full office name: ALTO (n1)
edition: AH 13 #8
eccles:mon
OSB
calendar:February 09
structure summary: Vespers: A
Matins: monastic
Lauds: A5E
Prime: A
2nd Vespers: E
poetic forms: Vespers: l
Matins: l.l6{o4}l6{io,o,o,o}.o{o,io,ol,oh}
Lauds: o5.$
Prime: e
2nd Vespers: .$ [”q]
type of saint: abbot confessor
geographical information:Altomunster, Germany
notes:abbot or abbess
confessor
Persons: Alto Bonifacius Altoni Salomonis
Places: Scoticis Scotus Germanie Maguntinus

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon
Dux deus et alto
te dilexit sacer alto
in toto corde
quem salvasti sine sorde
sordibus infectos
fac nos huius prece rectos
 
Matins I
Alto salutari
iubilo facias meditari
nos christo dare
studiosius evigilare
Matins antiphon 1
Lege dei gratus
fuit alto mente probatus
fructiferum lignum
deus ornavit sibi dignum
Matins antiphon 2
Iam tibi rex christe
servivit in omnibus iste
noxia solvisti
quem celo constituisti
Matins antiphon 3
Voce dei tractus
perfectos induit actus
nunc exaudivit
in monte dei modo vivit
Matins antiphon 4
Lumen signatum
super hunc est multiplicatum
noluit irasci
sed iusticie dape pasci
Matins antiphon 5
Iam benedixisti
cuius mentem tetigisti
estque coronatus
celesti lumine gratus
Matins antiphon 6
Gloria cum flore
fuit alto iam sub honore
constat fundatus
in celo magnificatus
Matins respons 1
Virtutum clarus ab alto
regis natus fuit alto
ut fertur a patriotis
est certum scoticis totis
Matins verse 1
Iam puer transcendens viles
sibi metas pueriles
Matins respons 2
Hic facta puerilia
mutans per bona milia
sic factus decus etatis
est cum flore pietatis
Matins verse 2
Ecclesiam frequentabat
deum precibus placabat
Matins respons 3
Prudens erat in patria
egenis dans cibaria
arcebat a se sordida
que captant corda arida
Matins verse 3
Magnificus et preclarus
et numquam fuit amarus
Matins respons 4
Primordiis vite clarus
fuit iste deo carus
dulcis erat lux patrie
nunc fulgens donis sophie
Matins verse 4
Precibus nobis det vitam
semper omnibus cupitam
Matins antiphon 7
Glorificat mentem
sancte dominum sicientem
corde suo vera
loquitur damnando severa
Matins antiphon 8
Iste coronari
cupit in virtute beari
quem deus ardenter
vocat exultat vehementer
Matins antiphon 9
Arte dei tractus
fit in omnibus omnia factus
corde suo mundo
dominum placat sitibundo
Matins antiphon 10
Laude bona fultus
prece summa gaudet adultus
lenis mansuetus
est pauper ad omnia letus
Matins antiphon 11
Electus gratus
assumptus ad ethra beatus
in virtute bona
captat celestia dona
Matins antiphon 12
Cedrus plantata
sed in altum multiplicata
nunc det florere
prece nos christoque placere
Matins respons 5
Sanctus alto scotus genere
promeruit christo placere
nos eius fulti precibus
fugiamus a sordibus
Matins verse 5
Boni sexus et etates
concurrunt dant modo grates
Matins respons 6
Pater iste christo carus
dilectus et hominibus
dulcem reliquit patriam
apprehendens theoriam
Matins verse 6
Adiit per visionem
germanie regionem
Matins respons 7
Quandam silvam est ingressus
a rege datur accessus
utiliter extirpavit
et christo sic militavit
Matins verse 7
Manuum pastus labore
in dei vixit amore
Matins respons 8
Habita ut hic somnia
pro christo sprevit omnia
et statuit sequi ipsum
istum fugiebat mundum
Matins verse 8
Ergo multis adunatis
domino servivit gratis
Matins (gospel) special antiphon
Sapiencia potatus
iusticia est cibatus
et post aurum non abiit
celestia dona quesivit
Matins respons 9
Post ecclesiam construxit
et sanctos viros adduxit
cum quibus servivit christo
dum mundo vixit in isto
Matins verse 9
Sanctum celebrantes cursum
ut possent vivere sursum
Matins respons 10
Presul magnus maguntinus
inclitus bonifacius
per visionem fuit admonitus
ecclesiam consecravit letus
Matins verse 10
Multitudo plausum fecit
cum sanctus cuncta peregit
Matins respons 11
Post hec mirificus alto
devotus fulsit ab alto
sic omnibus manens gratus
per christum magnificatus
Matins verse 11
Claruit insignibus
signis et virtutibus
Matins respons 12
Plasmator deus cunctorum
donavit altoni sensum
veritatis quo armatus
viceret hostem severum
pro nobis
oret per longa dierum
Matins verse 12
Suavis est dominus beatus vir qui sperat in eo
 
Lauds antiphon 1
Magnus dominus in alto
cui servivit hic alto
compescens marinos fluctus
tenendo anime fructus
Lauds antiphon 2
Serviens in leticia
cui aderat mundicia
ardens et lucens lucerna
gaudet gloria superna
Lauds antiphon 3
Matutinis meditatus
in christo fuit sacratus
iam letatur in anima
per seculorum secula
Lauds antiphon 4
Benedicatur dominus
in tribus pueris trinus
qui hunc secum collocavit
atque iustis sociavit
Lauds antiphon 5
Gaudet israel in sion
super aurum et topazion
hymnizant celi celorum
et alto civis eorum
Lauds (gospel) special antiphon
Salute visitari nos ab alto
suis precibus iuvet pius alto
quia pressi variis criminibus
absolvi mereamur ab omnibus
et perfrui celestibus
 
Prime antiphon
Alto dei sancte
nostri dilecte patrone
respice devotos
nos tibimet famulos
utque magis prompti
tibi possimus famulari
ora pro nobis
confer opem miseris
 
2nd Vespers (gospel) special antiphon
Athleta dei inclitus alto
virtutibus cornatus ab alto
unus erat ex israel fortibus
lectum salomonis ambientibus
ense fortiter accinctus dei verbi
faciat nos calcare actus superbi