| |
| |
Vespers (gospel) special antiphon
|
Gaudeat ex toto
pari se celebret seu voto
orbis terrarum
tantum claruisse thesaurum
per quem languentes
ad eum palam venientes
cum sint devoti
liberantur pondere loti
|
| |
Matins I
|
Adoremus creatorem
antonii qui splendorem
hodie splendidiorem
claruit theophilo
|
Matins antiphon 1
|
Exultemus
omnes in domino
quia presul
vere theophilus
a cesare
missus divinitus
antonium
egypti nobilem
hodie sollemniter
meruit invenire
|
Matins antiphon 2
|
Demones in sophia
constantini filia
testabant dicentes
quatenus antonium
cultorem egregium
sentirent dolentes
|
Matins antiphon 3
|
Invencionis moderne
letetur ecclesia
prestet nobis hinc eterne
christus vite gaudia
|
Matins respons 1
|
Gabriel angelus
locutus est cesari
dicens in egyptum
mitte theophilum
inquit pontificem
cum fratrum cuneo
bis sex peritorum
ut inquirentes
locum experiant
gloriosus in quo
pater antonius
eremiticam
duxerit eius vitam
|
Matins verse 1
|
Vult namque dei filius
querendus sit antonius
ad fugandum demonia
septem que sunt in sophia
|
Matins respons 2
|
Cum egyptum visitassent
misso theophilo
viri fratres tanti+que
thesauri super negocio
totis laborassent
viribus innitendo
|
Matins verse 2
|
Tandem cum lacrimis
orando dominum
simul ad eremum
iter per asperum
viam arripiunt
sicut erat futurum
|
Matins respons 3
|
Sincerus cum eremita
silvis latitasset ita
fundans habitaculum
plures in quo residentes
fratres deo servientes
evitassent seculum
quorum ex eremi more
nullo excepto priore
loquitur vocabulum
pontifex cum introisset
disciplinam hanc vidisset
benedixit dominum
|
Matins verse 3
|
Viri secum litterati
a priore salutati
sequuntur theophilum
|
Matins antiphon 4
|
Cum bine tumulum fere
sancti sine crimine
foderent terra replere
presul vidit lumine
angelos autem gaudere
super corpus nobile
|
Matins antiphon 5
|
Afferentes corpus sacrum
pontifex cum fratribus
mirifice decoratum
angelorum vocibus
ad eremum assignatum
redeunt cum laudibus
|
Matins antiphon 6
|
Presul eremi contentus
suis cum noticia
tam prioris quam conventus
claustri sub silencia
thesauro cum precioso
festinant a patria
|
Matins respons 4
|
O christicola venerabilis
antoni stirpe nobilis
quantam tibi deus
contulit graciam
nam ad nominis gloriam
sacrum et immaculatum
corpus tuum
episcopo theophilo
signis cum fulgentibus
hodierna die
largitus est invenisse
|
Matins verse 4
|
Ecce signa que monstrantur
a thesauro nobili
mortui resuscitantur
a morte terribili
et demones effugantur
ad salutem populi
|
Matins respons 5
|
In egypti presul regno
beatorum corpore
signum dans more paterno
campis vel itinere
sedet a castro remote
quondam a quo populus
demonum audita voce
tam servus quam dominus
exeunt arma gerentes
ad terrorem hostium
|
Matins verse 5
|
Daniel male tractatus
fremens a demonio
sanctum invocans curatus
plebis est in medio
|
Matins respons 6
|
Inde castri coram clero
nunciat familia
lupi quatenus pro vero
nuper animalia
vitulos capras et oves
pueros et omnia
devorant simul et boves
intra ville menia
|
Matins verse 6
|
Sancto tamen imperante
lupis prosternentibus
domino cooperante
vitam reddit omnibus
|
Matins antiphon 7
|
Antonium exclamabant
voce magna demones
in seculum qui vexabant
tam fortes quam debiles
dicentes o eremita
valde venerabilis
quare nos comburis ita
parce nobis miseris
|
Matins antiphon 8
|
Via qua pertransierunt
ferentes antonium
mortuos tres invenerunt
devoratos nimium
super quos deposuerunt
sanctum corpus proprium
unde sani revixerunt
eius per auxilium
|
Matins antiphon 9
|
Daniel arte ligatus
demonum in carcere
audiens hec quod beatus
potens fertur opere
currit nimis anxiatus
sanitatem poscere
obviando liberatus
fit ab omni pondere
|
Matins respons 7
|
Puer quidam habens patrem
effron cuius nomen est
infra regni civitatem
suspendi damnatus est
cum autem foras exiret
ductus ad patibulum
invocavit ne periret
sanctum dei famulum
|
Matins verse 7
|
Cumque iam suspenderetur
sancti patris meritis
puer vivus obtinetur
cum capillis capitis
|
Matins respons 8
|
Ierusalem cum intrassent
presul et discipuli
navem nec non procurassent
thesauro tam nobili
super mare collocati
recta navigant via
licet forent occupati
multa per contraria
|
Matins verse 8
|
Gracia tandem divina
meritis antonii
ad urbem lapsa ruina
remigant constancii
|
Matins respons 9
|
Glorioso patre viso
constantino pregaviso
de puella sequitur
quod cum catenis ligata
membra tangeret beata
soluta relinquitur
|
Matins verse 9
|
A malignis liberata
locumque perosculata
sapienter loquitur
|
| |
Lauds antiphon 1
|
Ante trinitatis thronum
pastorem eremi bonum
christus hunc instituit
cuius sacrum corpus lotum
a tumulo nunc amotum
theophilo claruit
|
Lauds antiphon 2
|
Constantinopolie
tue cesar profuit
gaude cuius filie
salutis lux floruit
|
Lauds antiphon 3
|
Modernam invencionem
sancti patris ad honorem
sollemniter celebremus
ut pro nobis apud christum
intercedat regem istum
quem frequenter adoremus
|
Lauds antiphon 4
|
O quam decorus et pius
est beatus antonius
ex odore cuius sacro
terra fragrans fit in agro
|
Lauds antiphon 5
|
Hic cultor inventus est
hymnis honoratus est
cum angelis visus est
hodie letemur
|
Lauds (gospel) special antiphon
|
Summi patris in gloria
iubilemus antonio
in hac cuius ecclesia
celebratur invencio
letetur ergo patria
multiplici pre gaudio
cunctis ut vite venia
sit eius ex officio
|
| |
2nd Vespers (gospel) special antiphon
|
Tanti pastoris
eremite cordis et oris
mundus letetur
invencio celebretur
sed nimio zelo
veneretur corde sereno
ut consolamen
prestet deus populo amen
|
| |
Vespers (gospel) special antiphon .a
|
Dies ista celebris
nostris orta tenebris
post mundane vite curas
post labores et pressuras
inclitum antonium
celi super solium
ad vitam parturiit
|
| |
Matins I .a
|
Iubilemus voto pari
deo nostro salutari
qui cum angelis letari
contulit antonio
|
full office name: