| |
| |
Vespers antiphon
|
Summa laus sit genitori
proli quoque redemptori
nobis flamen sit solamen
chorus dicat amen amen
|
Vespers (gospel) special antiphon
|
Dulcem christo melodiam
digne decantemus
et suavem symphoniam
ipsi resonemus
eiusque benignam
honorificemus
genealogiam
sed pre cunctis laude dignam
sublevemus
annam piam
que nobis formosam
generosam preciosam
verni paradisi rosam
genuit mariam
|
| |
Matins I
|
Regi christo iubilemus
et devoti exultemus
ei qui hodie suam
piam coronavit avam
|
Matins antiphon 1
|
Admiretur orbis terrarum
nomen tuum domine
cum de profundo tenebrarum
lux surgit anne nomine
|
Matins antiphon 2
|
Celi enarrant gloriam dei
et in fines orbis terre
personent ei
cum de iuda exoritur
anna mater sancte spei
|
Matins antiphon 3
|
Hec consurgit
de generacione rectorum
et nomen eius
in eternum vivit
nec in morte de sorte
delebitur electorum
|
Matins antiphon 4
|
Calamus scribe
velociter scribentis
exornet huius gesta cuius
gressus pulcherrimi
quasi filie principis
in calceamentis
|
Matins antiphon 5
|
Tabernaculum dei
fluminis impetus letificat
dum anna legi obnoxia
prole multa fructificat
|
Matins antiphon 6
|
Magnus noster dominus
magnam magnificavit
et coram cunctis regibus
eam mirificavit
|
Matins respons 1
|
Decantemus hac in die
deo laudes harmonie
cum exurgit de iudea
norma vite et idea
anna beatissima
|
Matins verse 1
|
Sume vota iesu christe
que depromit chorus iste
mente devotissima
|
Matins respons 2
|
Egreditur rosa de spina
de campis ierichontis
cuius odor est ruina
et pavor acherontis
nos per eam christe salva
ab igne phlegethontis
|
Matins verse 2
|
Iudex ferus dum redibit
cum celi senatoribus
et hic iudas interibit
cum suis fautoribus
|
Matins respons 3
|
Spirans auster hunc perflavit
hortum quem dei rigavit
christus sapiencia
pater dedit incrementum
pavent terra firmamentum
et celorum encia
|
Matins verse 3
|
Florum hortus germinavit
rosam nec non lilium
rosa quoque generavit
christum dei filium
|
Matins respons 4
|
Stirpis davidice
tu nobilissima
proles
tres mundo generas
soles
o fecundissima
mater te pater
eternus omnis+que
celi concentus
honorat
|
Matins verse 4
|
Terrigenarum
te conventus
in valle lacrimarum
detentus
implorat
|
Matins antiphon 7
|
Benedixisti domine
terram hanc benedictam
quam de legis opprobrio
eximis maledictam
|
Matins antiphon 8
|
Fundata est in montibus
hec mater generosa
de iesu bibens fontibus
haurit tam graciosa
|
Matins antiphon 9
|
Exultabunt dei filio
simul cuncta creata
cum de mundi exilio
transit hec beata
|
Matins antiphon 10
|
Exultet terra
et insule letentur
cum hec levatur de pulvere
ad culmen glorie
hinc angeli dei iucundentur
|
Matins antiphon 11
|
Deus in se mirabilis
magnus et ineffabilis
in abrahe hac filia
perfecit mirabilia
|
Matins antiphon 12
|
Felix hec mater
domini precepta
custodiebat et diligebat
propterea apud eum
gloriam est adepta
|
Matins respons 5
|
Anna gracia vocaris
iure quia talem paris
que solem iusticie
de se caste generavit
vere plenum gracie
qui nos reparavit
|
Matins verse 5
|
Beata quia graciarum
ex te fons emanat
hic puteus aquarum
saucios qui sanat
|
Matins respons 6
|
Anna dicitur donata
cui et donavit
deus dona grata
cum eam dotavit
vere dote bona
ut hic eam gracia
et in futuro protegat
glorie corona
|
Matins verse 6
|
Hec est mater sancte spei
que pro virtute fidei
accepit bona de manu dei
|
Matins respons 7
|
Anna tu veri samuelis
castra regens israelis
et excludens ismaelis
fallentis astucias
fundis preces apud deum
et extricas asmodeum
et eius versucias
|
Matins verse 7
|
Tu tobie pie pia
ava presto sis in via
ut a nobis inimicum
procul pellas impudicum
|
Matins respons 8
|
Vox ab ore laus de corde
resultet et exultet
omnis homo fidelis
cum ab israelis
domo homo
surgit sanctitatis
anna mater honestatis
cuius flores in decore
puritatis suavitatis
fructus in honore
|
Matins verse 8
|
O mater pulchre dileccionis
ex te fons sanctificacionis
prodit virgo filia
quam exora et implora
|
Matins (gospel) special antiphon
|
Florete flores quasi lilium
et fructificate
date
odorem ac dei filium
immensis laudibus collaudate
qui anne matris spiritum
in electorum requiem
et inter vernantes
paradisi flores hodie
feliciter transplantavit
|
Matins respons 9
|
Arca tu novi testamenti
fulgens instar firmamenti
omni parte auro tecta
in te regni virga recta
manet o virtutum anna
urnam plenam habens manna
cum tabulis sciencie
|
Matins verse 9
|
Te perfecit architectus
dei natus et dilectus
manu sapiencie
|
Matins respons 10
|
Clare lucens in procella
iam de iacob surgit stella
cuius iubar mundo clarum
lumen fundit hinc rosarum
flos pulcherrimus procedit
cui spiritus insedit
vere septiformis
|
Matins verse 10
|
Specular es mundicie
cui sol iusticie
radios impressit
imago deiformis
|
Matins respons 11
|
Salve nobilis virga iesse
de qua ortum est precandens
lilium convallium
quod generavit
dei filium
qui donavit
omnibus esse
|
Matins verse 11
|
Odor cuius fragrat
super unguenta preciosa
favum cum melle distillat
lingua eius graciosa
|
Matins respons 12
|
Ego quasi terebinthus
habens gloriam ab intus
ramos meos dilatavi
cum marias generavi
trinos flores honestatis
eia mater castitatis
ora primam ex te natam
gratam cunctis et prelatam
utque gratum ex se natum
oret ut regnum beatum
nobis prestet et conspectum
summe deitatis
|
Matins verse 12
|
Ora patrem ut per ducem
qui redemit nos per crucem
nobis orbis reddat lucem
|
| |
Lauds antiphon
|
Induta es a deo
fortitudine
et precincta
pulchritudine
morum
unde tibi preparata
est sedes glorie
in requie
sanctorum
|
Lauds (gospel) special antiphon
|
Benedictus dominus
qui in domo davidis
cornu erexit
quod in salutem languidis
et in virtutem pavidis
ecclesie direxit
cum hanc vere humilem
misericordie
oculis respexit
ac cum stola glorie
palmaque victorie
hodie celis invexit
|
| |
Prime antiphon
|
Hec cor suum dilatavit
et ambulavit
in lege dei
ideo ascendit dealbata
acsi columba
esset immaculata
|
Terce antiphon
|
Multe filie
congregaverunt
divicias et delicias
congesserunt
tu vero universas
has es supergressa
cum hodie regis
cubiculum es ingressa
|
Sext antiphon
|
Super solis
hec radios candidior
et super stellarum
ordinem lucidior
fugatrix tenebrarum
|
Nones antiphon
|
De labore manuum
felix ista manducavit
et de sua penuria
pauperes ditavit
ideo cum angelis
regnum hereditavit
|
| |
2nd Vespers antiphon 1
|
Adest dies nove lucis
quo anne sanctissime
spiritum celis introducis
eterne rex altissime
|
2nd Vespers antiphon 2
|
Eterni regis aviam
cuncti veneremur piam
que nobis speciosam
paradisi rosam
genuit mariam
|
2nd Vespers antiphon 3
|
Mulieris huius fortitudinem
quis investigavit
que furentis holofernis
caput detruncavit
et gentis sue populum
ab hoste liberavit
|
2nd Vespers antiphon 4
|
Manum suam pauperibus
sapiens porrexit
cuius ab alto munera
altissimus respexit
nunc vere bene meritam
ad gloriam provexit
|
2nd Vespers (gospel) special antiphon
|
O oliva corde mitis
o odorifera vitis
o ditis
fons et cisterna viva
bethlemitis
extingue in nobis
pestifera
male sitis
o celi manna anna
fructifera
et insignis que gignis
visceribus dignis
fructum benedictum
omni bono meliorem
natam piam
omni rosa rosulenciorem
predulcem mariam
|
| |
Matins antiphon .a1
|
De radice iesse graditur
virga dum gignitur
ex anna virgo maria
|
Matins antiphon .a2
|
Israel convenit
deo benedicere
qui de anna voluit
sibi matrem sumere
|
Matins antiphon .a3
|
Deus super maria
qui terram fundavit
graciam pro gracia
anne cumulavit
|
full office name: