| |
| |
Vespers antiphon 1
|
Adesto pater glorie
nobis ut victorie
laudes tuorum martyrum
digne possimus promere
ansueri et eius sociorum
|
Vespers antiphon 2
|
Cordis ex secretario
gens omnis symphonizat
nam in tormento vario
ansuerus stephanizat
|
Vespers antiphon 3
|
Celeste viridarium
iucunde tunc stipatur
cum felix per martyrium
hic mundus irrigatur
|
Vespers antiphon 4
|
Avete sancti martyres
ansueri comitiva
orate ne nos febriles
mors tangat recidiva
|
Vespers antiphon 5
|
Sancte ansuere
martyr dei inclite
cum tuis consortibus
ora pro nobis omnibus
|
Vespers respons
|
Pange terra holsacie
nobilis et generosa
nam de tua progenie
prodiit rubens rosa
ansuerus qui nobiliter
ex te generatur
per quem ineffabiliter
multa mirabilia
deus operatur
|
Vespers verse
|
Ex cuius odoris fragrancia
tota redundat slavia
|
Vespers (gospel) special antiphon
|
Sanctus ansuerus
innocens ab infancia
mansuetus in puericia
sobrius in adulescencia
secutus parentum vestigia
tantis virtutum moribus
est adornatus ut usque ad etatem
virilem qua perfecte vixerat
propter sue perfeccionis culmen
possit beato iob comparari
|
| |
Matins I
|
Regi regum domino
venite iubilantes
qui sanctos in martyrio
confortat agonizantes
|
Matins antiphon 1
|
Ansuerus in consilio
non abiit pravorum
quapropter nunc collegio
sortitur beatorum
|
Matins antiphon 2
|
Cur in sanctos domini
gentes fremuerunt
quos nece valde flebili
flebiliter straverunt
|
Matins antiphon 3
|
Invocantes domine
sanctos exaudisti
quos in tuo nomine
pati voluisti
|
Matins respons 1
|
Ansuerus sprevit scoriam
terrene dignitatis
ut usurparet gloriam
celestis civitatis
dereliquit patriam
iuventutis flore
|
Matins verse 1
|
Elegit abiectus esse in domo dei sui magis quam habitare in tabernaculis peccatorum
|
Matins respons 2
|
Ut rosa vel lilium
constipat viridarium
sic equali forma
per oswaldi filium
fulcitur monasterium
sub benedicti norma
|
Matins verse 2
|
Sicut novelle plantaciones a iuventute sua
|
Matins respons 3
|
Eia rachel sponsa christi
militans ecclesia
que tot proles edidisti
quot ad celi gaudia
animas tu transtulisti
per tormentorum genera
quorum neces tu flevisti
per sancta desideria
|
Matins verse 3
|
Filii tui sicut novelle olivarum in circuitu mense tue
|
Matins antiphon 4
|
Bone voluntatis scuto
coronasti domine
quos ex huius mundi luto
extraxisti hodie
|
Matins antiphon 5
|
Ex ore paciencium
vis christe collaudari
ut virtus innocencium
possit comprobari
|
Matins antiphon 6
|
In dei tabernaculo
habitat ansuerus
qui in slavorum populo
fuit doctor verus
|
Matins respons 4
|
In patrem dum elegitur
ansuerus vir discretus
ex hoc non erigitur
in corde sed mansuetus
in pietatis opere
permansit indefessus
quod docuit summopere
aliis est aggressus
|
Matins verse 4
|
Hic accipiet benediccionem a domino et misericordiam a deo salutari suo
|
Matins respons 5
|
O sacratissimi amatores
trinitatis deifice
abraham in montis radice
tres viros vidit et unum adoravit
sic ansuerus ex uno ore
tres simul et semel
emisit melodias
|
Matins verse 5
|
Abraham vidit tres viros et unum adoravit
|
Matins respons 6
|
Sicut non potest civitas
in montibus celari
sic et nequit sanctitas
in sanctis occultari
hoc in ansuero panditur
sancto sufficienter
cui de celo mittitur
virga non latenter
in cercumque vertitur
valde competenter
?Cercum [alt: ?]
|
Matins verse 6
|
A domino factum est istud et est mirabile in oculis nostris
|
Matins antiphon 7
|
In te sperantes
hos et pro te morientes
celorum domine
conservabis benedicte
|
Matins antiphon 8
|
In mundo corde
permanserunt sine sorde
in terra domini
consistunt ergo locandi
|
Matins antiphon 9
|
Pro plebis facinore
te christe deprecantur
qui in suo sanguine
pro te rubricantur
|
Matins respons 7
|
Ex terrenis inquilinis
fiunt cives celici
dum necantur a lupinis
viris viri angelici
per quos slavi sunt doctrinis
docti roris mellici
et erepti a latrinis
carceris eumenici
|
Matins verse 7
|
Vindica domine sanguinem sanctorum tuorum qui effusus est
|
Matins respons 8
|
Eia vos triumphatores
pro nobis intercedite
et perversitatis mores
in nobis corrigite
ut adiutos vestra prece
deus creator omnium
et ablutos ab hac fece
perducat in empyreum
|
Matins verse 8
|
Apud christum vota nostra promovete precibus
|
Matins respons 9
|
O militantis ecclesie
capitanei fortissimi
o triumphantis milicie
phaleratores doctissimi
sancte ansuere cum tuis sociis
hos precibus vestris defendite
quos in vestro servicio
humiliter
cognoscitis permanere
|
Matins verse 9
|
Apud christum patrociniis vestris adiuvemur semper
|
| |
Lauds antiphon 1
|
Precinctus fortitudine
dominus regnavit
qui suos pulchritudine
sanctos decoravit
|
Lauds antiphon 2
|
Serviet in iubilo
deo plebs fidelis
qui sanctos a periculo
liberat et a penis
|
Lauds antiphon 3
|
Adheserunt domino
martyrium sicientes
cuius in servicio
steterunt vigilantes
|
Lauds antiphon 4
|
Sancti et humiles corde
hymnum dicite deo
|
Lauds antiphon 5
|
In collegio sanctorum
laudetur rex eorum
|
Lauds (gospel) special antiphon
|
Gaude ratzeburgensis ecclesia
divinitus inspecta
a deitatis clemencia
medullitus electa
que sanctorum sanguine
pulchre rubricaris
quorum nunc iuvamine
mire gubernaris
|
| |
2nd Vespers (gospel) special antiphon
|
Mirantur cives celici
et spiritus tartarei
stupent quod hec fragilis
natura sit tam agilis
quod cum tanta gloria
in passionis victoria
ad celi transit gaudia
o ansuere vir nobilis
cum quater septem sociis
pro nobis preces fundere
velis et intendere
quod annuis devocionibus
tua festa recolimus
|
full office name: