| |
| |
Vespers (gospel) special antiphon
|
Magnificet ecclesia
amandi prodigia
de quo celi curia
gaudet cum leticia
|
| |
Matins antiphon 1
|
Beatus amandus in viis
peccatorum non adfuit
sed vivere in eremo
secus viennam voluit
|
Matins antiphon 2
|
Pastores obstupuerunt
dum amandum invenerunt
inter rupes habitare
in eremo sine lare
|
Matins antiphon 3
|
Presuli lemovicensi
roricio retulerunt
qualiter sanctum amandum
in eremo invenerunt
|
Matins respons 1
|
Locus ubi conversatur
commodoliacus vocatur
inter rupes positus
iuxta vienne litus
|
Matins respons 2
|
Roricus cellam ibi
precepit edificari
in qua beatus amandus
posset deum venerari
et vivere corde mundo
segregatus ab hoc mundo
|
Matins respons 3
|
Vir amandus eremita
tentabatur in hac vita
ut deum respueret
et idola coleret
|
Matins antiphon 4
|
Cum amandus invocaret
ut demonem captivaret
iesum christum quem quesivit
ipsum statim exaudivit
|
Matins antiphon 5
|
Celle portam propulsavit
iunianus et clamavit
percipe sancte amande
verba mea et intende
|
Matins antiphon 6
|
Ego vocor iunianus
verus dei christianus
qui destruo pugnatorem
inimicum et ultorem
|
Matins respons 4
|
Cumque sanctum iunianum
vir amandus recepisset
et ipsum in fide nostra
firmiter edocuisset
tandem spiritum amandus
redemptori reddidit
cuius corpus sepulture
iunianus tradidit
|
Matins respons 5
|
Hugo abbas cluniaci
commodoliacum petens
et ibi sancti amandi
vitam beatam audiens
statim esse construendam
basilicam disposuit
ubi beatus amandus
suam cellulam habuit
|
Matins respons 6
|
Canonicis supradictis
recedens hugo predixit
in cella sancti amandi
in qua ipse diu vixit
esse brevi ecclesiam
in eiusdem memoriam
|
Matins antiphon 7
|
Cum ad commodoliacum
prefatus abbas revenit
nec aliquid de capella
esse factum adinvenit
|
Matins antiphon 8
|
Tunc canonicus ramnulphus
promisit amandi corpus
in eius cella querere
et capellam construere
|
Matins antiphon 9
|
Antequam corpus quereret
triduum hic ieiunavit
et in sancti iuniani
altari missam cantavit
|
Matins respons 7
|
Petrus levita physicus
ramnulphi concanonicus
febris flamma cruciatus
super arbore dormiit
et a somno excitatus
sanus factus abiit
|
Matins respons 8
|
In tumuli apercione
et corporis invencione
ex membris sancti amandi
confessoris venerandi
tantus odor emanavit
quod omnes vere languentes
ad sepulchrum confluentes
sospitati restauravit
|
| |
Lauds antiphon 1
|
Amandus est nominatus
amans deum et amatus
per populum quem docuit
et a christo quem coluit
|
Lauds antiphon 2
|
In lapide qui est christus
fundaverat fidem suam
et in eo semper vixit
et finivit vitam suam
|
Lauds antiphon 3
|
Dum amandus ab hoc mundo
feliciter expiravit
eius corpus iunianus
iuxta petram tumulavit
|
Lauds antiphon 4
|
Beati corpus amandi
et eius reliquie
sunt invente per ramnulphum
die quarte ferie
|
Lauds antiphon 5
|
In celis est elevatus
amandus et laureatus
a christo cuius amore
nitido vixit corpore
|
Lauds (gospel) special antiphon
|
Hodie canonicorum
devocio ac sancte manus
sanctum corpus invenerunt
amandi et transtulerunt
iuxta thecam in qua iacet
sanctissimus iunianus
|
| |
2nd Vespers (gospel) special antiphon
|
In loco in quo beatus
amandus erat humatus
facta est ecclesia
per cuius suffragia
datur ibi cecis visus
et redditur mestis risus
languentibus sanitas
et claudis stabilitas
dementibus racio
et multis locucio
|
full office name: