| |
| |
Vespers (gospel) special antiphon
|
Magnificavit animam
virginis cantantis
christus suum dominum
digne collaudantis
per quam fidem ecclesie
servet militantis
letatur et exercitus
chori triumphantis
|
| |
Matins I
|
Regem celestis curie
vexillum apollonie
quam summe duxit glorie
venite adoremus
|
Matins antiphon 1
|
O martyr apollonia
cum magnificencia
in celis es elevata
|
Matins antiphon 2
|
Sancti soror laurencii
virgo gloriosa
in sole fixit tabernaculum
martyr graciosa
|
Matins antiphon 3
|
Innocens manibus
virgo deo grata
ignis in caloribus
fuit cruciata
|
Matins respons 1
|
Creatrix et deica
lux et increata
relativo radio
characterizata
martyr apollonia
quam fide formata
recognovit iugiter
penis lacerata
|
Matins verse 1
|
Nobis iam fidelibus
sit preconizata
cunctis in articulo
mortisque clamata
|
Matins respons 2
|
Cyrillus christi virginem
affectans violare
quam precibus et precio
promisit se dare
sed velut polus arcticus
immobilis constare
se fixit apollonia
pro deoque certare
|
Matins verse 2
|
In quo tyrannus nequiter
decrevit conspirare
corpus eius precipiens
gaio laniare
|
Matins respons 3
|
Felix et ingenua
virgo flagellata
carceris ergastulo
diu mancipata
ac ibidem pene
famis deputata
diem post trigesimum
est liberata
|
Matins verse 3
|
Hec refecta celitus
sicque confortata
ut nil appareret
quin sit sanata
|
Matins antiphon 4
|
Eructavit cor devotum
verbum bonum non remotum
a dei iusticia
huius gemma preciosa
sponso suo graciosa
fidei constancia
|
Matins antiphon 5
|
Deus noster refugium
virtus et adiutorium
in tribulacione
deduxit apolloniam
ad fidei constanciam
in concremacione
|
Matins antiphon 6
|
Fundamenta moncium
deum contemplancium
sanctis deputata
nunc regnat in ethera
ibique elevata
|
Matins respons 4
|
In babylon de iudea
per capillum capitis
danieli ferebatur
habacuc
ex meritis apollonia
per capillos suspensa
cerniturque illesa
sic evasit penas
baal militis
|
Matins verse 4
|
Diem festum celebrantes
qui deum diligitis
in honore sancte
sicque salve eritis
|
Matins respons 5
|
O quam probat sanctam dei
labiorum seccio
sospitati dat et egros
dencium excussio
immanis perfidorum
atque malleacio
dum ab ea fit confessa
fidei religio
|
Matins verse 5
|
Virgo christi sic cucurrit
in presenti stadio
ut nunc sanctis societur
triumphali bravio
|
Matins respons 6
|
Igni virgo deputata
sed in nullo concremata
fit messie gracia
quam dilectam tunc vocavit
et cum sanctis coronavit
in celesti patria
ignis ictu excecata
gens expirat et prostrata
cyrilli potencia
|
Matins verse 6
|
Cuius pater hoc edicto
deo nostro derelicto
ductus est demencia
|
Matins antiphon 7
|
Cantate cuncti noviter
in terra habitantes
hoc festum apollonie
devote celebrantes
|
Matins antiphon 8
|
Letentur terre et insule
cum deo regnante
triumphum apollonie
condigne premiante
|
Matins antiphon 9
|
Cantate novum canticum
miranda facienti
qui nefas malleancium
destruxit vi potenti
|
Matins respons 7
|
Corpus sancte virginis
manens inhumatum
lupis est et canibus
statim deputatum
noctis in silencio
sed fuit furatum
per matronam caucius
in cista collocatum
|
Matins verse 7
|
Quod metu disposuit
lugduni translatum
ut ibidem merito
foret tumulatum
|
Matins respons 8
|
Refulsit sol in clipeos
aureos colore
quo fortitudo gencium
sternitur timore
sic sol in apollonie
iusticie decore
fulsit inardenter
ducta dei amore
|
Matins verse 8
|
Ac mens principatuum
concutitur pavore
dum in eis obviam
habet in merore
|
Matins respons 9
|
Turbe pavent gentilium
dum vernat sicut lilium
laus virginis beate
que passa fuit hodie
pro fide regis glorie
monte thabor translata
|
Matins verse 9
|
Sit deprecatrix venie
flos rubens alexandrie
pro nobis indilate
|
| |
Lauds antiphon 1
|
Deus regnans dominus
indutus decorem
nobis huius tribuat
virginis amorem
|
Lauds antiphon 2
|
Iubilate terre
omnes inquilini
in honore sponse
federis divini
|
Lauds antiphon 3
|
Deus qui me lotam
post lucem vigilantem
ac pro tua pietate
salvasti fluctuantem
salva plebem
hoc festum celebrantem
|
Lauds antiphon 4
|
Benedicant opera
dei creatorem
qui dat apollonie
sanare languorem
dencium fidei
fit hoc ad decorem
|
Lauds antiphon 5
|
Laudent deum fluctuantes
in procellis naufragantes
ex terroris pulsibus
et ad litus remeantes
corpus huius deportantes
sanctis suis precibus
|
Lauds (gospel) special antiphon
|
Benedictus israelis
deus adoretur
corpus apollonie
qui thabor tuetur
illicque cottidie
languidos medetur
sibi laus et gloria
sine fine fundetur
|
| |
2nd Vespers (gospel) special antiphon
|
Magnificat anima
mea iam salvatorem
sic cuilibet catholico
qui robur et vigorem
porrexit apollonie
per fidei fervorem
dum hac die martyrii
adepta sit virorem
|
full office name: