full office name: ACHACIUS (martyres 10000)
edition: AH 5 #29
calendar:June 22
March 31?
structure summary: Vespers: A5R
Matins: secular
Lauds: A5E
2nd Vespers: E
poetic forms: Vespers: ovill{lp}
Matins: l.o3{gp3}o3{gp3}oov{gp,gp,lp}
Lauds: l3so.o
2nd Vespers: .o [”q]
dollarcode: Theban legion MF6
notes:martyrs
Persons: Hadrianus Christianus
Places: Edom

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Letare felix hodie
prerogative latria
festivitas hec glorie
commendat decem milia
Vespers antiphon 2
Gaude terra temporali
celum gaude eternali
sanctorum leticia
celum de presencia
terra de memoria
Vespers antiphon 3
Dona tributa crucis
victoribus et bona fari
lingua nequit racio
comprehendere mens meditari
Vespers antiphon 4
Tot redimita rosis
hilarescit opima chorea
qua sine fine sonant
vox organa laus iubilea
Vespers antiphon 5
Cetus amice deo
fer amica iuvamina mundo
sed tua precipue
celebrantes festa tuere
Vespers respons
Te deus ista cohors
virtute fide nece concors
legi dicata tue
crucis ornat perpete laude
christicolis eadem
procuret ubique salutem
Vespers verse
Ut notam faciant filiis hominum potenciam tuam et gloriam magnificencie regni tui
 
Matins I
Surgamus vigili
prece regum psallere regi
qui sibi compassis
tribuit diadema tropei
Matins antiphon 1
Cognovit viam dominus
tot milium beatorum
quos non reliquit terminus
in invio peccatorum
Matins antiphon 2
Dum convenerunt principes
adversus christum dominum
hi non erant participes
gentilium libaminum
Matins antiphon 3
Invocantes exaudivit
et in spe singulariter
constitutos stabilivit
deus fiducialiter
Matins respons 1
Omnes gentes fidei
supplices videte
qui sint isti martyres
et fortes athlete
qui se subdunt ut oves
iugulo mansuete
Matins verse 1
Iste est currus dei decem milibus multiplex et totidem sunt milia letancium
Matins respons 2
Servos dei cogere
cepit hadrianus
ad profanas victimas
cetus christianus
non apponit idolis
fidem corda manus
Matins verse 2
Quoniam rectum est verbum domini et omnia opera eius in fide
Matins respons 3
Seva lupi rabies
in ovile sevit
sacrilegi cultui
grex non acquievit
ergo cerimonias
idolorum sprevit
Matins verse 3
Quia non adhesit ei cor pravum sed facientes prevaricaciones odivit
Matins antiphon 4
Non subvertit corde rectos
filius iniquitatis
coronatos et protectos
scuto bone voluntatis
Matins antiphon 5
Perfecit deus ex ore
sibi laudem tot milium
qui mundi cum salvatore
triumphant passi prelium
Matins antiphon 6
Deduciter ad nihilum
sevicia tyrannorum
convertitur in iubilum
fletus christi compassorum
Matins respons 4
Decem dantur milia
milibus ter denis
martyrizent ut ea
tuis iesu penis
vincti post blasphemias
stringuntur habenis
Matins verse 4
Quoniam circumdederunt eos canes multi consilium malignancium obsedit eos
Matins respons 5
Illibatas facies
viciorum luto
cedunt velant inquinant
hostes dei sputo
spine serto capiti
cruentant acuto
Matins verse 5
Infirmata est in paupertate virtus eorum et omnia ossa eorum conturbata sunt
Matins respons 6
Sanctos post ludibria
postque tot livores
crucifixum rapiunt
impii tortores
crucem celeberrimi
baiulant victores
Matins verse 6
Hi sunt qui venerunt tinctis vestibus de edom gradientes in multitudine fortitudinis sue
Matins antiphon 7
Tue sunt hereditatis
participes et calicis
quos vinculo caritatis
christe constringens allicis
Matins antiphon 8
Querens hec generacio
primipotentis faciem
currit potens in prelio
crucis ad interniciem
Matins antiphon 9
Refugium iesus erat
in tribulacione
qua suos circumdederat
consortes in agone
Matins respons 7
Distenduntur in cruce
dissolvuntur vene
cedunt vires vivide
temporales pene
sunt respectu glorie
perpetis amene
Matins verse 7
A planta pedis usque ad verticem non est in eis sanitas vulnus et livor et plage tumentes
Matins respons 8
Dum libarent calicem
fellis et aceti
transfiguntur lanceis
in agone leti
representant animas
eterne quieti
Matins verse 8
Venientes venient cum exultacione portantes manipulos suos
Matins respons 9
Livor acerbus eos
iuvat improperator honorat
ira reconciliat
species funesta decorat
ridet eis lacrima
tormenta probant opima
Matins verse 9
Quam magna multitudo dulcedinis tue quam abscondisti timentibus te domine
 
Lauds antiphon 1
Mors humili cum palma
dans vitam mortem perdidit
societas hec alma
quam salvatori reddidit
Lauds antiphon 2
Primates agoniste
sunt in celesti curia
qui crucis tue christe
pressere torcularia
Lauds antiphon 3
Hos agnus ille regit
et super eos habitat
qui mortis ius infregit
mundasque mentes visitat
Lauds antiphon 4
Effectus apud deum
possunt impetrare
athlete qui post eum
passu incedunt pari
Lauds antiphon 5
Celestis aule principes
et merite domestici
sortis vestre participes
impetrate nos effici
Lauds (gospel) special antiphon
Benedic et glorifica
devota cum leticia
celi terreque fabrica
sanctorum natalicia
que mens que penset racio
celicolarum gaudium
hoc intrante collegio
celeste contubernium
nam rapuerunt apicem
celi sollemni titulo
qui salvatoris calicem
biberunt in patibulo
 
2nd Vespers (gospel) special antiphon
O benedicti martyres
estote nostri memores
vestra crux vestra vulnera
sint contra nostra scelera
tutamen ac remedium
celeste beneficium
quod impetrastis a deo
procuret homini reo
solamen opem veniam
et post hoc exilium
tranquillitatis patriam