full office name: ANNA (n15)
edition: AH 25 #25
calendar:July 26
structure summary: Vespers: AE
Matins: secular
Lauds: A5E
2nd Vespers: E +
Matins: R.A3R
Lauds: A4
poetic forms: Vespers: o.g
Matins: o.o3{o,op,vg}v3{op,oh,v}ooi{o,vo,op}
Lauds: o5.o
2nd Vespers: .o
Matins: {op}vov{gv}
Lauds: vfof [”q]
notes:nun or holy woman
Places: Carmeli Saron Libani

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon
Adest iam festum celebre
quo mater matris innube
percepit vite gaudia
et regnat iam cum filia
eam laudare condecet
ut precibus nos adiuvet
Vespers (gospel) special antiphon
Felix terra pariens
celum trinitatis
in quo corporaliter
fons divinitatis
habitare voluit
reos a peccatis
solvens duc ad patriam
summe claritatis
 
Matins I
Ad iubilandum domino
toto conemur animo
qui nostre matrem domine
celi locavit culmine
Matins antiphon 1
Beatus auctor seculi
mundo dignatus compati
stirpem elegit inclitam
sumpturus carnis trabeam
Matins antiphon 2
O quam felix prosapia
quam deus ante secula
predestinavit operi
tam sacro tam mirabili
Matins antiphon 3
Beata generacio
dei condigna filio
tam nobilis progenies
est predicanda milies
Matins respons 1
Marie reverencia
monet devota pectora
eius matri dulcisonos
congeminare iubilos
Matins verse 1
Pie conentur anime
parenti beatissime
Matins respons 2
Letare mater inclita
fecunda tali filia
tu magne munus gracie
testaris ipso nomine
Matins verse 2
Diffusa est gracia in labiis tuis propterea benedixit te deus
Matins respons 3
O quam caris et preclaris
arca lignis hec insignis
est compacta celitus
urnam veram que gestavit
in qua partus se locavit
vite dei filius
Matins verse 3
O proles pulcherrima
cella paradisi
fructum vite poscimus
peccatis illisi
Matins antiphon 4
Serviamus deo nostro
cordis cum leticia
dulcis anne recolentes
festiva sollemnia
cuius prece nobis detur
vita pax et gloria
Matins antiphon 5
Quis ergo nunc de venia
fiducia carebit
cum tam mater quam filia
rem nominis implebit
Matins antiphon 6
O anna felix annue
ut festa recolentes
tue dulcis memorie
te videant gaudentes
Matins respons 4
O quam iustum atque pium
ut per sollemne studium
in omnibus ecclesiis
mater canatur virginis
Matins verse 4
Potens in terra erit semen eius generacio illius benedicetur
Matins respons 5
O nomen honorabile
huius beate femine
quod evidenter innuit
quare christus advenerit
Matins verse 5
Quando verbum caro factum est et habitavit in nobis
Matins respons 6
Funde vinum desolatis
phiala leticie
de qua nove desperatis
rivus fluit gracie
ut de regno claritatis
detur spes fiducie
Matins verse 6
Liberalis liberali
preces funde sedulas
qui paratus est largiri
satis plus quam postulas
Matins antiphon 7
Ex abrahe progenie
pontificumque genere
ex clara david linea
prodit hec sacra femina
Matins antiphon 8
Hec parit nobis filiam
quam replet adhuc positam
inter materna viscera
spiritualis gracia
Matins antiphon 9
O felix anna ditavit
te deus dote bona
beatam te dicent mulieres
quin immo quique fideles
Matins respons 7
O quantis nitet laudibus
que huius mundi fluctibus
marinum sidus ingerit
quo nauta portum invenit
Matins verse 7
Hoc sidere naufragium
devitat omne seculum
Matins respons 8
O matris summe genetrix
que tantis fulges meritis
coram summo domino
pro nobis intercedito
Matins verse 8
Ut post peccati veniam
nos transferat ad gloriam
Matins respons 9
Vere beata femina
que singulari gracia
cunctarum preit merita
matrum excepta filia
Matins verse 9
Gloria libani data est ei decor carmeli et saron
 
Lauds antiphon 1
Adiunge tibi domina
pie nate suffragia
nam ipsis comitantibus
nihil negabit dominus
Lauds antiphon 2
Est anna venerabilis
que maris stellam parturit
cuius foventur lumine
in seculi caligine
Lauds antiphon 3
Ut graciam pro gracia
obtineat ecclesia
cum prepollente filia
felix o mater impetra
Lauds antiphon 4
Magnifici tu germinis
mater implora famulis
ut gloriam possideant
quam tibi datam iubilant
Lauds antiphon 5
Partus tui cunabula
credendum est angelica
servasse ministeria
pro summi regis gloria
Lauds (gospel) special antiphon
Gaude beata genetrix
que tantum donum accipis
ut matres omnes alias
prolis honore preeas
 
2nd Vespers (gospel) special antiphon
Anna beate subolis
tantique parens germinis
que sublimaris hodie
regno perennis glorie
sacratis tuis precibus
celi nos iunge civibus
 
Matins respons .a1
Est tam benigne filie
honor gratus quam maxime
parenti quem impendimus
uti mandavit dominus
Matins verse .a1
Honorem habebis matris tue cunctis diebus vite tue
Matins antiphon .a1
Tu cisterna de bethlehem
cuius aquam sitivit
rex david in ierusalem
qui de torrente bibit
Matins antiphon .a2
Tu gloria ierusalem
que peperisti virginem
que deum dedit hominem
nature preter ordinem
Matins antiphon .a3
Annam vocatam graciam
gratanter invocemus
ut datam sibi gloriam
post graciam speremus
Matins respons .a2
In eterno speculo
previsa sed seculo
data senescenti
dulcis anna sedulo
subvenire populo
prompta sis egenti
Matins verse .a2
Tu gloria ierusalem
in gloria locata
gentes in miseria
sustolle manu data
 
Lauds antiphon .a1
Gaude mater preoptata
cui sedes in gloria
ab eterno est parata
felici memoria
Lauds antiphon .a2
Benedictam benedicat
omnis creatura
super omnes mulieres
cuius genitura
benedicta deum prodit
in nostra natura
Lauds antiphon .a3
Ad annam cuncti transeant
impleri qui desiderant
de generacionibus
que virgo fuit et filius
!Filius [alt: ?]
Lauds antiphon .a4
O anna mater nobilis
ex te desiderabilis
est orta dei genetrix
esto nobis apud christum
pia interventrix