full office name: ANNA (n21)
edition: AH 41a #4
eccles:mon
Cist?
calendar:July 26
structure summary: Vespers: A4RE
Matins: monastic
Lauds: A5E
Hours (little hours): A4
2nd Vespers: A4E
poetic forms: Vespers: g4{g}.g
Matins: f.vsgssg{o,gV,v,vo}g3ssg{os,vV,vs,fV}.g{vs,gV,gV,eV}
Lauds: g5.i
Hours (little hours): g3v
2nd Vespers: g4.g [”]
geographical information:Austria
notes:nun or holy woman
Persons: Ioachim

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Gaudeat ecclesia
anne de natali
trahentis exordia
de stirpe regali
Vespers antiphon 2
Viro iuncta socia
nexu coniugali
boni tantum conscia
morbo carens mali
Vespers antiphon 3
Preceptis legalibus
tota intendebat
nec ullis erratibus
ab his secedebat
Vespers antiphon 4
Extendit ad forcia
felix ista manum
sic in innocencia
mundum vicit vanum
Vespers respons
De spina hebraica
de stirpe davidica
recens surgit rosa
mundo dans primordium
salutis exordium
anna generosa
Vespers verse
Mariam hec genuit
miserorum scutum
quia semper viruit
in donis virtutum
Vespers (gospel) special antiphon
Magnificent vigiles
exaltantem humiles
deum omnes gentes
ut anne precatibus
a cunctis reatibus
nostras mundet mentes
 
Matins I
In tam sacro sollemnio
matris matris dei
adoremus in gaudio
deum iubilei
Matins antiphon 1
Ex ore infancium
deus laudem perficit
per anne coniugium
satanam cum deicit
Matins antiphon 2
Hoc in sole posuit
suum tabernaculum
salvare dum voluit
suum deus populum
Matins antiphon 3
Deus super maria
qui terram fundavit
graciam pro gracia
anne cummulavit
Matins antiphon 4
Pre suis consortibus
oleo leticie
hanc iunctam celestibus
deus unxit hodie
Matins antiphon 5
Suum tabernaculum
dominus sanctificat
anne cor cum lectulum
sibi soli dedicat
Matins antiphon 6
Magni regis civitas
anna letabunda
omnibus sterilitas
tua est fecunda
Matins respons 1
Novella lux exoritur
fulgore grato rutilans
in gaudium plebs tollitur
novellas laudes iubilans
Matins verse 1
Ad anne natalicia
nova fulgent sollemnia
Matins respons 2
Felici origine
sacra de propagine
anna sumpsit ortum
vita cuius inclita
nobis atque merita
vite prestent portum
Matins verse 2
O felix nativitas
qua paratur
que speratur
eterna felicitas
Matins respons 3
Annos anna pubertatis
dignis currens cursibus
viro paris honestatis
legis nubit ritibus
Matins verse 3
Ioachim hec desponsata
purpurata et ditata
floret equis moribus
Matins respons 4
Actus vitantes obscenos
celibi coniugio
annos simul per bis denos
pio vivunt studio
Matins verse 4
Ambo denique nobiles
sed ventris fructu steriles
Matins antiphon 7
Divina iusticia
de celo prospexit
sorte multifaria
que annam protexit
Matins antiphon 8
Sanctis sunt in montibus
anne fundamenta
que semper virtutibus
vivebat intenta
Matins antiphon 9
Novum deo canticum
conemur cantare
ad carmen hanc celicum
dignanti vocare
Matins antiphon 10
Lux iustis exoritur
et rectis leticia
cunctis enim nascitur
anna dei gracia
Matins antiphon 11
Dominus mirabilis
fecit mirabilia
anna cum laudabilis
surgit ad celestia
Matins antiphon 12
Domini terribile
nomen et beatum
tenuit cor nobile
anne frequentatum
Matins respons 5
Rei sue substanciam
devota consuetudine
dant partitam trifariam
vivi dei pro nomine
Matins verse 5
Partem dant egentibus
partem sacerdotibus
partem suis usibus
Matins respons 6
Horum vita fuit grata
deo et celestibus
in virtute solidata
complacens hominibus
Matins verse 6
Dei placet filio
non indigne
sed tam digne
rosa iuncta lilio
Matins respons 7
Vovent ipsis si daretur
nupciarum premium
ipsum quidem offerretur
in dei servicium
Matins verse 7
Hoc tribus sollemniis
querunt sacrificiis
et piis officiis
Matins respons 8
Ioachim sacrificium
ferens audit opprobrium
infecunditatis
et fugit et absconditur
nec ad suos regreditur
flos simplicitatis
Matins verse 8
De cuius absencia
quasi demens
anna fremens
meret pre angustia
Matins (gospel) special antiphon
Mundi decens orbita
gratulans letare
celebrando inclita
festa anne clare
Matins respons 9
Angelus hos consolatur
eis dum vaticinatur
nascituram filiam
mundo dantem graciam
angelis leticiam
trinitati gloriam
Matins verse 9
Spargit ut sol radium
pariet hec filium
vite dantem bravium
Matins respons 10
Angeli pollicitis
mutuisque monitis
dabant demum fidem
datis racionibus
multis de sterilibus
nam nutabant pridem
Matins verse 10
Pactum post angelicum
securantur
prestolantur
partum tam magnificum
Matins respons 11
Anna tandem filiam
peperit eximiam
meror terminatur
fugatur opprobrium
cumulatur gaudium
risus frequentatur
Matins verse 11
O grata sterilitas
quam secundat
et fecundat
tante prolis dignitas
Matins respons 12
O felix commercium
o celebs coniugium
ioachim et anne
qui de stirpe regia
nati plenam gracia
gignunt arcam manne
Matins verse 12
Felices hi gemini
deo cari
mundo clari
nulli dati crimini
 
Lauds antiphon 1
Annam sacram induit
dominus decore
semper enim viruit
in eius amore
Lauds antiphon 2
Omnis terra mentibus
deo iubilate
et anne virtutibus
sanctis vos ornate
Lauds antiphon 3
Domini ut gloriam
leti videamus
vigiles ad latriam
cum anna vivamus
Lauds antiphon 4
Deo benedicere
quia novit anna
digna modo sumere
est divinum manna
Lauds antiphon 5
Miris pro virtutibus
anne tam fidelis
iubilemus laudibus
domino de celis
Lauds (gospel) special antiphon
In domo ecclesie
sol refulsit gracie
luce radiosa
anna graciosa
iesu cuius inclitis
precibus et meritis
nos ex alto visita
cuncta delens debita
nostra criminosa
 
Prime antiphon
Laudibus tripudia
coniungamus omnes
anne natalicia
colentes insomnes
Terce antiphon
Dives anna moribus
stirpe et virtute
sit et dives precibus
pro nostra salute
Sext antiphon
Virtutum monilibus
anna decorata
iungitur celestibus
deo semper grata
Nones antiphon
Prece tue dulcis ave
anne beatissime
libera nos omni a ve
iesu benignissime
 
2nd Vespers antiphon 1
Annua sollemnia
anne celebramus
omnem ut miseriam
per hanc evadamus
2nd Vespers antiphon 2
Fructum fert tricesimum
divinum thesaurum
excedentem plurimum
argentum et aurum
2nd Vespers antiphon 3
Floruit virtutibus
et decore morum
per viam in omnibus
currens mandatorum
2nd Vespers antiphon 4
Nulli parens crimini
anna o benigna
mater matris domini
fieri es digna
2nd Vespers (gospel) special antiphon
Abraham in semine
pepegisti domine
nos omnes salvare
anne ergo precibus
ut iurasti patribus
nostri memorare