| |
| |
Vespers (gospel) special antiphon
mode: 6f |
O argi
gemma pontificum
clemens preces
exaudi supplicum
redde nobis
christum propicium
omne nostrum
deterge vicium
posce nobis
vite subsidia
et post finem
celi palacia
Detergens [alt: v Ms VE & WE]
|
| |
Matins I
mode: 4e |
Exultantes iubilemus
atque christum adoremus
qui arigium consecravit
et in celis coronavit
|
Matins antiphon 1
mode: 1d |
Concelebrat ecclesia
arigii sollemnia
cuius beata merita
deo probantur placita
|
Matins antiphon 2
mode: 2d |
Iste sub annis teneris
docendus datus litteris
vas aptum dei gracie
rivos haurit primicie
|
Matins antiphon 3
mode: 3e |
Bone spei puerulus
ad omne bonum sedulus
crucis sequens supplicia
contempsit mundi gaudia
|
Matins respons 1
mode: 1d |
Cantibus hymnidicis
festum celebrate fideles
Quo pater arigius
victor migravit ad arces
|
Matins verse 1
mode: 1d |
Hec est dies quam fecit dominus exultemus et letemur in ea
|
Matins respons 2
mode: 2d |
Iam puerile decus
transcendens moribus annos
Pectore cuius inest
placido deitas habitatrix
|
Matins verse 2
mode: 2d |
O magnum puerum
senioribus anteferendum
|
Matins respons 3
mode: 3e |
Dum vir beatus pluribus
coruscaret virtutibus
Ex divino imperio
donatur pontificio
|
Matins verse 3
mode: 3e |
Offerre deo incensum dignum in odorem suavitatis
|
Matins antiphon 4
mode: 4e |
Nivernis his temporibus
vanis ancillans cultibus
crucis christi mysteria
ridebat veri nescia
|
Matins antiphon 5
mode: 5f |
Contra huius perfidiam
sanctus gerens miliciam
ut signa christi protulit
ritus profanos expulit
|
Matins antiphon 6
mode: 6f |
O mira dei gracia
o laudanda potencia
qui per fidelem famulum
tantum convertit populum
|
Matins respons 4
mode: 4e |
Dum predicat arigius
cedit rebellis vernius
Et quos arma nequiverant
domare verba superant
|
Matins verse 4
mode: 4e |
Cunctis patet catholicis
virtus sancti pontificis
|
Matins respons 5
mode: 5f |
Ut bene confligat
sanctus sua membra fatigat
Orando flendo
ieiunia longa trahendo
|
Matins verse 5
mode: 5f |
Nocte vigil tota
solvens domino pia vota
|
Matins respons 6
mode: 6c |
Vir illustris arigius
non cessabat attencius
Verbi divini pabulum
erogare per populum
|
Matins verse 6
mode: 6c |
Prudens servus callens dare
cibum conservis congrue
|
Matins antiphon 7
mode: 7g |
Antistes pauper opibus
spargens dabat pauperibus
quidquid habere poterat
sicut christus preceperat
|
Matins antiphon 8
mode: 8g |
Complens mandatum domini
opem negabat nemini
exemplum dabat moribus
omnia factus omnibus
|
Matins antiphon 9
mode: 1d |
Virtutum fretus tegmine
sub trinitatis nomine
fugabat hostes penitus
ut miles imperterritus
|
Matins respons 7
mode: 7g |
Tuis pater precatibus
adiuva nos in omnibus
Ut leti sorte prospera
transeamus ad ethera
|
Matins verse 7
mode: 7g |
Emunda nos a sordibus
adornando virtutibus
|
Matins respons 8
mode: 8g |
Miles dei dimicans
indefessis viribus
venerat ad bravium
positum certantibus
Cum victorem qui tam ferox
hostes superaverat
palma vite decorare
rex celestis properat
Decorari [alt: v Ms decorare]
Imperat [alt: v Ms properat]
|
Matins verse 8
mode: 8g |
Iustus dominus et iusticias dilexit equitatem vidit vultus eius
|
Matins respons 9
mode: 1D |
Insignis confessor
deitatis arigius
multimodis virtutum redimitus
floribus celicas
conscendit arces
triumphans feliciter
Ubi iesum pro nobis interpellet iugiter
|
Matins verse 9
mode: 1d |
O quis queat cogitare
que fuerunt gaudia
quando ille triumphator
celibit atria
|
| |
Lauds antiphon 1
mode: 2d |
Ubi fessus est vir sanctus
vetustatis senio
iubet eum revocari
christus ab exilio
|
Lauds antiphon 2
mode: 3e |
Christi confessor illico
sacro sumpto viatico
letus expectat exitum
christo commendans spiritum
|
Lauds antiphon 3
mode: 4e |
Angelici proceres
cum laudibus advenientes
suscipiunt animam
sancti tibi christe ferendam
|
Lauds antiphon 4
mode: 5f |
Tibi sane dicecia
dei refulsit gracia
ditato longo tempore
beati viri corpore
|
Lauds antiphon 5
mode: 6c |
Arigium laudet
qui christi nomine gaudet
laudet nivernis
per quem sociata supernis
|
Lauds (gospel) special antiphon
mode: 7g |
Alme pater petimus
fer opem nobis miseratus
nam christo iunctus
palmaque celi decoratus
servorum potis es
cunctos abolere reatus
et dare felices
animis super astra volatus
|
full office name: