full office name: ANNA (n11)
edition: AH 25 #21
calendar:July 26
structure summary: Vespers: A5E
Matins: secular
Lauds: A5E
2nd Vespers: E
poetic forms: Vespers: v5.v
Matins: i.ggv{op,vp,vp}v3{v,vp,vp}v3{op,vp,vp}
Lauds: vov3.v
2nd Vespers: .o [”]
geographical information:Scandinavia
notes:nun or holy woman

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Felix orbis felix hora
dum stat inter filias
anna velut lux decora
morum dans primicias
Vespers antiphon 2
Genetrici sue digne
preparat palacium
anne corpus dum insigne
creat factor omnium
Vespers antiphon 3
Quam preclarum et iucundum
est anne corpusculum
in quo deus matri mundum
prestat habitaculum
Vespers antiphon 4
Ager anne rosam florum
protulit et lilium
rosa florens en decorum
profert dei filium
Vespers antiphon 5
Mediante nobis anna
mediatrix nascitur
cuius ventre dulce manna
mundum sanans oritur
Vespers (gospel) special antiphon
Quam felici quam beata
sorte carni copulata
virginis est anima
nam per eam in materna
membra deus dat superna
gaudia permaxima
neque verbis explicata
sciri iam tunc anne data
summa consolacio
ut pax dei nobis detur
hoc sublimis operetur
anne deprecacio
 
Matins I
Mariam annam venerantes
venite iubilemus
sanctarum festa celebrantes
summum sanctum adoremus
Matins antiphon 1
Anne matrimonium
vera castitate
pre cunctis mortalium
precessit beate
Matins antiphon 2
Florens sanctimonia
iam gravis etate
plena magna gracia
ardet caritate
Matins antiphon 3
Anna plorat et implorat
dona sancti spiritus
celum rorat et irrorat
graciam divinitus
Matins respons 1
Iuste vivens et perfecte
arsit anne cor directe
divinis affectibus
ex hoc fuit preelecta
deo placens et dilecta
pre cunctis coniugibus
Matins verse 1
Facta est quasi navis institoris de longe portans panem suum
Matins respons 2
Civis missus est supernus
annam implet sempiternus
fructus sapiencie
ventris portat in secreto
dei patris ex decreto
thesaurum clemencie
Matins verse 2
Preposui illum regnis et sedibus et divicias nihil esse duxi in comparacione illius
Matins respons 3
O maria maris stella
serva carnis ne procella
nos mergat in viciis
tue matris interventu
angelorum ex concentu
letemur et premiis
Matins verse 3
Tu es mater pulchre dileccionis et agnicionis et sancte spei
Matins antiphon 4
Felix anna gustans manna
divine dulcedinis
illustratam parit natam
summe pulchritudinis
Matins antiphon 5
Quam sit cara quam preclara
casta generacio
nos informat mundum ornat
anne parturicio
Matins antiphon 6
Anna prudens et maritus
in omnis iusticia
legis sue servant ritus
lucentes in gracia
Matins respons 4
Hoc honestum atque rectum
hoc devotum ac perfectum
est in matrimoniis
castum quod servent amorem
quod se iungant in honorem
divinis serviciis
Matins verse 4
Castus amor querit prolem
non carnis lasciviam
Matins respons 5
Nubentes se iuste tenent
si de mundi se refrenent
caute desideriis
ne superba mens prorumpat
vel acerba pacem rumpat
in suis maliciis
Matins verse 5
Beatus qui tenebit et allidet parvulos suos ad petram
Matins respons 6
Apud celi cives erunt
grati si non sibi querunt
sed factori gloriam
ut per omnes honoretur
qui hoc semper promeretur
per suam clemenciam
Matins verse 6
Benedicite deum celi et coram omnibus confitemini illi
Matins antiphon 7
Ante deum anna patet
collaudando iugiter
hostis timet miser latet
ipsa stante fortiter
Matins antiphon 8
Offert foris et in templo
precum sacrificia
verbo trahit et exemplo
ad dei servicia
Matins antiphon 9
Dei ducit ad honores
plurimos ex populis
ut acceptent dignos mores
pro eternis seculis
Matins respons 7
Omnes noscens creaturas
tam presentes quam futuras
dei presciencia
non invenit ita gratum
nec virtutum comprobatum
par inter coniugia
Matins verse 7
Non est inventus similis illis qui conservaret legem excelsi
Matins respons 8
Illos deus quos prescivit
quos dotavit et vestivit
tanta precellencia
dignos inter omnes gentes
preelegit in parentes
et matris obsequia
Matins verse 8
Elegit eos ex omni carne et dedit illis cor ad precepta et legem vite
Matins respons 9
O laus grandis anne matris
nam preclarum dei patris
est gazophylacium
in quo clausit summum aurum
deitatis et thesaurum
thesaurorum optimum
Matins verse 9
Candor est enim lucis eterne et imago bonitatis illius
 
Lauds antiphon 1
Anna virens radix iesse
pullulat utiliter
nos virtutum replens messe
per mariam dulciter
Lauds antiphon 2
Annam nupte reverenter
extollant preconiis
eas iuvet ut decenter
in suis coniugiis
Lauds antiphon 3
Anne preces dum exundant
pro nuptarum venia
matres ditant et fecundant
nutriendi gracia
Lauds antiphon 4
Annam clerus veneretur
postulans suffragia
ut marie per hoc detur
magna reverencia
Lauds antiphon 5
Anna maria precibus
clerum et ecclesiam
confortent ut in omnibus
servent continenciam
Lauds (gospel) special antiphon
Nobis erat hoc necesse
quod virendo radix iesse
virgam introduceret
de qua virga flos prodiret
qui nudatos revestiret
et egros reficeret
devictoque mortis felle
deitatis sacro melle
nos sursum erigeret
hoc maria flos decorus
iesus dulcis et saporus
tua prece conferet
 
2nd Vespers (gospel) special antiphon
Mundi carnis et demonis
astuta ne malicia
nos conterat in viciis
et trahat ad supplicia
anna nobis et filia
plene virtutum gracia
salvantes a miseria
grata ferant suffragia