| |
| |
Vespers antiphon 1
|
Nomen domini invictum
sit in evum benedictum
quia florent ut lilia
martyrum dena milia
|
Vespers antiphon 2
|
Laudate christum gentes
quia martyrum mentes
ipse corroboravit
et cruci sociavit
|
Vespers antiphon 3
|
Lauda anima dominum
spreverunt mentes hominum
hi qui erant compediti
sunt soluti redimiti
|
Vespers antiphon 4
|
Laudate deum quia bonus
namque dedit istis onus
ut portarent post se crucem
consequentes ipsum ducem
|
Vespers antiphon 5
|
Lauda tuum
sion deum
istis dedit qui tropeum
ponens pacem fines tuos
sibi sociando suos
|
Vespers respons
|
O crucis christi gestatores
mundane vite victores
solutos ab eterna morte
nos coniungatis celi porte
|
Vespers verse
|
Ut dominum celi
cernamus mente fideli
|
Vespers (gospel) special antiphon
|
O magnificati
laude fraude circumdati
flagellati cruciati
agni sanguine ornati
signis dignis decorati
litis sitis advocati
ne damnati ac privati
simus christi gloria
|
| |
Matins I
|
Ecclesie plena
sit laus cum voce serena
vexit ad amena
celi quia milia dena
|
Matins antiphon 1
|
Ecclesia mater filia
letetur que dena milia
luce hodierni diei
per crucem dedit requiei
|
Matins antiphon 2
|
Hadriani gemitum
genciumque fremitum
superabant et sex reges
observando christi leges
|
Matins antiphon 3
|
Sanctos suos mirificavit
dum illa signa iteravit
que sua fecit in passione
hos confortando in agone
|
Matins respons 1
|
Adest dies veneranda
digna laude celebranda
qua mundana exilia
transcendunt dena milia
|
Matins verse 1
|
Ista dies leta
conservetur sine meta
|
Matins respons 2
|
Ad examen
fit iuvamen
cesari a sex regibus
ut prostrati
subiugati
sint deorum legibus
|
Matins verse 2
|
Sunt christo grati
quia de terris separati
|
Matins respons 3
|
Cesar vanus
hadrianus
cogit servos
christi nervos
diis flectere gentilium
sed trucidati flagellati
cruciati
lanceati
fatentur dei filium
|
Matins verse 3
|
Demonis plena
sunt idola voce serena
marie flori
cum pneumate laus genitori
|
Matins antiphon 4
|
Scuto voluntatis bone
dux fuisti in agone
in eternum exultabunt
quia tecum habitabunt
|
Matins antiphon 5
|
Nomen tuum mirabile
confessi sunt arabie
in crucem eos assumpsisti
nam cuncta eis subiecisti
|
Matins antiphon 6
|
Ingressi sine macula
sunt tua tabernacula
hadrianum nam malignum
vicerunt per crucis signum
|
Matins respons 4
|
Currunt in harundineto
ut scintille voce leto
sustinendo passiones
iudicabunt naciones
|
Matins verse 4
|
In cruce letantur
et sic populis dominantur
|
Matins respons 5
|
Plantarum rami acuuntur
in quos sancti dum figuntur
feris terre deputantur
morticina donantur
carnes de tot milibus
celi volatilibus
|
Matins verse 5
|
Christus adoratur
de sanctisque esca paratur
|
Matins respons 6
|
Vere martyres beati
qui dum cesi flagellati
memorantur peccatorum
pro salute horum
nos solutos a pestibus
locetis in celestibus
|
Matins verse 6
|
Victores vite
mundi regnare venite
patri cum nato
laus spiritui quoque grato
|
Matins antiphon 7
|
In terris sanctis vis tonantis
dedit clare superare
dux albinus elyethes
implent eius voluntates
|
Matins antiphon 8
|
Hec christi generacio
hermolaus cum achacio
inquirunt eius faciem
portando crucis aciem
|
Matins antiphon 9
|
Beati quorum oracio
est cunctorum expiato
quia pro nobis corde uno
orastis die opportuno
|
Matins respons 7
|
Fructus palme crucis alme
rubicundos et iucundos
eos fecit et refecit
dum certarent superarent
austri flantis gracia
|
Matins verse 7
|
Hi facti digni
sunt fructus carpere ligni
|
Matins respons 8
|
Hi de edom qui venerunt
rubri cuncti cur fuerunt
sicut multifaria
calcantes torcularia
|
Matins verse 8
|
Isti sunt toti
paciendo sanguine loti
|
Matins respons 9
|
O achaci hermole
elyethes menole
et albine duces fortes
impetrate nos consortes
esse sempiterne lucis
per virtutem vestre crucis
|
Matins verse 9
|
Ut dominus celi
tutor sit cuique fideli
regi domino
sit laus uni quoque trino
|
| |
Lauds antiphon 1
|
Dei digna
nece ligna
de hac multitudine
innovavit
qui regnavit
precinctus fortitudine
|
Lauds antiphon 2
|
In conspectum
preelectum
he domini milicia
introivit
quia vivit
cum christo post supplicia
|
Lauds antiphon 3
|
Te de luce
se in cruce
letantes querunt domine
flagris cesi
ense lesi
pro tuo sancto nomine
|
Lauds antiphon 4
|
In fornace
ut in pace
tres collaudabant dominum
sic in cruce
christo duce
vicerunt minas hominum
|
Lauds antiphon 5
|
Deum celi
in fideli
lauda sion filia
qui per mortem
vexit fortem
celo dena milia
|
Lauds (gospel) special antiphon
|
Benedictus
sis invictus
deus israelis
visitasti
confortasti
martyres rachelis
quorum prece
victa nece
nobis dare velis
ubertatem
sanitatem
gaudia in celis
da virtutem
da salutem
premii veracis
nos compunctos
tibi iunctos
duc in viam pacis
|
| |
Prime antiphon
|
Beati immaculati
sequuntur te domine
crucifixi ramis fixi
crucifixi nomine
|
Terce antiphon
|
Legem vani
hadriani
cum deorum numine
hi spreverunt
qui fuerunt
crucis in cacumine
|
Sext antiphon
|
Nam defecit
quidquid fecit
hadriani minacio
nam in mortis
stetit portis
albinus cum achacio
|
Nones antiphon
|
Mira digne
rex benigne
fecisti testimonia
nam in cruce
victa truce
vincitur lex erronica
|
| |
2nd Vespers antiphon 1
|
Virgam palme
crucis alme
ex sion cum victoribus
exaltavit
reges stravit
sanctorum in splendoribus
|
2nd Vespers antiphon 2
|
Benedictum
sit invictum
regnum uranicorum
in quo clare
habitare
dat matrem filiorum
|
2nd Vespers antiphon 3
|
In amara
crucis ara
seminant cum tristicia
christum ducem
celi lucem
colligunt cum leticia
|
2nd Vespers antiphon 4
|
Iusti torti
dati morti
hi sunt pro tuo nomine
habitabunt
exultabunt
cum vultu tuo domine
|
2nd Vespers antiphon 5
|
In pressura
mortis dura
benedixisti filiis
nunc ad pacem
nos veracem
horum duc auxiliis
|
2nd Vespers (gospel) special antiphon
|
Magna laude
gaude plaude
ecclesia totis viribus
fecundata
decorata
millenis denis martyribus
qui in cruce
deo duce
vicerunt minas gentilium
flagellati
morti dati
sequuntur dei filium
quique vera
salus mera
spes et rector humilium
quem orate
impetrate
ut post carnis exilium
nobis pacem
det veracem
eternum et auxilium
|
full office name: