| |
| |
Vespers antiphon 1
|
O mater ecclesia
felix et fecunda
altmanni preconia
prome letabunda
|
Vespers antiphon 2
|
Iugum sanctum teneris
deo disponente
portavit in umeris
leta quidem mente
|
Vespers antiphon 3
|
Minorat pre ceteris
se sacer altmannus
ut iungat hunc superis
iubileus annus
|
Vespers antiphon 4
|
Ab hac valle lacrimarum
iesu christi gracia
scandit gradus graciarum
ad poli fastigia
|
Vespers respons
|
Amictus est gemino
amore hic pontifex
in cocco bis tincto
conformans se domino
virtuosus opifex
intexto hyacintho
|
Vespers verse
|
Huic pugnanti stadio
cessit hostis gladio
salutis accincto
|
Vespers (gospel) special antiphon
|
Gaude felix patavia
de saxonum prosapia
pulchre laureata
chotwicensis ecclesia
de altmanni presencia
letare ditata
gratularis merito
tantoque deposito
digna collaudaris
|
| |
Matins I
|
Adoremus christum regem
salvatorem inopum
dantem suum super gregem
altmannum episcopum
|
Matins antiphon 1
|
Altmannus consilia
sprevit impiorum
vias cum leticia
currens antiquorum
|
Matins antiphon 2
|
Contra pium impie
impii cur fremunt
barathri quem bestie
nunc et semper tremunt
|
Matins antiphon 3
|
Invocat iusticie
presul iste deum
in nexu mesticie
qui dilatat eum
|
Matins antiphon 4
|
Verba huius percipis
et voces clamorum
dum per eum diripis
castra forciorum
|
Matins antiphon 5
|
Honore et gloria
hunc deus coronas
huic cum super omnia
potestatem donas
|
Matins antiphon 6
|
Confidens in domino
pontifex sacratus
intrat sine termino
celos laureatus
|
Matins respons 1
|
Altmannus de saxonum
gente natus consonum
saxo nil gerebat
stella scintillancior
balsamo prestancior
moribus fulgebat
|
Matins verse 1
|
Mundus fore pectore
pariter et corpore
totus gestiebat
|
Matins respons 2
|
Scriptis theologicis
atque philosophicis
vir sanctus pollebat
nec suo hoc nomini
sed divino numini
totum ascribebat
|
Matins verse 2
|
De gazophylacio
tante abundancie
pio ditat studio
filios ecclesie
|
Matins respons 3
|
Non altmannus sapuit
magis quam oportuit
et quantum decebat
fastui sciencie
non sed consciencie
quia intendebat
|
Matins verse 3
|
Non ipsum inflabat
arcium sciencia
nec mundi prudencia
sed plus adornabat
|
Matins respons 4
|
Sicut aaron vocatus
assumebat presulatus
baculum et annulum
non aspirans ad honorem
sed ad oneris laborem
se prebebat famulum
|
Matins verse 4
|
Maior factus de minimo
non maiorem
sed minorem
exhibet in maximo
|
Matins antiphon 7
|
Operans iusticiam
presul sanctus iste
transfertur ad gloriam
digne tuam christe
|
Matins antiphon 8
|
Decorem et gloriam
ponis super eum
quem ad celi patriam
fers athanateum
|
Matins antiphon 9
|
Portas vestras tollite
principes superni
presulem suscipite
regis sempiterni
|
Matins antiphon 10
|
Nunciavit opera
miserentis dei
ideo ad ethera
fit dux deus ei
|
Matins antiphon 11
|
In polorum atriis
antistes beatus
habitabat graciis
multis adornatus
|
Matins antiphon 12
|
Florens floret floruit
altmannus ut palma
dei ergo meruit
subire agalma
|
Matins respons 5
|
Immolavit vitulum
suum cum corpusculum
caste custodivit
spreta castrimargia
sana parcimonia
se caute nutrivit
|
Matins verse 5
|
Carnis sue carnifex
felix iste pontifex
se mundo contrivit
|
Matins respons 6
|
Movet patrem celicum
agellum dominicum
urticis vastari
conspicatur triticum
quando evangelicum
passim suffocari
|
Matins verse 6
|
Herbas iubet spurias
urticasque noxias
statim extirpari
|
Matins respons 7
|
Impugnabant presulem
sue sortis exulem
carnalis laniste
qui caudam cum hostia
finali constancia
offert tibi christe
|
Matins verse 7
|
Noluit incestui
placere sed iussui
tuo presul iste
|
Matins respons 8
|
Sicut david filium
cum incursu hostium
fugit eiulando
altmannus sic filiis
cessit adversariis
pro his lamentando
|
Matins verse 8
|
Pape petit curiam
presulatus gloriam
illi resignando
|
Matins (gospel) special antiphon
|
Hymnis psalmis canticis
celebrare festa
altmanni pontificis
nobis iesu presta
|
Matins respons 9
|
Volatu precipiti
altmanni ut capiti
columba insedit
viso signo gracie
presulem patavie
ipsum papa dedit
|
Matins verse 9
|
De romana curia
altmannus cum gloria
graciosus redit
|
Matins respons 10
|
Marthe ministeria
salubri industria
presul exhibebat
marie convivia
cordis cum leticia
iugiter habebat
|
Matins verse 10
|
Cum priore vigilat
felici labore
cum secunda iubilat
celesti amore
|
Matins respons 11
|
Aqua dum apponitur
in vinum convertitur
presulis in mensa
in stuporem vertitur
plebs et vox attollitur
cum laude immensa
|
Matins verse 11
|
Ecce mirabilia
vetera novantur
in vini solacia
aque permutantur
|
Matins respons 12
|
Septena immersio
in iordanis fluvio
naaman mundavit
presulis ablucio
feminam a vicio
lepre delepravit
|
Matins verse 12
|
Mirum miro iungitur
puella leprosa
sospitati redditur
sorte graciosa
|
| |
Lauds antiphon 1
|
Sanctum istum induit
dominus decore
cui partam tribuit
sedem in honore
|
Lauds antiphon 2
|
Cordis in leticia
domino servivit
cuius quidem gaudia
letus introivit
|
Lauds antiphon 3
|
Tua christe dextera
altmannum suscepit
atque super ethera
regnare precepit
|
Lauds antiphon 4
|
Mundo presul corpore
quia munde vixit
dominum in pectore
mundo benedixit
|
Lauds antiphon 5
|
Non est illi similis
presuli inventus
quem senectus humilis
laudat et iuventus
|
Lauds (gospel) special antiphon
|
In domo ecclesie
luminare hodie
magnum est incensum
altmannus magnificus
opere mirificus
lumen dans immensum
ad opus virtutis
huius prece erige
iesu nos et dirige
in viam salutis
|
| |
Prime antiphon
|
De virtute iugiter
ibat in virtutem
altmannus feliciter
lucrando salutem
|
Terce antiphon
|
Non hic mercenarius
nec lupus crudelis
sed fuit vicarius
domini fidelis
|
Sext antiphon
|
Claudis gressum reparat
et mutis loquelam
surdis aures reserat
egris dans medelam
|
Nones antiphon
|
Cecis visum prebuit
fugavit demonia
plurimisque adfuit
plura per remedia
|
| |
2nd Vespers antiphon 1
|
Erogavit triticum
altmannus insignis
conservis dominicum
et verbis et signis
|
2nd Vespers antiphon 2
|
Sospitates corporum
egrotis prestabat
a labe facinorum
animas mundabat
|
2nd Vespers antiphon 3
|
Digne in memoriam
vertitur cunctorum
presul qui ad gloriam
transiit sanctorum
|
2nd Vespers antiphon 4
|
Conregnans celestibus
apud regem celi
nobis prosit omnibus
precatu fideli
|
2nd Vespers (gospel) special antiphon
|
Coruscans meridies
gaudiosa requies
viva salus omnium
plenum cordis gaudium
iesu pax eterna
altmanni antistitis
precibus et meritis
da cum sanctis omnibus
nobis te colentibus
gaudia eterna
|
full office name: