| |
| |
A verse LR
|
Anna mariam peperit
insigne decus virginum
ex qua lux lucis prodiit
christus salvator hominum
|
A verse LV
|
Qui mundum luce gracie
splendor paterne glorie
celestis rex milicie
ducit ad lumen patrie
|
A verse CA
|
Intemerate virginis
sancte tue propaginis
matris dei et hominis
prelate cunctis feminis
anna precare filium
ut se reddat propicium
nobis donans auxilium
ipse redemptor omnium
|
A verse IR
|
Beate christi avie
diem festum celebremus
omnes cum omni gaudio
annam sanctam honoremus
sollemni cum tripudio
|
A verse IV
|
Honoris privilegio
sublimatur singulari
avia dei filio
anna facta sine pari
cuius subsunt imperio
cuncta celo terra mari
|
A verse IA1
|
Anna divino munere
datur tibi concipere
christi matrem singularem
que non novit umquam marem
|
A verse IA2
|
Gaude bethlehemitica
urbs quam honoravit anna
de tuo ipsa sanguine
mater est nostre domine
|
A (gospel) verse _E
|
Gaude cetus christiane
in sollemni festo anne
melodias dulces cane
ora christum ut nos sane
mentis celi pascat pane
|
A verse B$
|
O singularis avia
christi tui conditoris
ex qua processit filia
mater nostri redemptoris
perduc nos via regia
ad aspectum salvatoris
ubi omnis leticia
nulla facies meroris
|
| |
A M _R1
|
Arbor anna fructuosa
germen paris gloriosa
de te nata velut rosa
est maria speciosa
|
A M _V1
|
Ex qua christus est productus
lignum vite dulcis fructus
quo ad celum est reductus
homo per Satan seductus
|
A M _A1
|
Anna paris stellam prolem
que producit mundo solem
hanc obsequiis dedisti
tu divinis ut vovisti
|
A M _R2
|
Duas sorores legimus
annam atque ismeriam
quarum dat mundo quelibet
valde prolem eximiam
|
A M _V2
|
De prima nempe nascitur
mater nostri salvatoris
ex altera progreditur
sancta parens precursoris
|
A M _A2
|
Mater matris dei anna
te plebs laudet christiana
corde sed non voce vana
mantes nostras clemens sana
|
A M _R3
|
Hec per duplex decennium
non habens anna filium
de legali coniugio
dat creatori omnium
corde pio votum pium
divino quod obsequio
illam prolem manciparet
deus sibi quam donaret
|
A M _V3
|
Datur piis parentibus
sanctum votum voventibus
preoptata proles pia
virgo virginum maria
quam divinis ut voverunt
mancipare curaverunt
|
A M _A3
|
Anna mater matris dei
te rogamus omnes rei
cuius nati Zebedei
sunt nepotes et alphei
|
| |
A Q $A1
|
Non inter iuda principes
tu bethlehem es minima
per annam dux egreditur
de te proles altissima
christus qui regit populum
cum supernis et infima
|
A Q $R
|
Anna sancta concepisti
piam matrem iesu christi
per quam datur mundo tristi
salus atque redempcio
|
A Q $V
|
Suum natum deprecare
ut dignetur nobis dare
quod possimus corregnare
in sanctorum collegio
|
A Q $A2
|
Rex sempiterne glorie
fili virginis marie
tu precibus nos avie
fac tue cives patrie
|
A Q KA
|
Angelus a deo missus
annam flentem consolatur
dum de viro redeunte
prolem sibi dari fatur
|
| |
A L HR1
|
Felix anna fecundaris
in tribus propaginibus
que tres marias concipis
amenis plenas fructibus
prima fuit expers maris
deum prebens hominibus
|
A L HV1
|
Secunda iudam simonem
dat et iacobum minorem
parit ioannem tercia
hec et iacobum maiorem
|
A L LR1
|
Angelus ait ioachim
pariet anna filiam
quam tu mariam nomine
vocabis piam regiam
spiritus sancti gracia
repletam ab infancia
|
A L LV1
|
Genitus mirabiliter
natus misericorditer
ex ista christus omnium
erit salvator gencium
|
A L LR2
|
Anna cum viro ioachim
ad templum ducit virginem
deo donantem munera
que parit deum hominem
de regali progenie
david trahens originem
|
A L LV2
|
Dimissa a parentibus
cum aliis virginibus
ab angelis cottidie
in templo visitabatur
hec omnis plena gracie
semper deo fruebatur
|
A (gospel) L _E
|
Profecit in virtutibus
dimissa a parentibus
maria in templo dei
qua salvantur omnes rei
|
| |
A H _A1
|
Sint in iugi memoria
passionis supplicia
que patris sapiencia
peccato non obnoxia
in cruce suffert varia
per que ad celi gaudia
de inferni miseria
ducit nos cum victoria
natus anne filia
|
A H _A2
|
Anna sancta iucundare
meruisti que portare
mariam mundi reginam
peccatorum medicinam
|
A H _A3
|
Benedicat anna deum
mater virginis marie
que nunc gaudet cum filia
celestis consors glorie
|
A H _A4
|
Omnes fideles populi
divinis instent laudibus
in festo anne iubilus
sit in eorum cordibus
|
A H B$
|
Anna deum semper laudes
que marie nunc congaudes
in supremo sita poli
omni laude digna coli
maris stella sociata
sanctis choris aggregata
|
| |
A $_A1
|
Felix tua progenies
de qua vera lux et dies
anna christus exoritur
per quem nox tetra pellitur
|
A $_A2
|
Mater matris iesu christi
tuo lacte quam nutristi
ab inferni morte tristi
tuos devotos libera
ne tormentorum onera
subeamus mortifera
|
A $_A3
|
Ex nobili prosapia
descendit anne filia
maria virgo virginum
spes atque decus hominum
|
A $_A4
|
Ad partam dictam auream
anna marito obviat
iuxta sermonem angeli
optata qui renunciat
|
A $_A5
|
Ex nazareno ioachim
florido floriferam
floris campi iesu matrem
virginem puerperam
domum panis de bethlehem
anna das christiferam
|
A $_A6
|
Anna clemens roga christum
ut expurget mundum istum
a peccatorum sordibus
informetque virtutibus
|
| |
A K _A
|
Est donans vel donacio
anne interpretacio
sibi donatur nobilis
virgo cui nulla similis
hec maria stella maris
quam tu donans anna paris
|
| |
A W _R
|
Ex anna diu sterili
divino dono fertili
maria virgo nobilis
processit ramis utilis
cuius fructus magnificus
christus iesus vivificus
|
A W _V
|
Qui suavis est odore
fructus dulcis in sapore
speciosus in decore
preciosus in valore
|
full office name: