| |
| |
Vespers antiphon
mode: 1d |
Felix anna cella mundicie
lumen mundi vena clemencie
spes salutis porta leticie
nos divine commenda gracie
|
Vespers (gospel) special antiphon
mode: 1d |
Hec est radix anna pia
virga florens est maria
christus flos est inclitus
digna radix est honore
cuius virga tali flore
fecundatur celitus
|
| |
Matins I
mode: 4e |
Ad sancte matris
anne memoriam
omnes christo
canamus gloriam
|
Matins antiphon 1
mode: 1d |
Chori plaudant alacriter
angelorum et hominum
congratulando pariter
matri regine virginum
|
Matins antiphon 2
mode: 2d |
Pater precelse virginis
ioachim erat nomine
mater annaque nobilis
regali fulsit semine
|
Matins antiphon 3
mode: 3e |
In tres partes dividunt
sic rerum substanciam
dant templo dant pauperibus
servant sibi terciam
|
Matins respons 1
mode: 1d |
Felix anna flos hortorum
mira nitens specie
regum surgit antiquorum
ex clara progenie
Que medelam viciorum
matrem gessit gracie
|
Matins verse 1
mode: 1d |
Hec beata miserorum
succurrat inopie
|
Matins respons 2
mode: 2d |
Matronarum hec matrona
claruit in seculo
nunc in celis est patrona
pietatis titulo
Cuius partu cuncta bona
provenerunt populo
|
Matins verse 2
mode: 2d |
Anna parens esto prona
cunctis in periculo
|
Matins respons 3
mode: 3e |
Ex conceptu coniugali
anna miro ordine
radix boni finis mali
spirat uno germine
Felix que fuisti tali
impregnata virgine
|
Matins verse 3
mode: 3e |
Nos in hora fac finali
mori sine crimine
|
Matins antiphon 4
mode: 4e |
Annos quoque plurimos
ducunt in coniugio
steriles atque tristes
sub legis opprobrio
|
Matins antiphon 5
mode: 5f |
Exprobrabat hinc pontifex
ioachim quod sisteret
infecundus cum fecundis
seque eis iungeret
|
Matins antiphon 6
mode: 6c |
Ioachim ex opprobrio
de templo tristis exiit
nec ad donum vel uxorem
sed ad pastores transiit
|
Matins respons 4
mode: 4e |
Ex iudea crevit spina
hec matrona nobilis
spina tamen officina
claruit mirabilis
de qua prodiit Regina
celi venerabilis
|
Matins verse 4
mode: 4e |
Nos a fraude serpentina
salvet mater humilis
|
Matins respons 5
mode: 5f |
Quam potens esse diceris
in regno beatorum
que genetrix agnosceris
regine angelorum
Insignis quippe diceris
patrona miserorum
|
Matins verse 5
mode: 5f |
Impetra nobis miseris
veniam peccatorum
|
Matins respons 6
mode: 6c |
O quam digne veneraris
ab humano genere
que mariam mundo paris
magno dei munere
Ipsa virgo singularis
dignetur succurrere
|
Matins verse 6
mode: 6c |
Anna mater salutaris
fac nos christo vivere
|
Matins antiphon 7
mode: 7g |
Ioachim et coniugi
angelus apparuit
dolentesque nimium
dulciter compescuit
|
Matins antiphon 8
mode: 8g |
Preces vestre sunt accepte
habebitisque filiam
per quam deus magnifice
prestabit cunctis graciam
|
Matins antiphon 9
mode: 1d |
Hinc cognoscunt se mutuo
coniugali federe
et agunt laudes domino
pro concesso munere
|
Matins respons 7
mode: 7g |
Eva mater corruptele
pomi fit edulio
deformavitque sequele
lineam contagio
Anna confers spem medele
sacro puerperio
|
Matins verse 7
mode: 7g |
Esto memor clientele
huius in exilio
|
Matins respons 8
mode: 8g |
Anna mater matris christi
nos pie considera
que marie meruisti
propinare ubera
Ecce felix ascendisti
super cuncta sidera
|
Matins verse 8
mode: 8g |
Tu in hora mortis tristi
nos ab hoste libera
|
Matins respons 9
mode: 1d |
Beata virgo virginum
matris tue precibus
remissionem criminum
procura supplicibus
Et fac post vite terminum
letos in celestibus
|
Matins verse 9
mode: 1d |
Succurre penes dominum
cunctis assistentibus
|
| |
Lauds antiphon 1
mode: 1d |
Omnis sanctorum concio
matrem collaudet virginis
de cuius puerperio
salus processit hominis
|
Lauds antiphon 2
mode: 2d |
Hec prolem devotissime
petit a patre luminum
et meruit dignissime
mariam decus virginum
|
Lauds antiphon 3
mode: 3e |
Ex ioachim quem habuit
vite virum eximium
anna mariam genuit
matrem regis iusticie
|
Lauds antiphon 4
mode: 4e |
Stirps iesse clara deluit
eve matris opprobrium
dum anna prolem genuit
florem sanctorum omnium
|
Lauds antiphon 5
mode: 5f |
Anna floret ut lilium
in summi regis curia
thronum adepta regium
cum immortali gloria
|
Lauds (gospel) special antiphon
mode: 6c |
Anna stellam matutinam
magni maris et reginam
peperit clemencie
cum qua vere iucundatur
quia deum contemplatur
revelata facie
Regis [alt: v maris]
|
| |
2nd Vespers (gospel) special antiphon
mode: 7g |
Anna florem
portavit gracie
flos odorem
spirat mundicie
alme preces
matris et filie
nos conducant
eterne glorie
|
full office name: