| |
| |
Vespers antiphon 1
|
Gaudeat ecclesia
chorique leucorum
dum resplendet gloria
pastorum suorum
|
Vespers antiphon 2
|
Mansuetum nobilem
qui leucam curavit
post decessum flebilem
ammon tumulavit
|
Vespers antiphon 3
|
Hic prefato presuli
quasi pro mercede
ex consensu populi
successit in sede
|
Vespers antiphon 4
|
Digne preeligitur
ammon in pastorem
qui moribus sequitur
sanctum precessorem
|
Vespers antiphon 5
|
Vitam eremiticam
in silvis agebat
fidemque catholicam
pie confovebat
|
Vespers respons
|
Felix hec ecclesia
crevit in honore
dum ammonis gracia
virtutum dulcore
refulsit cum gloria
viteque decore
|
Vespers verse
|
Nova nobis gaudia
reducit memoria
de tali pastore
|
Vespers (gospel) special antiphon
|
Ave gemma sacerdotum
tullensis ecclesie
ammon gerens corde votum
ex influxu gracie
quidquid eras deo totum
offerens cottidie
cibum celi vite potum
conferens familie
per te cetum hunc promotum
duc ad regna glorie
|
| |
Compline (gospel) special antiphon
|
Dum sanctus ammon prefuit
leucanis luce claruit
mirande sanctitatis
cuius virtutum premia
mira probant subsidia
diffuse pietatis
|
| |
Matins I
|
Regi regum preconia
laudis digne reddantur
dum ammonis sollemnia
devote celebrantur
|
Matins antiphon 1
|
Ammon legem domini
studuit attente
sacro vacans ordini
domino favente
|
Matins antiphon 2
|
Super sion verticem
rector constitutus
nullum legis apicem
solvit vir beatus
|
Matins antiphon 3
|
Invasum hostiliter
dominus suscepit
cuius vocem dulciter
audiens excepit
|
Matins respons 1
|
Laus honor virtus gloria
sit regi seculorum
dum virtutum insignia
pontificum suorum
hec recolit ecclesia
concentu gaudiorum
|
Matins verse 1
|
Ex his ammon cum gloria
transiit ad celestia
virtute meritorum
|
Matins respons 2
|
Fidei sparso semine
per verbum mansueti
leucani sacro flamine
suscepto fiunt leti
novoque plaudunt carmine
tali dono repleti
|
Matins verse 2
|
Huic ammon sine crimine
successit in regimine
certaminis expleti
|
Matins respons 3
|
Postquam urbem tullensium
domino conquisivit
atque turbam fidelium
dulciter enutrivit
presul ad celi bravium
mansuetus transivit
|
Matins verse 3
|
Hunc pium patrem omnium
ammon agens officium
condigne sepelivit
|
Matins antiphon 4
|
Hunc sanctum mirifice
dominus honorat
quem virtutis celice
splendore decorat
|
Matins antiphon 5
|
Clamor intelligitur
huius presidentis
dum deo porrigitur
voto pie mentis
|
Matins antiphon 6
|
Hic honoris gloria
digne coronatur
per quem laudis hostia
nova immolatur
|
Matins respons 4
|
Dum ammon preeligitur
ad regimen pastoris
non in vanum erigitur
blandicia favoris
sed humilior redditur
sacri dono timoris
|
Matins verse 4
|
Ille felix astruitur
rector qui non extollitur
propter culmen honoris
|
Matins respons 5
|
Ammonem dei famulum
qui spreto mundi vicio
ad eremum perrexit
dignum est leuce populum
laudare cum tripudio
quem dominus dilexit
|
Matins verse 5
|
Ad matris dei titulum
in silvis grandi studio
basilicam erexit
|
Matins respons 6
|
Pastor labem hereticam
cernens ortam in gregibus
cure sue commissis
per fraudem diabolicam
erroris novitatibus
simplicibus immissis
|
Matins verse 6
|
Per veritatem celicam
reduxit lumen mentibus
erroribus dimissis
|
Matins antiphon 7
|
Iusti ferens titulum
ammon obdormivit
celi tabernaculum
mundus introivit
|
Matins antiphon 8
|
Cordis desiderium
obtinet beatus
super regni solium
presul coronatus
|
Matins antiphon 9
|
Nos ad montem glorie
ducat per ammonem
qui dat iusto gracie
benediccionem
|
Matins respons 7
|
Ammon leuce pontifex inclitus
cuius fuit quam felix exitus
in capella petri repositus
precessoris est tumba conditus
|
Matins verse 7
|
Per hermannum hic translatus
cathedrali fuit datus
|
Matins respons 8
|
Post vite sancte terminum
quam potens apud dominum
sit clare comprobatur
per curam egritudinum
lepre febris et luminum
que per eum donatur
|
Matins verse 8
|
Hic a filiis hominum
concordi sono carminum
merito commendatur
|
Matins respons 9
|
De facultate propria
reges hunc cum principibus
cum magna reverencia
coluerunt muneribus
ut christus ad celestia
nos ducat suis precibus
|
Matins verse 9
|
Preclari cum leticia
devotisque concentibus
pontificis magnalia
laudemus votis omnibus
|
| |
Lauds antiphon 1
|
Sanctus hic amabilis
ammon mundo splenduit
decorem indutus
presul venerabilis
regnum mundi respuit
dominum secutus
|
Lauds antiphon 2
|
Orans cum leticia
pro salute populi
deo iubilabat
manens in iusticia
in seculum seculi
dominum laudabat
|
Lauds antiphon 3
|
Corde deum siciens
fontem vite sapiens
deo vigilavit
vir beatus dominum
timens labem criminum
parendo vitavit
|
Lauds antiphon 4
|
Gratam simul omnia
deo reddant encia
benediccionem
qui iam a terrestribus
sursum cum principibus
extulit ammonem
|
Lauds antiphon 5
|
Sacre laudis hostiam
reddant cum harmonia
cuncta creatori
qui iam celi gloriam
induto iusticia
contulit pastori
|
Lauds (gospel) special antiphon
|
Felix ammon ave
pastor bone gemma leucorum
solve iugum grave
labemque munda viciorum
per iter suave
duc nos ad regna celorum
|
| |
Terce respons
|
Leuce felix ecclesia
honoris in fastigio
excrevit et in bonis
dum mira fulsit gracia
claroque vita radio
pontificis ammonis
|
Terce verse
|
Nobis accrescunt gaudia
pro sue hunc sollemnio
commemoracionis
|
| |
2nd Vespers (gospel) special antiphon
|
O pastor egregie
leucorum civium
tullensis ecclesie
nobile depositum
ammon vir preclare
ora regem glorie
matris alme filium
ut celestis patrie
regnum nobis inclitum
dignetur prestare
|
full office name: