full office name: ANNA (n13)
edition: AH 25 #23
eccles:mon
Cist?
calendar:July 26
structure summary: Vespers: RE
Matins: monastic
Lauds: AE
Hours (little hours): A4
2nd Vespers: EA
poetic forms: Vespers: {g}.g
Matins: f.vs3gv{o,gv,v,vo}g6{ol,el,os,v}.g{vs,gv,vs,ev}
Lauds: g.i
Hours (little hours): issg
2nd Vespers: .gg [”q]
notes:nun or holy woman
Persons: Ioachim
Places: Nazareth Israeli

By clicking on the icon you can search for offices within the corresponding category.

Here you find the raw text from the LMLO file

 
 
Vespers respons
De spina hebraica
de stirpe davidica
recens surgit rosa
mundo dans primordium
salutis exordium
anna generosa
Vespers verse
Mariam hec genuit
miserorum scutum
quia semper viruit
in donis virtutum
Vespers (gospel) special antiphon
Magnificent vigiles
exaltantem humiles
deum omnes gentes
ut anne precatibus
a cunctis reatibus
nostras mundet mentes
 
Matins I
In tam sacro sollemnio
matris matris dei
adoremus in gaudio
deum iubilei
Matins antiphon 1
Ex ore infancium
deus laudem perficit
per anne coniugium
satanam cum deicit
Matins antiphon 2
Hoc in sole posuit
suum tabernaculum
dum salvare voluit
deus suum populum
Matins antiphon 3
Pre suis consortibus
oleo leticie
hanc iunctam celestibus
deus unxit hodie
Matins antiphon 4
Suum tabernaculum
dominus sanctificat
anne cor dum lectulum
sibi soli dedicat
Matins antiphon 5
Magni regis civitas
anna letabunda
omnibus sterilitas
tua est fecunda
Matins antiphon 6
O beata christi ava
sordes nostras prece lava
tue nate interventu
ut locemur in conventu
beatorum omnium
Matins respons 1
Nova lux mundo oritur
fulgore grato rutilans
in gaudium plebs tollitur
novellas laudes iubilans
Matins verse 1
Ad anne natalicia
nova fulgent sollemnia
Matins respons 2
Felici origine
sacra de propagine
anna sumpsit ortum
vita huius inclita
nobis prestet merita
et salutis portum
Matins verse 2
O felix nativitas
qua paratur qua speratur
eterna felicitas
Matins respons 3
Annos anna pubertatis
dignis currens cursibus
viro paris honestatis
legis nubit ritibus
Matins verse 3
Ioachim est desponsata
purpurata et ditata
floret equis moribus
Matins respons 4
Actus vitantes obscenos
celibe coniugium
annos simul per bis denos
pio vivunt studio
Matins verse 4
Ambo denique nobiles
sed ventris fructu steriles
Matins antiphon 7
Divina iusticia
de celo prospexit
sorte multifaria
que annam protexit
Matins antiphon 8
Sanctis sunt in montibus
anne fundamenta
que semper virtutibus
virebat intenta
Matins antiphon 9
Extendit ad forcia
felix illa manum
sic in innocencia
mundum vicit vanum
Matins antiphon 10
Preceptis legalibus
tota intendebat
nec ullis erratibus
ab his recedebat
Matins antiphon 11
Viro iuncta socia
nexu coniugali
boni tamen conscia
morbo carens mali
Matins antiphon 12
Gaudeat ecclesia
anne de natali
habentis exordia
de stirpe regali
Matins respons 5
Iesu christe nepos cuius
tu es ob amorem huius
molem tergens peccatorum
regno transfer nos polorum
Matins verse 5
Fecundatos inclitis
castitatis meritis
Matins respons 6
Ex nazareth ioachim
originem produxerat
annam hanc in bethlehem
clara stirps genuerat
Matins verse 6
Ambos eque nobiles
devotos et dapsiles
Matins respons 7
Rei sue substanciam
devota consuetudine
dant partitam trifariam
vivi dei pro nomine
Matins verse 7
Partem dant egentibus
partem sacerdotibus
partem suis usibus
Matins respons 8
Horum vita fuit grata
deo in celestibus
in virtute solidata
placens in hominibus
Matins verse 8
Non indigne sed tam digne
rosa iuncta lilio
Matins (gospel) special antiphon
Mundi decus orbita
gratulans letare
celebrando inclita
festa anne clare
Matins respons 9
Angelus hos consolatur
eisdem dum nunciatur
nascituram filiam
mundo dantem graciam
angelis leticiam
trinitati gloriam
Matins verse 9
Spargit ut sol radium
pariet hec filium
vite dantem bravium
Matins respons 10
Anna tandem filiam
peperit eximiam
meror terminatur
fugatur opprobrium
cumulatur gaudium
risus frequentatur
Matins verse 10
O grata sterilitas
quam fecundat et secundat
tante prolis dignitas
Matins respons 11
Vovent ipsi si daretur
nupciarum premium
ipsum quidem offerretur
in dei servicium
Matins verse 11
Hoc tribus sollemniis
querunt sacrificiis
et piis officiis
Matins respons 12
O felix commercium
o celebs coniugium
ioachim et anne
qui de stirpe regia
natam plenam gracia
gignunt arcam manne
Matins verse 12
Felices hi gemini
deo cari mundo clari
nulli dati crimini
 
Lauds antiphon
Annam sacram induit
dominus decore
semper enim viruit
in eius amore
Lauds (gospel) special antiphon
In domo ecclesie
sol refulsit gracie
luce radiosa
anna graciosa
iesu cuius inclitis
precibus et meritis
nos ex alto visita
cuncta delens debita
 
Prime antiphon
Obstruxit deus omnium
os ioachim dicencium
maledicto
legis obnoxium
Terce antiphon
Israeli convenit
deo benedicere
qui de ipso voluit
matrem sibi sumere
Sext antiphon
Vobis sion filie
magne sunt leticie
dei pro hospicio
preparato filio
Nones antiphon
Miserendi patribus
tempus adventabat
mariam cum angelus
venturam monstrabat
que cum matre postulet
ut nos pie visitet
oriens ex alto
 
2nd Vespers (gospel) special antiphon
Abraham in semine
pepigisti domine
nos omnes salvare
anne ergo precibus
ut iurasti patribus
nostri miserere
2nd Vespers antiphon .a
Deus super omnia
qui terram fundavit
graciam pro gracia
anne cumulavit