| |
| |
Vespers respons
|
O sardonyx candide
carnalitatis desercione
castitatis amplexione
rubicunde proximi
dileccione
nominis peroptimi
voce gloriaris
|
Vespers verse
|
Amatus es nominatus
et a cunctis prelaudatus
|
Vespers (gospel) special antiphon
|
Gaudeat plebs orthodoxa
sine labe sine noxa
iucundetur clerus totus
et nunc deo sit devotus
amati festalia
celebret ecclesia
concinat cum melodia
melos clarum alleluia
|
| |
Matins I
|
Iubilemus vigiles
fortes senes debiles
et amatum presulem
laudemus et humilem
|
Matins antiphon 1
|
Ex nobili stirpe natus
hic noster presul amatus
deo puer est oblatus
a patre qui voverat
|
Matins antiphon 2
|
Agaunensis cenobii
ad honorem mauricii
ducis factus est monachus
sub benedicti regula
|
Matins antiphon 3
|
Davidicis et aliis libris sacris vigiliis
virtutibus eximiis
puer sacer imbuitur
et plus semper perficitur
|
Matins respons 1
|
Prima sua iuventute
pollens amatus virtute
eremum concupivit
montem solus arcessivit
ioannem imitando
|
Matins verse 1
|
Sprevit mundi consorcia
puer sine malicia
|
Matins respons 2
|
Ab abbate requisitus
ut cum grege revertatur
armis dei est munitus
nec credit blandiciis
|
Matins verse 2
|
Deo servire cupiens
et iugum leve subiens
discedere recusavit
|
Matins respons 3
|
Tunc pro victu sibi soli
ut acquirat viam poli
panem cum lympha postulat
in triduo ministrari
|
Matins verse 3
|
Cum his cibis utebatur
spiritus iucundabatur
|
Matins antiphon 4
|
Cum fatigatum videret
et quod sudorem preberet
nuncius qui cibum portat
compaciendo labori
atque nuncii sudori
preces fudit domino
|
Matins antiphon 5
|
Ut moyses sanctus undas
prece fecit fundi mundas
de petra durissima
sic amati prece pura
de petra percussa dura
manat aque copia
|
Matins antiphon 6
|
Tugurium construitur
minor mensura scinditur
trabs que quando mensuratur
prece sancti prolongatur
|
Matins respons 4
|
Saxum quodam mobile
aspectu terribile
iussu sancti fit stabile
quod ruere iam ceperat
|
Matins verse 4
|
A domino factum est istud et est mirabile in oculis nostris
|
Matins respons 5
|
Quadrageno ieiunio
quo maior sit affliccio
sex nucleis utebatur
dieque contentatur
|
Matins verse 5
|
Ieiunando et orando
continue laborando
corpus suum macerabat
|
Matins respons 6
|
Molam quandam revolvebat
sic ocium repellebat
nudis plantis ambulans
crucem corde baiulans
martyr erat voluntate
et vivens in puritate
mundum vicit caritate
|
Matins verse 6
|
Vincenti dabo edere
de ligno vite
|
Matins antiphon 7
|
Sedunensis regionis
vir magne religionis
aurum preses obtulit
quod recusavit amatus
postea factus prelatus
et repertum abiecit
|
Matins antiphon 8
|
Ab abbate luxovii
visitatus cenobii
consolatur humiliter
cum quo pergit luxovium
ubi claruit nimium
huius sancti commercium
|
Matins antiphon 9
|
Loco sacro deo deserviens
et preceptis legis obediens
presul factus sedunensis
sit nostri scutum et ensis
|
Matins respons 7
|
Theodoricus francorum
rex suasione malorum
exilio deputavit
innocentem presulem
vir mire constancie
atque magne prudencie
sustinuit viriliter
iussum factum crudeliter
|
Matins verse 7
|
Beati qui persecucionem paciuntur propter iusticiam
|
Matins respons 8
|
Virtutes et prodigia
fecit multis utilia
atque multa miracula
que scripta sunt matricula
ne pereat memoria
|
Matins verse 8
|
Gloriam et honorem imposuisti super eum
|
Matins respons 9
|
Dum amatus regi producitur
matris dei templum progreditur
et dum per hunc cappa exuitur
oracio per ipsum funditur
iubar celi desuper claruit
camerace plus quam sol micuit
|
Matins verse 9
|
Et sic patuit sanctitas
primitus abscondita
sic claruit civitas
super montem posita
|
Matins respons 10
|
Auriville basilica
sepultus est mirifice
laudes sibi cantantibus
choris atque fundantibus
ecclesias multiplices
in quibus psalmos supplices
sibi cantant cottidie
cantu magne melodie
|
Matins verse 10
|
Erit eius
sepulchrum gloriosum
cuius est opus
domino graciosum
|
| |
Lauds antiphon 1
|
Amatus hic nominatus
eremita deo datus
supra celos est translatus
|
Lauds antiphon 2
|
Signo crucis est munitus
inimici pravus ritus
per ipsum repellitur
|
Lauds antiphon 3
|
Ab obsessis corporibus
dum imperat demonibus
ipsos fugat miraculo
|
Lauds antiphon 4
|
Ab angelis visitatur
vivens solus comprobatur
signis mirabilibus
|
Lauds antiphon 5
|
Tanta erat eius potencia
quod voce sua sedula
nullus demonum ad hunc accedere
ausus erat vel ipsum tangere
|
Lauds (gospel) special antiphon
|
O antistes gloriose
pastor gregis speciose
ac in prole generose
intercessor esse velis
pro plebe tibi commissa
clamante voce emissa
|
| |
2nd Vespers antiphon 1
|
Arbor decora nobilis
fructum profert ut utilis
de quo gaudet neapolis
|
2nd Vespers antiphon 2
|
Ramus inde protelatur
in agauno monachatur
flos redolet sociis
|
2nd Vespers antiphon 3
|
Huius floris est amatus
granum domino donatus
monachus abbas prelatus
sedunensis post vocatus
|
2nd Vespers antiphon 4
|
Cuius grani refeccio
fuit doctrine leccio
et mira paciencia
|
2nd Vespers antiphon 5
|
Auriville gaudeat concio
huius sancti fruens solacio
per quem crevit ibi devocio
|
2nd Vespers (gospel) special antiphon
|
Dum catena ferrea
cingit lumbos carnea
domatur superbia
et exemplis sue vite
multos docet et perite
rexit gregem dominicum
iuxta verbum propheticum
|
full office name: