| |
| |
Vespers antiphon
mode: 5c |
Dulci cantu noster chorus
christo iubilet sonorus
martyris apollonie
festa tractans in hac die
|
Vespers respons
mode: 5f |
Eusebius imperator
prolis huius propagator
extitit clarissime
quam a primeva etate
nutriebat delicate
sed hec amarissime
suum Deflebat reatum
virtutibus vite statum
ornans instantissime
|
Vespers verse
mode: 5f |
Sponso nubens christo pia
felix hec apollonia
|
Vespers (gospel) special antiphon
mode: 6f |
Pater virginis preclare
studuit hanc exornare
auro fulvo margaritis
pannis quoque exquisitis
sed hec aurum margaritas
vestes quoque exquisitas
despiciens propter deum
toti mundo prefert eum
nomen eius benedictum
magnificans et invictum
|
| |
Matins I
mode: 4e |
Laudemus nos in hac die
virginis apollonie
sponsum christum in psalmorum
iubilo deum deorum
|
Matins antiphon 1
mode: 1d |
Huius virginis germani
fratres tres corpore vani
querela sororem acri
sue deferebant matri
|
Matins antiphon 2
mode: 2g |
Ingenuam mater natam
ob fidem christi delatam
sibi corrigebat dire
differentem obedire
|
Matins antiphon 3
mode: 3e |
Sancta habitu mutato
a leonino beato
baptismi suscepit undam
mentem deo servans mundam
|
Matins respons 1
mode: 1d |
Tunc ad patris aures natam
mater deferens beatam
Refert quod sit baptizata
christo fide desponsata
|
Matins verse 1
mode: 1v |
Odiens qui nate actus
supra modum stupefactus
viribus corporis mire
in hanc cepit desevire
|
Matins respons 2
mode: 1d |
Respondit apollonia
matri sue virgo pia
procul pulso omni dolo
Christum verum deum colo
|
Matins verse 2
mode: 1v |
Idola surda et muta
licet fuerim secuta
|
Matins respons 3
mode: 3e |
Ad iovis filiam templum
gentilibus in exemplum
Ducens pater ut adoret
iovem monet et imploret
|
Matins verse 3
mode: 3e |
Martyr sancta fide functa
in cinerem vertit cuncta
|
Matins antiphon 4
mode: 4e |
Hominibus tradens natam
diris tunc abiudicatam
virgis et flagellis cesam
pater videbat illesam
|
Matins antiphon 5
mode: 5c |
Addens pater penas penis
tortoribus mandat sevis
corpus nate laniari
cordis profanus amari
|
Matins antiphon 6
mode: 6c |
Non defuit miserator
sponse sue liberator
vulnera sanando pius
iesus marie filius
|
Matins respons 4
mode: 3e |
Cesar multas vocans gentes
iussit linguam atque dentes
evelli ab eius ore
Satane ardens furore
|
Matins verse 4
mode: 3e |
Faculis mamme cremantur
virginis consequestrantur
ferro oculi puelle
a capite mox tenelle
oleo sulfure sale
tractat corpus triumphale
|
Matins respons 5
mode: 3e |
Ave sectatrix quietis
Vocibus dominum letis
laudabas sustinens graves
penas corporis insuaves
|
Matins verse 5
mode: 3e |
Cesa pectinibus diris
virgo a nefandis viris
|
Matins respons 6
mode: 5f |
Infelix fremens natam
pater ferreis ligatam
vinculis equis calcari
mandat hanc et trucidari
et sic trahi per plateas
Dicens pro christo pereas
Infelicem [alt: v]
|
Matins verse 6
mode: 5f |
Tunc calce unus equorum
patrem tangens premissorum
interfecit qui beate
precibus revixit nate
|
Matins antiphon 7
mode: 7g |
Pater mox ut suscitatur
cum uxore baptizatur
cum natis et familia
Sit deo laus et gloria
[alt: v added in AH: is it a dialogue q]
|
Matins antiphon 8
mode: 5f |
Rem audite inauditam
ad hanc castam margaritam
loquebatur equus ille
benedicendo pusille
|
Matins antiphon 9
mode: 6f |
Omnes gentes tunc per gyrum
resuscitatum hunc virum
prece audientes nate
fidei se dant beate
|
Matins respons 7
mode: 7g |
Cesar decius tunc isti
virgini occurrens christi
digitos mandat precidi
manuum pedum postque elidi
manus bracchia et crura
Vulnera infligens dura
|
Matins verse 7
mode: 7v |
Odiens salutis actus
rotas parit vir pretactus
Vir infectus [alt: v Ms]
|
Matins respons 8
mode: ?a |
Percusso decio morte
talior presidens sorte
throno tunc imperiali
machinator omnis mali
Plantas pedum clavis diris
mandat perfodi virginis
|
Matins verse 8
mode: ?a |
Illi sed adfuit pie
natus virginis marie
taliorem pro excessu
puniens cum complicibus
|
Matins respons 9
mode: 6C |
Viro sevo gehennali
taliore tunc letali
plaga fracto numerarius
imperabat nefarius
qui tres boves diros fecit
fieri in quos proiecit
virginem christi ligatam
ferventissimos Sed gratam
sponsam sibi iesus pie
liberavit ipsa die
|
Matins verse 9
mode: 6c |
Sancta martyre orante
omni populo astante
frigefacti boves isti
sponse non nocebant christi
Fervefacti [alt: v Ms]
|
| |
Lauds antiphon 1
mode: 1d |
Cesare morte prostrato
virgo corde delicato
sponsum suum celi regem
laudat veram tenens legem
|
Lauds antiphon 2
mode: 2g |
Angelus huic absque mora
apparens sub ipsa hora
passionis sanat piam
virginem apolloniam
|
Lauds antiphon 3
mode: 3e |
Penis diris tunc devictis
martyr christi benedictis
vocibus christum laudabat
vox in celis resonabat
|
Lauds antiphon 4
mode: 4e |
Egregie rex persarum
virgini occurrens clarum
vultum ut est contemplatus
mox est lumine privatus
Orbatus [alt: v Ms privatus]
|
Lauds antiphon 5
mode: 4e |
Longissimis penis fractam
virginem ense pretactam
absanor ut decollavit
christus iesus coronavit
|
Lauds (gospel) special antiphon
mode: 6f |
Prostrata in loco mortis
sponsa eternalis sortis
preces fudit pro devotis
servulis viribus totis
dicens mee passionis
qui fecerit memoriam
proficiat hic in bonis
celi videat gloriam
|
| |
2nd Vespers (gospel) special antiphon
mode: 4e |
Eius currite ad festa
corda qui habetis mesta
que cunctorum consolatrix
est et omnis imperatrix
a christo iesu graciam
nam in sue hora mortis
victrix obtinuit fortis
omnis ut exaudiatur
a christo qui hanc precatur
|
full office name: