| |
| |
Vespers (gospel) special antiphon
|
Inclitus aichadrus
meritis et nomine clarus
dum viget in celis
precibus nos adiuvet almis
ut post hanc vitam
mereamur habere quietem
|
| |
Matins I
|
Surge sion veneranda tuo
da cantica sponso
aichadrum placido
et resona iubilo
|
Matins antiphon 1
|
Extitit aichadrus
magno de germine natus
cui pater ansgarius
fuit hermena dignaque mater
|
Matins antiphon 2
|
Qui facit infantum
linguas sermone disertas
aichadrum studiis
doctrine ditat honestis
|
Matins antiphon 3
|
Transactis lustris
bis binis actibus equis
pervigil excubias
in templo semper amabat
|
Matins antiphon 4
|
Hoc quadam complente die
vox intonat ecce
virtutem virtute petent
sancti specialem
|
Matins antiphon 5
|
Continuo nullum
cernens hanc perficit idem
cernetur deus inque sion
dominus+que deorum
|
Matins antiphon 6
|
Angelicis iungens
dictis sua dicta sodali
alloquio christi
fidei devocior hesit
|
Matins respons 1
|
Gaudia presentis
ducentes maxima festi
cunctorum dominum
veneremur qui pie celum
ditavit hodie
aichadri flamine patris
|
Matins verse 1
|
Omnia que voluit
dominus virtute creavit
|
Matins respons 2
|
Ut sacer aichadrus
monachorum gemeticorum
suscepit regimen
dum curat habere laborem
pascendi dat ei
christus vexilla salutis
|
Matins verse 2
|
Tentamenta tulit
zabuli sed iesus ab astris
|
Matins respons 3
|
Florebat vigil in
precibus ieiunia sectans
tranquillus paciens
castus bonitate modestus
lampade virtutum
fultus pietate serenus
|
Matins verse 3
|
Omnibus omnia factus erat
pes ut omnibus esset
|
Matins antiphon 7
|
Heredi sacro
genitores dant aichadro
quo locat ecclesiam
secum plebemque fidelem
|
Matins antiphon 8
|
Pro sancti meritis
aichadri fama beati
expetit abbatis
placidas aures philiberti
|
Matins antiphon 9
|
Qui cito discipulos
mittens precepit eundem
iure salutari
plene sibi menteque iungi
|
Matins antiphon 10
|
Preveniens hos e celis
sacer angelus altis
infixum precibus
aichadrum iure profatur
ave preceptis
domini parens benedicti
pro quibus ecce manet
semper tibi laus super astra
|
Matins antiphon 11
|
Ut conforteris
melius christo famulari
in christo fratres
duo cras tibi gaudia dantes
partibus ex sancti
patris venient philiberti
|
Matins respons 5
|
Aichadrus domini
confessor talibus actis
ad preciosa trahens
cunctos convivia vite
effulsit signis
multis cum nomine christi
|
Matins verse 5
|
In factis magnis
fidei vestitus amictu
|
Matins respons 6
|
Agmine fraterno
sudante labore beato
ingemit hostis atrox
querensque nocere fideles
arbore cum sterili
perit in crucis obice pulsus
|
Matins verse 6
|
Abba nam fratres
firmat niger angelus atque
|
Matins respons 7
|
Vir felix minui
dum se iubet iste capillis
post horam nonam
paschalia signa parantem
quod tulit incautus
lacrimis reparavit obortis
|
Matins verse 7
|
Vidit enim hostem
in hoc gaudere sed idem
|
Matins (gospel) special antiphon
|
Huius namque loci
legeris divinitus auctor
ac ideo debes
istis fore letus ut hospes
|
Matins respons 9
|
Hic miles fortis
geminis cum fratribus optans
exorare genu
flexo dum cogitat uni
illorum tradit
radio solis digitales
|
Matins verse 9
|
Intentis oculis
celum tantummodo spectans
|
Matins respons 10
|
Nec dictu facile est
nec luce capabile carnis
quod post hoc globus igneus
obtegit illius artus
et ne discipuli
spargant hec valde minatur
|
Matins verse 10
|
Erectus terra
soli quod credidit aufert
|
Matins respons 11
|
Cum foret excubiis
commissi pastor ovilis
pervigil aichadrus
ipsi nitet angelus index
altera quod pars quam regit
illico flamma laxet
|
Matins verse 11
|
Ad tantam vocem
lacrimis perfunditur heros
|
| |
Lauds antiphon 1
|
Cum dicti fratres
veniunt sibi iussa revolvunt
corda ligant patrum
pariter sua sicque revisunt
|
Lauds antiphon 2
|
Celitus adventum
prenoscens tunc pater horum
huncque suis monstrans
recipit hinc quod cupit audit
|
Lauds antiphon 3
|
Angelico ductu
petit ansoaldum philibertus
pictavis qui clarus erat
hoc tempore presul
|
Lauds antiphon 4
|
Visitat aichadrum
tanto iam iunctus amico
munitum verbis
superis et laudibus almis
|
Lauds antiphon 5
|
Collaudant dominum
hi tres duo necne priores
gemetice iustum
turme ducunt aichadrum
|
Lauds (gospel) special antiphon
|
Dilectum christi famulum
proceres aichadrum
preficiunt plebi
sancte cuius prece celi
lumine ut ornemur
humili cum corde precamur
|
| |
2nd Vespers (gospel) special antiphon
|
O rex perpetue
lucis pax atque perennis
obtineat nobis
aichadrus dona salutis
quem hodie summe
transfers ad culmina vite
|
full office name: