full office name: APOLLONIA (n4)
edition: AH 25 #35
eccles:mon
calendar:February 09
structure summary: Vespers: E
Matins: IA6R4.A3R5
Lauds: A5E
2nd Vespers: E
poetic forms: Vespers: .q
Matins: l.ivlfvv{vl4}eos{vl,ql,vl,qv,vl}
Lauds: l5.i
2nd Vespers: .I [”q]
type of saint: virgin martyr
notes:virgin / feria 5
martyr
Persons: Apollonie Decii Apollonia Iovis Apolloniam
Places: Alexandrie

By clicking on the icon you can search for offices within the corresponding category.

Here you find the raw text from the LMLO file

 
 
Vespers (gospel) special antiphon
Exultat ecclesia
plaudat celestis curia
quod hortus deliciarum
liliorum et rosarum
ornatus est decenter
et sponsus sponsam floribus
balsami odoribus
perfragrat reverenter
dum castitatis
lilio passionis
martyrio apollonia ornatur
cuius per suffragium
(-)/ prorsus evacuatur
 
Matins I
Regem virginum dominum
venite adoremus
Matins antiphon 1
Admirabile nomen domini
quod sacrate virgini
apollonie cum angelis
coronam prebet in celis
Matins antiphon 2
In sole tabernaculum
suum edificavit
hec virgo dum cor thalamum
christo preparavit
Matins antiphon 3
Innocens virgo manibus
respuit maliciam
verbis non inanibus
suadens pudiciciam
Matins antiphon 4
Speciosus pre filiis
deus hanc amavit
qui rosis et liliis
virginem stipavit
Matins antiphon 5
Deus de eius medio
cordis non movebatur
nec virgo fracta tedio
mori subtrahebatur
Matins antiphon 6
Fundamenta in montibus
posuit quam dilexit
sion deus virtutibus
letanter hanc invexit
Matins respons 1
Imperatoris decii
tyrannide vigente
per diversa supplicii
genera irruente
in vulgus alexandrie
in sanctos acerrime
Matins verse 1
Sancti mactantur
calamis oculi terebrantur
Matins respons 2
A ministris diaboli
beata apollonia
ad tribunal domini
ducitur inviolata
parvipendens verbera
et probra irrogata
Matins verse 2
Ut mitis agna
pertulit supplicia magna
Matins respons 3
Iudex hanc castam virginem
blandis verbis hortatur
adoret ut imaginem
iovis penam minatur
sed hec virgo christiana
idola despexit vana
Matins verse 3
Demoniis plena
hec sunt ait virgo serena
Matins respons 4
Fit tumultus populorum
in virginem clamancium
quod vasa demoniorum
esse inhabitancium
idola protestatur
quod orbem tormentatur
Matins verse 4
Morte condemnatur
nec virgo sic superatur
Matins antiphon 7
Annunciate gentes
gloriam apollonie
quarum sanavit mentes
pio medicamine
Matins antiphon 8
Viderunt omnes populi
patrata mirabilia
que deus auctor seculi
gessit in sion filia
Matins antiphon 9
In conspectu domini
iubilet sanctorum
concio quod virgini
lux orta est iustorum
Matins respons 5
Preses iubet ut furentes
paganorum populi
apollonie tunc dentes
excuciant sic singuli
sed christi virgo nobilis
fide stat immobilis
Matins verse 5
Mente deo tota
reddens christo sua vota
Matins respons 6
Rubens os virgineum
forcipibus gravatur
mandibula dencium
(-)/ annullatur
abhorrent gencium mentes
gingivas cruore fluentes
Matins verse 6
Hec pro te pia
virgo fert apollonia
Matins respons 7
Horrent hanc videre gentes
quod sanguinis profluxio
nec ob hoc protrahunt mentes
ab erroris invio
ut collaudent nomen christi
vincere qui dedisti
Matins verse 7
Sed magis insania
fremuit gens mente profana
Matins respons 8
Sedatur nec sic iudicis
procacitas (-)/ nequam iracundia
facit edictum sceleris
Matins verse 8
Sanctaque apollonia
incendiis tradatur
et viva comburatur
Matins respons 9
Minantur incendia
se vivam concremari
nisi cum malis impia
verba velit profari
paulo virgo deliberans
e manibus prorupit
et ad ignem accelerans
mori pro christo cupit
Matins verse 9
Mortua pro christo
regno premiatur in isto
ubi non sunt mine
sed quies et pax sine fine
 
Lauds antiphon 1
In altis habitans
terram deus ethera firmans
firmat apolloniam
facie radiante decora
Lauds antiphon 2
In hymnis iubila
plebs sancta cum apollonia
dulcisona que suo
pangit nova cantica sponso
Lauds antiphon 3
De luce vigilans
deus ad te ludibria calcans
virgo serpentem
iudicem vicitque furentem
Lauds antiphon 4
Dentibus excussis
et membris omnibus ustis
astra dei veri
petit apollonia celi
Lauds antiphon 5
Ignis nec estus
dencium frangorque molestus
non variant mentem
pro christo sic pacientem
Lauds (gospel) special antiphon
Benedictus sit dominus
qui apolloniam
de inimicis tribus
ferre fecit victoriam
corpus conservans pudicum
virtutibus ornabat
veteremque inimicum
et idola calcabat
mundi fastum et decorem
sprevit et iudicis furorem
dencium excussione
rogum+que intravit
christo hostiam litavit
in ardoris passione
 
2nd Vespers (gospel) special antiphon
Apollonia beata
que per dencium tormenta
et per ignis supplicium
transis ad eternam vitam
stolam sumens redimitam
choros sanctarum virginum
tu cuncta mala gencium
propicia exclude
aufer dolorem dencium
nos apud deum stude
ut post vite miseriam
intremus celi curiam