full office name: ACHACIUS (martyres 10000)
edition: AH 5 #28
calendar:June 22
March 31?
structure summary: Vespers: ARE
Matins: secular
Lauds: A5E
Hours (little hours): A4
2nd Vespers: RE +
Vespers: AE
poetic forms: Vespers: s{o}.l
Matins: v.vvg{ls,is,iv}gvv{vo,no,iv}gso{io,gl,vg}
Lauds: g3sg.i
Hours (little hours): isvv
2nd Vespers: {i}.g
Vespers: i.i [”q]
dollarcode: Theban legion MF6
notes:martyrs
Persons: Achati Achacium Hadriano Hermolaus Hermole Achacius

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon
Letetur ecclesia
quod per dena milia
tironum credencium
plebs crevit fidelium
Vespers respons
O achati dux beate
cuius virtus fragrat late
cuius odor ut unguenti
cuius sapor ut pigmenti
pietati nos divine
tu commendes sine fine
!Fragrat [alt: ?]
Vespers verse
Martyr alme ductor bone
cum preclara legione
Vespers (gospel) special antiphon
O preclari milites
o fecundi palmites
vere viti inherentes
o stelle lucifere
nos in mortis vespere
feliciter gaudentes
angelicis agminibus
christo assistentibus
vestris salutaribus
adiuvate precibus
 
Matins I
Iubilemus regi deo
glorioso qui tropeo
coronavit achacium
suumque collegium
Matins antiphon 1
Viri sancti consilia
impia spreverunt
cum diis sacrificia
offerre noluerunt
Matins antiphon 2
Singulari spe letati
pace sancta dormiunt
dum hi sancti tribulati
vultum christi siciunt
Matins antiphon 3
Bellatores incliti
scuto coronantur
assecuti meriti
premium letantur
Matins respons 1
Orthodoxe fidei
nave laborante
hadriano veri dei
hoste imperante
baptismi dena milia
sunt abluti gracia
Matins verse 1
Se cum suis abnegant
mundi pompam relegant
constanti fiducia
Matins respons 2
Hermolaus presbyter
veritatis his iter
docendo monstravit
et ab idolatria
vana et nefaria
benigne revocavit
Matins verse 2
Mox in fide stabiles
servi fiunt habiles
domus domini
Matins respons 3
O mirandam militaris
turbe fortitudinem
que in se vite secularis
necat consuetudinem
atque pene temporalis
parvipendet formidinem
Matins verse 3
Hi pugnaturi stadio
se precingunt strenuo
crucis christi gladio
Matins antiphon 4
Divino refugio
sancti inheserunt
dum regis imperio
se non subdiderunt
Matins antiphon 5
Monte sancto quieverunt
zelo christi dum arserunt
cuius sine macula
intrant tabernacula
Matins antiphon 6
Beati vere martyres
preclari christi calicis
heredes et participes
iungite nos celicis
Matins respons 4
Imperator prelibatus
vir profanus et elatus
cum edictis frivolis
dare iubet idolis
turis sacrificia
fiant ut propicia
Matins verse 4
Servos ergo christi dire
precepit demens rex punire
Matins respons 5
Audiens quod inclitus
militum exercitus
in christum simul crederet
et sua iussa sperneret
Matins verse 5
Ut vesanos redarguit
revocare sic studuit
Matins respons 6
Illis in fide christi
constanter manentibus
dictaque regis subsannantibus
iubet omnes denudari
et flagellis castigari
Matins verse 6
Furor regis quos detexit
hos divinus amor rexit
et ad palmam provexit
Matins antiphon 7
Eternas portas subiit
militaris cuneus
primus quas introiit
rex glorie deus
Matins antiphon 8
Opportuno tempore
tu preclara acies
pio nos precamine
vultu dei sacies
Matins antiphon 9
Pro robustis agonistis
decet laus te domine
totus mundus plaudat istis
fuso pro te sanguine
Matins respons 7
Tunc inseparabiles
cesar comprehendit
tirones spectabiles
furor hunc accendit
et christo amabiles
famulos omnes
crucibus appendit
Matins verse 7
Ad quorum mox occubitum
sol clausit suum radium
Matins respons 8
Facti ergo socii
christi passionis
rogant summi gaudii
ut fruantur bonis
memores martyrii
sui piis donis
Matins verse 8
Exauditos divinitus
vox exclamat celitus
Matins respons 9
O achati deo grate
adiunctis consortibus
regem regum exorate
pro vestris supplicibus
deploratis ut amare
omnibus sceleribus
valeamus corregnare
supernis virtutibus
Matins verse 9
Carnis cum materia
solo computrescat
spiritus in gloria
poli requiescat
 
Lauds antiphon 1
Dominus hec agmina
induit decore
large dando premia
suo pro labore
Lauds antiphon 2
Cordis in leticia
deo serviamus
ut horum martyria
pie recolamus
Lauds antiphon 3
Hi carne cum spiritu
christum sicierunt
forti sic anhelitu
mortem subierunt
Lauds antiphon 4
Sancti cum humilibus
corde redemptorem
benedicant laudibus
illius ad honorem
Lauds antiphon 5
Cornu sui populi
christus exaltavit
locum sui tumuli
signis dum ornavit
Lauds (gospel) special antiphon
Benedictus sis domine
qui tanta multitudine
militum sanctorum
decorasti regium
etheris palacium
quesumus ut horum
pio patrocinio
iungamur celi gaudio
 
Prime antiphon
Gaudet in celis
acies fidelis
que christi se libere
plebem est fassa
crucis pro eius amore
tormenta libenter passa
colere quos pure
pietas non est cassa
Terce antiphon
In christo letamini
martyres perenniter
in quo gloriamini
triumphantes fortiter
Sext antiphon
Verba tunc prevaluerunt
iniquorum super hos
sed nunc isti pervenerunt
ad honores superos
Nones antiphon
Horum sanguis est effusus
a crucifixoribus
quos baptizans presul usus
est equis honoribus
 
2nd Vespers respons
Salve acies invicta
morti que crucis addicta
per victoriam
transiens ad gloriam
2nd Vespers verse
Odor bonus christi
eras cui te obtulisti
ipsum imitans in morte sua
nos defende prece tua
2nd Vespers (gospel) special antiphon
O felix tirocinium
per sanctum achacium
christo aggregatum
o sacrum collegium
forte per martyrium
celo laureatum
pacifica seculum
salva cunctum populum
deo reddens gratum
 
Vespers antiphon .a
O pastor eterne
o martyr egregie
o virtutum opifex
o benedicte pontifex
o predicator gencium
qui decem milia martyrum
ad veri solis palacium
vocasti ad consorcium
o sancte pater hermole
preces nostras suscipe
ne damnemur in peccatis misere
sed ad vitam tu nos duc lucis perpetue
ut gaudeamus cum beatis in regno glorie
Vespers (gospel) special antiphon .a
O dulcis sanguis martyrum
o mitis turba militum
que pie propter dominum
fudit cruorem nimium
pro his orat achacius
suis cum consortibus
qui eius sollemnia
celebrant in gloria