| |
| |
Vespers antiphon 1
|
Novum sidus iubare
radians divino
regine celi genetrix
a seraphim camino
ignem venit mittere
in terram gelidorum
sedentibus in tenebris
lumen et viam morum
|
Vespers antiphon 2
|
Anna de prosapia
regum oriunda
tres in christo ducens viros
per quos fit fecunda
tres filias genuit
mundo letabunda
|
Vespers antiphon 3
|
Senescentis seculi
luxus aspernata
fit typus maris enei
moribus ornata
sanctitatis indoli
studens illibata
|
Vespers antiphon 4
|
Numquam cum ludentibus
tocius honestatis
speculum se miscuit
sed formam bonitatis
sancta anna se prebuit
et normam pietatis
|
Vespers W 1
|
Virga iesse protulit
germen vere vite
dum anna nobis genuit
mariam matrem rite
|
Vespers (gospel) special antiphon
|
Felix terra pariens
celum trinitatis
in quo corporaliter
fons divinitatis
habitare voluit
reos a peccatis
solvens duc ad patriam
summe claritatis
|
| |
Matins I
|
Sion sancta iucundare
laudum in preconiis
annam sanctam venerare
largam patrociniis
|
Matins antiphon 1
|
Annam vocatam graciam
gratanter invocemus
ut datam sibi gloriam
post graciam speremus
|
Matins antiphon 2
|
Nam meritis et precibus
dat avie dilecte
rex christus nate filius
quidquid optatur recte
|
Matins antiphon 3
|
Hinc nascitur de gracia
vas iuste plenum gracia
pro cuius abundancia
mensuram transit copia
|
Matins respons 1
|
Gloriosa de te dicta
scimus radix benedicta
radix illustrissima
radix iesse qua inflicta
finem habent maledicta
pro culpa primaria
|
Matins verse 1
|
Ex te consurgens virgula
dei per virtutem
in flore fructum protulit
cunctis in salutem
|
Matins respons 2
|
Hec est celum in qua stella
ortum duxit quem pagella
predixit mosaica
que servata a procella
merces servat et in cella
reponit vinatica
|
Matins verse 2
|
Ora mater filiam
summe benedictam
ut ducat in patriam
plebem hic afflictam
|
Matins respons 3
|
O quam caris et preclaris
arca lignis et insignis
est compacta celitus
urnam veram que gestavit
in qua panis se locavit
vite dei filius
|
Matins verse 3
|
O proles pulcherrimi
cella paradisi
fructum vite poscimus
peccatis illisi
|
Matins antiphon 4
|
Quis ergo nunc de venia
fiducia carebit
cum tam mater quam filia
rem nominis implebit
Quis ergo vivens de venia
[alt: v]
|
Matins antiphon 5
|
Accedat reus propere
non deserens olivam
que novum fructum gracie
produxit in spem vivam
|
Matins antiphon 6
|
Ad rivum unde fluvius
ortum produxit maximus
eterni fontis cupidus
currat miser intrepidus
|
Matins respons 4
|
Quis condigne turturis
matrem collaudabit
cuius vox in superis
audita vocavit
in consortem miseris
deum qui sanavit
vulnus culpe veteris
et vitam donavit
|
Matins verse 4
|
Benedictus filius
anne qui de filia
nobis nasci voluit
|
Matins respons 5
|
Felix mater que figuris
tot et tantis in scripturis
presignata legitur
utero de cuius curis
observatis in obscuris
lux egressa creditur
|
Matins verse 5
|
Sedentes in tenebris
vallis huius misere
lucis lucem gerula
fac videre prospere
|
Matins respons 6
|
Funde vinum desolatis
phiala leticie
de qua nove desperatis
rivus fluxit gracie
ut de regno claritatis
detur spes fiducie
|
Matins verse 6
|
Liberalis liberali
preces funde sedulas
qui paratus est largiri
satis plus quam postulas
|
Matins antiphon 7
|
Anna felix annue
ut festa recolentes
tue dulcis memorie
te videant gaudentes
|
Matins antiphon 8
|
Tu cisterna de bethlehem
cuius aquam sitivit
rex david in ierusalem
qui de torrente bibit
|
Matins antiphon 9
|
Tu gloria ierusalem
que peperisti virginem
que deum dedit hominem
nature preter ordinem
|
Matins respons 7
|
Gaude felix
radix davidica
de qua nata
stirps est balsamica
in qua virga
crevit mirifica
que fructum tulit virtute celica
|
Matins verse 7
|
Invocemus filiam
gracie quam gracia
fons implevit gracie
gratis donans omnia
|
Matins respons 8
|
In eterno speculo
previsa sed seculo
data senescenti
dulcis anna sedulo
subvenire populo
prompta sis egenti
|
Matins verse 8
|
Tu gloria ierusalem
in gloria locata
degentes in miseria
sustolle manu data
|
Matins respons 9
|
Esther nostra non innixa
duabus puellulis
super suum sed innixa
dilectum et cellulis
meritorum iam transcensis
regis gestans insignia
dispensatrix pro expensis
cunctis ipsam poscentibus
largitur patrocinia
|
Matins verse 9
|
Cecis visus reformatur
eius beneficiis
claudis gressus restauratur
vita datur mortuis
|
| |
Lauds antiphon 1
|
Gaude mater preoptata
cui sedes in gloria
ab eterno est parata
felici memoria
|
Lauds antiphon 2
|
Serviamus deo nostro
cordis cum leticia
dulcis anne recolentes
festiva sollemnia
|
Lauds antiphon 3
|
Ad te lucem increatam
nostra sitit anima
claritatem ut optatam
nobis cum dulcissima
dones anna vitis ubi
crescit optatissima
|
Lauds antiphon 4
|
Benedictam benedicat
omnis creatura
super omnes mulieres
cuius genitura
benedicta deum prodit
in nostra natura
|
Lauds antiphon 5
|
Novum canamus canticum
laudantes regem dominum
concordi melodia
omnes cuius in aspectu
supernorum cum conventu
mater regnat cum filia
|
Lauds (gospel) special antiphon
|
Benedictus sit dominus
qui quod per os antiquitus
promisit sanctorum
plene persolvit homini
ad laudem suo nomini
erigens sonorum
cornu david in genere
quo sempiterno federe
coniuncti simus dextere
regis angelorum
|
| |
Prime antiphon
|
Ad ortum lucis dominum
oportet adorare
annam lucis vehiculum
qui lucem iam intrare
fecit a quo principium
hoc sumpsit luminare
|
Terce antiphon
|
Adesto sancte spiritus
te nobis invocantibus
ob anne precem piam
ut igne tui radii
succensi leti stadii
huius curramus viam
|
Sext antiphon
|
Qui matutinum splendidum
meridiem et igneum
facis lucis creator
extingue flammas licium
per anne grate meritum
nobisque sis salvator
!Licium [alt: ?]
|
Nones antiphon
|
Qui sine motu stabilis
mensuras motus temporis
manans semper immotus
fac avie laudabilis
ut meritis sit fragilis
sexus tibi devotus
|
| |
2nd Vespers antiphon 1
|
Laudes deo decantemus
hac die leticie
iucundanti conformemus
celi nos milicie
et beatam predicemus
rivum dantem gracie
|
2nd Vespers antiphon 2
|
Exaltare dignum duxit
deus hanc veraciter
fontem vivum que produxit
redundantem largiter
quem influxit et effluxit
verbum mirabiliter
|
2nd Vespers antiphon 3
|
Hec est anna deo plena
ex qua nobis oritur
venie et vite vena
per quam nunc reficitur
cuiuscumque mens serena
quo sitita queritur
|
2nd Vespers antiphon 4
|
O terra vere beata
fructus almus quem dedisti
saciet nos in patria
dulcedine iesu christi
|
2nd Vespers antiphon 5
|
Ad te mater leticie
confugimus securi
tolle causam tristicie
dans boni spem futuri
|
2nd Vespers respons
|
Lauda mater et exulta
fidelis ecclesia
dies hec est qua exculta
super solem filia
transit anna grata fulta
dilecti presencia
|
2nd Vespers verse
|
Insistentes anne laudi
iesu dulcis nos exaudi
nos exclusos patria
|
2nd Vespers (gospel) special antiphon
|
Magnificemus cantico
marie genetricem
in carmine magnifico
ut nos per adiutricem
precem matris et filie
dator coronet glorie
post graciam victricem
|
| |
Compline (gospel) special antiphon
|
Nunc dimitte iesu care
servis lapsus criminum
qui te verum salutare
precantur et dominum
et cum anna te laudare
detur preter terminum
|
| |
Matins I .a1
|
Devoto corde
christo iubilemus et ore
annam qui sanctam
celi transvexit ad arcem
|
Matins I .a2
|
Iubilando repellamus
soporis ignaviam
annam ut devote christi
collaudemus aviam
|
Matins respons .a1
|
Avia sancta dei
stirps iesse locum requiei
quem possedisti
quod prestet gracia christi
obtineas genti
te puro corde colenti
|
Matins respons .a2
|
O mater nostra
ter sancta quaterque beata
cum prece devota
famulantum suscipe vota
iam christo iuncta
nato+que suo sociata
|
Matins respons .a3
|
Eia vite vere principium
concede lapsis precis auxilium
ut ad vere vite solsticium
attrahi mereamur per nate filium
|
Matins verse .a3
|
Ad te tristes exules
eve clamant filii
quos deterrent demones
et labor exilii
|
| |
Lauds antiphon .a1
|
Sanctam annam induit
dominus decore
et sedem eius posuit
in gloria et honore
|
Lauds antiphon .a2
|
Leta atque iubilans
hec sancta introivit
domum quam desiderans
in terra concupivit
|
Lauds antiphon .a3
|
Pregustavit domine
de rivo sed sitivit
nunc pleno fruens flumine
de torrente bibit
|
Lauds antiphon .a4
|
Fratres benedicite
huic sancte matrone
consortes ut efficiat
eterne nos corone
|
Lauds antiphon .a5
|
In excelso solio
dominum de celis
laudemus de suffragio
patrone fidelis
|
| |
2nd Vespers (gospel) special antiphon .a1
|
O plena dies gaudio
in qua de mundi medio
matris christi armarium
anna spes turbe pauperum
gaudium nepotis intravit
nunc pleno plaudit iubilo
nunc claro videt oculo
lumen indeficiens
iesum summe reficiens
quem gremio gestavit
|
full office name: