| |
| |
Vespers antiphon 1
mode: 1d |
Gaudeat ecclesia
quam indefunctorum
sponsus ornat gloria
matrem filiorum
|
Vespers antiphon 2
mode: 2d |
Sapienti filio
pater gloriatur
hoc et in antonio
digne commendatur
|
Vespers antiphon 3
mode: 3e |
Qui dum sapienciam
seculi calcavit
prudens summi gloriam
patris exaltavit
|
Vespers antiphon 4
mode: 4e |
Augustini primitus
regule subiectus
sub francisco penitus
mundo fit abiectus
|
Vespers antiphon 5
mode: 5f |
Quorum vitam moribus
hic profitebatur
gloriosis patribus
iam congloriatur
|
Vespers (gospel) special antiphon
mode: 6f |
O proles hispanie
pavor infidelium
nova lux italie
nobile depositum
urbis paduane
fer antoni gracie
christi patrocinium
ne prolapsis venie
tempus breve creditum
defluat inane
|
| |
Matins I
mode: 4e |
Iam christum chorus humili
alacrius
in iubilo collaudet
in quo sacerdos nobilis
antonius
in veritate gaudet
|
Matins antiphon 1
mode: 1d |
Quasi secus alveum
rivuli plantatus
fructum temporarium
dedit hic beatus
|
Matins antiphon 2
mode: 2d |
Monte sion predicat
domino preceptum
et talentum duplicat
celitus acceptum
|
Matins antiphon 3
mode: 3e |
Conterit miraculis
peccatorum dentes
sponsam christi patulis
rictibus molentes
|
Matins respons 1
mode: 1d |
Funditur insoncium
sanguis a paganis
fitque moriencium
merces vite panis
Rumor ad antonium
volat non inanis
Profanis
[alt: v Ms paganis]
|
Matins verse 1
mode: 1d |
In minores gladium
fratres dat in odium
christi rex immanis
|
Matins respons 2
mode: 2d |
Optans fore socius
glorie victorum
quos occidit impius
rex marochiorum
Sequitur antonius
vitam defunctorum
|
Matins verse 2
mode: 2d |
Felix quem non gladius
ferit sed in melius
mutat iniquorum
|
Matins respons 3
mode: 3e |
Fervet ad martyrium
dum rex terre sevit
sed hoc desiderium
servi non complevit
De quo rex regnancium
aliud decrevit
|
Matins verse 3
mode: 3e |
Tandem in simplicium
cetu per iudicium
fama veri crevit
|
Matins antiphon 4
mode: 4e |
Grave cor querencium
nugas vanitatem
discit per antonium
vite veritatem
|
Matins antiphon 5
mode: 5f |
Contra virum sanguinum
clamat et dolosum
quod hoc genus hominum
deo sit exosum
|
Matins antiphon 6
mode: 6f |
Laus perfecta profluit
ex lactentis ore
in quo christus destruit
hostem cum ultore
|
Matins respons 4
mode: 4e |
Dono sapiencie
plenus arrogancie
fastum qui timebat
sub indocti facie
Tantumdiu gracie
lumen abscondebat
|
Matins verse 4
mode: 4e |
A se prorsus glorie
sibi temerarie
sumere volebat
Pondus [alt: v Ms prorsus]
|
Matins respons 5
mode: 5f |
Pauper in collegio
pauper in principio
spiritu probatus
verbi ministerio
Non iniectu proprio
datur sed vocatus
Pauperum collegio [alt: v Ms]
|
Matins verse 5
mode: 5f |
A quo sit hec dacio
fiunt testimonio
mors et incolatus
|
Matins respons 6
mode: 6f |
In doctrine poculis
iustus sua singulis
reddens affluebat
loquens magnis parvulis
Veritatis iaculis
eque feriebat
|
Matins verse 6
mode: 6f |
Pocior miraculis
virtus hec in oculis
omnium clarebat
|
Matins antiphon 7
mode: 7g |
Gaude quondam seculi
transiens viator
summi tabernaculi
nunc inhabitator
|
Matins antiphon 8
mode: 8g |
Nobis fac propicium
a quo recepisti
cordis desiderium
vitam quam petisti
|
Matins antiphon 9
mode: 1d |
Duc in montem domini
ora nos antoni
iunctos deo homini
loco sancto poni
|
Matins respons 7
mode: 7g |
Vitam probant vilitas
simplex innocencia
cura discipline
Zelo iuncta caritas
veritas modestia
testes sunt doctrine
|
Matins verse 7
mode: 7g |
Sed signorum claritas
probat hec probancia
multiplex in fine
|
Matins respons 8
mode: 8g |
Si queris miracula
mors error calamitas
demon lepra fugiunt
egri surgunt sani
Cedunt mare vincula
membra resque perditas
petunt et accipiunt
iuvenes et cani
|
Matins verse 8
mode: 8g |
Pereunt pericula
cessat et necessitas
narrent hi qui senciunt
dicant paduani
|
Matins respons 9
mode: 1d |
Sanctus hic de titulo
crucis et suppliciis
dulcis iesu modulo
dulci predicabat
cum pater in aere
Se franciscus filiis
absens novo genere
signi presentabat
|
Matins verse 9
mode: 1d |
Tamquam in patibulo
crucis ipse bracchiis
tensus hoc signaculo
eum consignabat
|
| |
Lauds antiphon 1
mode: 2d |
Domus ab antonio
supra petram dominum
posita perstabit
quam maris elacio
fluctus seu vox fluminum
ultra non turbabit
|
Lauds antiphon 2
mode: 3e |
Letus tuo iubilat
in conspectu domine
quo iam introivit
lumen quod es similat
hunc tibi qui lumine
fruitur quo vivit
|
Lauds antiphon 3
mode: 4e |
Totus in te siciens
deus ad te vigilans
extitit de luce
tu fons indeficiens
tu lux illi rutilans
qui sitis in cruce
|
Lauds antiphon 4
mode: 5f |
Celi terre marium
benedicant dominum
cuncte creature
qui tot per antonium
signis auget hominum
vite spem future
|
Lauds antiphon 5
mode: 6f |
Sono tube tympano
cithara psalterio
cymbalisque deum
choro chordis organo
laudet in antonio
mystice cor meum
|
Lauds (gospel) special antiphon
mode: 7g |
Gaude felix padua
que thesaurum possides
cuius in altario
dignum fore loculum
visio monstravit
tu signis irrigua
tot in tuo provides
miseris antonio
serva rei titulum
que sic te ditavit
sed tu nos ad ardua
pater hic qui presides
quorum es possessio
transfer quos hic vinculum
mortis inclinavit
|
| |
2nd Vespers (gospel) special antiphon
mode: 8g |
O iesu perpetua
lux tot in antonio
signis dans splendorem
de quo non incongrua
nobis gloriacio
tibi dat honorem
gracia per hunc tua
nos in vase proprio
ferre da liquorem
lampade non vacua
lumen det opinio
caritas ardorem
frustra virgo fatua
glorians in alio
queret vendicionem
|
full office name: