sancti aspren primordia
nobis est confirmata
Vespers (gospel) special antiphon
Magnificatur inclitus
petri discipulatu
exultat aspren spiritus
charismatum ornatu
cuius refulsit primitus
hec aula presulatu
 
Matins I
Plaudat ecclesia
laude multiplici
agens sollemnia
sacro pontifici
Matins antiphon 1
In lege christi domini
fixit voluntatem
virtutum cernens homini
datam potestatem
Matins antiphon 2
Predicans hic
preceptum domini
mentem parat
superno lumini
gentem subdit
divino numini
Matins antiphon 3
Exaltat dei filius
gloria sanctorum
caput aspren sublimius
in arce piorum
Matins respons 1
Maiestatis
summe consilium
in salutem
dans mundo filium
servum parat
per cuius studium
invitemur
ad vite fluvium
Matins verse 1
Aspren cunctis
pregustat plenius
ut in cives
refundat melius
Matins respons 2
Evangelizans graciam
qua fundavit ecclesiam
princeps apostolorum
primum aspren irradiat
quo mente dona capiat
celestium bonorum
Matins verse 2
Devotus audienciam
prebens ad sapienciam
se transfert angelorum
Matins respons 3
Verbum vite
dum sibi mittitur
christi fidem
pronus amplectitur
fonte vite
unctus abstergitur
vetustatis
noxa repellitur
Matins verse 3
Nam solutus
languoris vinculo
sospes haurit
de vite poculo
Matins antiphon 4
Invocantem
aspren suppliciter
exaudivit
christus fideliter
ipsum fovens
in bono iugiter
Matins antiphon 5
Mane primum claruit
sole radiante
cum hic christum induit
petro predicante
Matins antiphon 6
O quam est admirabile
quam est glorificatum
christi nomen amabile
per aspren predicatum
Matins respons 4
Expurgato nequicie
fermento iam primicie
christo sanctificantur
cuius in mentis acie
dona celestis gracie
primitus revelantur
Matins verse 4
O felix nostra civitas
cui per hunc virtus veritas
et lux irradiantur
Matins respons 5
Intonante
petri preconio
plebs auditum
dat evangelio
cuius voce
aspren in solio
sublimatur
et sacerdocio
Matins verse 5
Hic pastoris
implet officium
in quo fides
sumpsit inicium
Matins respons 6
Verbo vite miraculis
novam plantat ecclesiam
concurrentibus populis
ad christi reverenciam
qui reiectis piaculis
sancti querunt prudenciam
Matins verse 6
Sic plebs cuncta
cito convertitur
sic per fidem
christum amplectitur
Matins antiphon 7
Habitabit hic inclitus
in celi tabernaculo
per quem in nostro primitus
salus est facta populo
Matins antiphon 8
In benediccionibus
celitus est preventus
per quem in nobis omnibus
dominus est inventus
Matins antiphon 9
Mundo corde culpe sorde
vindicans innocenciam
scandit celum transit velum
cernit christi presenciam
Matins respons 7
Gaudet petrus
tanto discipulo
per quem fructus
redundat populo
huius urbis
hoc in seculo
reserato
iam mentis oculo
Matins verse 7
Felix vitis
de cuius surculo
tantum germen
prodit diluculo
Matins respons 8
Signis novis
fit admirabilis
cuius prece
conceptum sterilis
membra manci
gressum inhabilis
visum ceci
sumunt in populis
Matins verse 8
Sana reddit
membra languencium
sic accendit
corda credencium
 
Lauds antiphon 1
O quam sunt credibilia
per aspren predicata
de christo testimonia
miraculis probata
Lauds antiphon 2
Intrate portas domini
iam neapolitani
eius offerte numini
libamen cordis sani
Lauds antiphon 3
Os iniqua loquencium
per aspren est obstructum
excluso ritu gencium
verbi producit fructum
Lauds antiphon 4
Quoniam cantat alacriter
devota plebs continuo
letatur aspren iugiter
in celesti convivio
Lauds antiphon 5
Cuncta creata laudibus
divinis vacent ocius
dum aspren in celestibus
collocatur felicius
Lauds (gospel) special antiphon
Benedictum
christi consilium
aspren vocat
ad sacerdocium
sibi fundens
lingue preconium
vim signorum
et mirabilium
 
2nd Vespers (gospel) special antiphon
O stella perlucida
nobis matutina
plebem quam prefulgida
letasti doctrina
tua prece fervida
serves a ruina
ut deo sit placida
sine culpe spina
et post luce splendida
fruatur divina