full office name: ACHACIUS (martyres 10000)
edition: AH 5 #30
calendar:June 22
March 31?
structure summary: Vespers: AE
Matins: secular
Lauds: A5E
poetic forms: Vespers: i.i
Matins: x.vio{vg,ig,iv}siv{il,ig,ix}vvf{i,iv,ls}
Lauds: vgiof.i [”q]
dollarcode: Theban legion MF6
notes:martyrs
Persons: Alexander Marco Hermolaus Hadriani Marcus Hadrianus
Places: Averni Ararat

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon
O rex regum domine
in tuo sancto nomine
alexander cum marco
martyrio non parco
martyrumque dena milia
se dederunt ad supplicia
quos omnes una dies stravit
ipsis pie munistravit
sacri baptismatis opus
hermolaus episcopus
Vespers (gospel) special antiphon
O plasmator encium
et salvator gencium
in martyrum honore
da quod in merore
corporis et anime
molestemur minime
et nos pro nostro vicio
mittere supplicio
de vita avita
invita ad vitam
domus tue perpetue
qua solus verbigena
quisque te terrigena
omnisque celicola
collaudet per secula
 
Matins I
Glossa cordi in concordi
concordet modulo
in dei iubilo
honoris sedulo
Matins antiphon 1
Cum hadriani feritas
et servorum severitas
in christi non protervos
dire sevit servos
Matins antiphon 2
Alexander rector
marcus et protector
martyrum ipsorum
sic solabatur acies
quod non timebant facies
adversariorum
Matins antiphon 3
Hi constanter coheserunt
sponte mortem elegerunt
in fide christi permanserunt
pro quo mortem meruerunt
Matins respons 1
Hadrianus imperator
athletarum trucidator
vesano tumens spiritu
furiali habitu
debriatus insanivit
cum aliis sex regibus
sibi venientibus
pravum in subsidium
pro ad homicidium
Matins verse 1
Culpam passionis
hominibus in bonis
non nullam nescivit
Matins respons 2
O manus cruenta
tortorum non lenta
martyres hos christi
quos occidisti
illos scidisti
ab averni
vinclis eterni
Matins verse 2
Passionem concio
nostra cum revolvat
horum intercessio
semper nos evolvat
Matins respons 3
Christi agonista
hermolaus baptista
martyrum in ista
totali passione
mortis in agone
athletis confalcatur
Matins verse 3
Pontificali opere
hermolaus et charactere
potitus cruciatur
Matins antiphon 4
Dei premirabilis
cuius ineffabilis
maiestas gloriosa
et virtus graciosa
Matins antiphon 5
Suis agonistis
tormentis in istis
non defuit solacio
mercedis erogacio
Matins antiphon 6
Nam martyrio in diro
ipsos modo multum miro
confortando coluit
desinere quos noluit
Matins respons 4
Mira dei potencia
et graciosa gracia
passionis signa
sua laude digna
cuncta tunc claruerant
athlete passi cum fuerant
Matins verse 4
Terra tunc tremuerat
solis splendor ebuerat
Matins respons 5
Turma athletalis
tormenti letalis
penam ferre debens
benevolam se prebens
crucifigi fuerat
deducta in ararat
Matins verse 5
Crucis sub equuleo
mortis sub aculeo
penam consumarat
Matins respons 6
Hora nona cum corona
martyrii passionis
et agonis socii
tormentis expletis
capitibusque cletis
athlete prelete
deleto tum leto
triumpho transmigrabant
ad vitam quam optabant
Matins verse 6
Spiritus ipsorum
manus angelorum
vehentes deportabant
Matins antiphon 7
Rex eterne glorie
nobis confer hodie
quod martyrum supplicia
nostra tergant vicia
Matins antiphon 8
At ipsorum nobis toto
affectu cordis devoto
passionem colere
digneris tribuere
Matins antiphon 9
Ut nos esse valeamus
semper quoque maneamus
cum ipsis socii
celestis palacii
Matins respons 7
Iniquitatis filiorum
operumque nefandorum
virorum ter dena milia
duxerunt ad supplicia
Matins verse 7
Cultores perfidei
viros vere fidei
quos dei elegit gracia
duxerunt ad palacia
Matins respons 8
Quos gens prava in cruce erexit
illos christus non despexit
sed de morte ad vitam vexit
eternam dono gracie
Matins verse 8
His pro mercede congrua
celestis regni ianua
est aperta hodie
Matins respons 9
Sancti christi martyres
iniquitatis milites
quos sunt prosecuti
vestris proteccionibus
a persecutoribus
semper simus tuti
Matins verse 9
De dono promissionis
vestre peticionis
peccatis absoluti
 
Lauds antiphon 1
Ante exitum fundentes
oraciones ingentes
christum petebant cernui
athlete quod digni frui
hi sint intus atque foris
bonorum et honoris
mercede fructuosa
Lauds antiphon 2
Et corporis salute
et anime virtute
utantur et dotentur
dote copiosa
Lauds antiphon 3
Eorum diem passionis
qui operibus cum bonis
panis et aque ieiunio
devoto colant obsequio
Lauds antiphon 4
Una dies ieiunii
hec laxat purgatorii
annum penitencialis
Lauds antiphon 5
Nec hos ledant visibiles
hostes et invisibiles
sed letentur et solventur
omnibus a malis
Lauds (gospel) special antiphon
Vobis dico rursum
vox venit de sursum
athletis dicens istis
illud quod petistis
a deo sitis tuti
hoc estis consecuti