full office name: ANNA (n22)
eccles:mon
calendar:July 26
manuscript: 1 :ELB H 4664 {Box 136}
structure summary: Vespers: E
Matins: A6R4.A3R4
Lauds: A3E
poetic forms: Vespers: .v
Matins: il5{iv,lh,lv,lh}ilv{lh,lv,lh,ql}
Lauds: l3.$ [”q]
notes:nun or holy woman
Persons: Salomonis
Places: Iudea

By clicking on the icon you can search for offices within the corresponding category.

Here you find the raw text from the LMLO file

 
 
Vespers (gospel) special antiphon
Ad felicis anne festum
omnes fluant populi
cuius proles effugavit
densam noctem seculi
dum mariam maris stellam
celebs nuptam peperit
et per natum eius christum
mors eterna deperit
apud christum sint pro nobis
et mater et filia
ut in orto sponsi rosas
legamus et lilia
 
Matins antiphon 1
Gustu prima parens
fel lapso miscuit orbi
torruit omne genus materni
vulnere morbi
Matins antiphon 2
Vincula feminei dissolvit prima ruboris
dum parit anna parens divini germen odoris
Matins antiphon 3
Hec est terra ferax
que celi rore madescit
ortus et irriguus
in quo stirps iesse acrescit
Matins antiphon 4
Anna decus matrum
virtutum cellula morum
formula servorum
pia suscipe vota tuorum
Matins antiphon 5
Regis amica dei dilectrix regia proles
anna reos releva reprobat quos carnea moles
!Quos [alt: ?]
Matins antiphon 6
Semine regali iesse david et salomonis
nascitur et renitet virtutum predita donis
Matins respons 1
Legis causa diu signacula
lucis ad ortum
hec aurora
trahit hec monstrat femina portum
Matins verse 1
Stellam namque maris
anna beata paris
Matins respons 2
Anna dei matris
genetrix famosa marie
felix tam propria
quam nate fertilitate
quam vehit ad celum
clarissimus ille nepotum
Matins verse 2
Collige nos votis
inter sacra membra nepotis
Matins respons 3
Christi digna caro thalamo
de virginis orta
et cibus et manna
patuit quo celica porta
Matins verse 3
Corruit in tali
femine causa mali
Matins respons 4
O genus eximium
quo mundo gracia fluxit
gratis namque datur
quod perdita vita reluxit
Matins verse 4
Ecce medela dei
quam meruere rei
Matins antiphon 7
Te mare te tellus
te totus concinit orbis
nos rege nos releva nos criminis
exue morbis
Matins antiphon 8
Anna tu christi
que celi regna petisti
nobis regna para
quibus extas hospita clara
Matins antiphon 11
Ime virginitatis
ex hac tela prodiit
verbum dei factum caro
quam in carne subiit
Matins respons 5
O matrum matrona
deo vicina corona
fulgida celesti
nos tecum lumine dona
Matins verse 5
Quos regna anna rege
crimina nostra tege
Matins respons 6
Currit ad hunc radium
presagi fluminis unda
quam iudea parit
tanta de prole iucunda
Matins verse 6
Celica ornata
celica anna data
Matins respons 7
Christe nepos anne pia
proles virginis orbis
formator nostris
tua da medicamina morbis
Matins verse 7
Vincula solve reis
sisque levamen eis
Matins respons 8
Omnis causa boni nos anna beata tuere
et facias tecum christum (-)/ videre
Matins verse 8
Est ibi leta dies
est ibi summa quies
 
Lauds antiphon 1
Laudibus anna tuis
succedunt undique laudes
nobis congaude
que celi munere gaudes
Lauds antiphon 3
Pervigil in celis
ores ut turba fidelis
te sectando ducem
videat de lumine lucem
Lauds antiphon 4
Benedicta sit hec anna que mariam genuit
per quam nobis spes eterne salutis apparuit
Lauds (gospel) special antiphon
Salve anna mater marie virginis
salve stemma regalis germinis
o digna mater tam sancte filie
regi regum coniuncta hodie
preces nostras clementer suscipe
et in pacis nos viam dirige