full office name: ACHACIUS (martyres 10000)
edition: AH 5 #26
eccles:mon
calendar:June 22
March 31?
structure summary: Vespers: E
Matins: secular
Lauds: A5E
2nd Vespers: E +
Matins: A3ER
poetic forms: Vespers: .o
Matins: l.voo{ot,oi,op}o3{ot,oh,oi}oos{ol,oi,oh}
Lauds: o5.o
2nd Vespers: .o
Matins: ovv.${ip} [”q]
died: M=A3ER
dollarcode: Theban legion MF6
notes:martyrs
Persons: Achacius Achacium Hadrianus Augustum Achacio Hermolaus Achati
Places: Israelita

By clicking on the icon you can search for offices within the corresponding category.

Here you find the raw text from the LMLO file

 
 
Vespers (gospel) special antiphon
Gloriosa recolitur
dies in qua grex mittitur
ethereis ovilibus
constans ex decem milibus
fortissimorum militum
quorum insigne meritum
iuvando nos letificat
et dominum magnificat
 
Matins I
Ad dominum vigiles
cuncti convertite mentes
tot sua qui pugiles
elegit castra sequentes
Matins antiphon 1
Achacius legem dei
meditavit iugiter
et cum suis semper ei
militavit humiliter
cesaris tormenta rei
pertulit viriliter
Matins antiphon 2
Principes dum conveniunt
achacium inveniunt
cum acie christicola
despicientem idola
Matins antiphon 3
Invocantes se dominus
exaudivit hos comminus
dum christi nomen colerent
et deos vanos spernerent
Matins respons 1
Dum rome teneret vanus
rerum culmen hadrianus
christi persequens famulos
libare cogit idolis
plures ingerens stimulos
tormentorum christicolis
Matins verse 1
Beatus dux suam achacius
legionem animavit prius
Matins respons 2
Videns rome dux augustum
immolantem demoniis
elongavit agmen iustum
eius a cerimoniis
celorum regem colendum
docens solique credendum
Matins verse 2
Quoniam domini vir erat
et illi soli semper servierat
Matins respons 3
Dum mandaret imperator
christi servos interfici
achacius gubernator
exercitus magnifici
consensu turme comparis
edicta spernit cesaris
Matins verse 3
Qui sacro baptismate pridem imbutus fidem christi tenebat a qua iam flecti nullatenus poterat
Matins antiphon 4
Ut scuto coronabitur
hoc agmen et locabitur
cum angelorum celibus
in gaudiis perennibus
Matins antiphon 5
Nomen tuum mirabile
iesu cor laudat stabile
te duce decem milia
celi scandunt sedilia
Matins antiphon 6
In monte sancto domini
quiescunt suo nomini
qui sese totos dedicant
quem moriendo predicant
Matins respons 4
Propter irrefragabilem
firmitatem veritatis
cesar sanctis mirabilem
vim intulit feritatis
sed victus a martyribus
est regis christi viribus
Matins verse 4
Nec fecit cesaris furor dirus
ut a domino deviaret dux fortis milesque mirus
Matins respons 5
Hortante beatissimo
exercitum achacio
baptismatis post lavacra
despiciunt simulacra
Matins verse 5
Multum enim valet adhortacio ducis assidua
Matins respons 6
Vere beatos milites
qui ut fierent celites
omnes christi pertulerunt
penas et apparuerunt
cuncta que sunt visa pridem
dum in cruce vicit idem
Matins verse 6
A domino sunt iterata
propter hos martyres atque renovata
Matins antiphon 7
Deus suos mirificat
voluntate dum applicat
sibi sic decem milia
morte sibi similia
Matins antiphon 8
Hec iusta generacio
celi fulget palacio
se mente probans aciem
querentem dei faciem
Matins antiphon 9
In christo letamini
martyres perenniter
in quo gloriamini
triumphantes fortiter
Matins respons 7
Hodie dux achacius
et hermolaus episcopus
cum his quos baptizaverat
crucis tormenta tolerat
intrans per hanc victoriam
cum illis celi gloriam
Matins verse 7
Ecce vere israelita
qui suos preit ita
Matins respons 8
Sanctus ductor cum acie
dono triumphans gracie
decem precessor milium
nobis prestet auxilium
ut superatis hostibus
celi reddamur postibus
Matins verse 8
Innocens acies vincens in cruce
que non expavit tot penas pro christo duce
Matins respons 9
O felix exercitus
qui crucem imperterritus
conscendis unanimiter
te colentes suppliciter
christi commendans nomini
nos infer regno domini
Matins verse 9
Memor esto tibi servientis familie
quam precibus tuis nunc et semper protege christe
 
Lauds antiphon 1
In his regnavit dominus
et isti nihilominus
passi sibi similiter
cum eo regnant iugiter
Lauds antiphon 2
Hi sancti deo iubilant
nulleque res obnubilant
qui celi petunt gloriam
per celebrem victoriam
Lauds antiphon 3
In deum sancti siciunt
quem iugiter aspiciunt
nec sitis hec est anxia
nec sacies dat tedia
Lauds antiphon 4
Creata benedicite
deum qui tanto milite
celi stipat palacium
insignem per achacium
Lauds antiphon 5
Istorum per memoriam
intremus celi gloriam
ubi deum medullitus
collaudat omnis spiritus
Lauds (gospel) special antiphon
Christi miles achacius
deos spernens audacius
cum suis crucifigitur
et angelis coniungitur
ergo victis tortoribus
adsit sui memoribus
 
2nd Vespers (gospel) special antiphon
O achati dux strenue
tibi devotis annue
sacris cum decem milibus
da dexteram humilibus
nos solvens a piaculis
et omnibus periculis
 
Matins antiphon .a1
In domino laudabitur
et celo coronabitur
milium decem agmina
vincens pro deo maxima
Matins antiphon .a2
Verba tunc prevaluerunt
iniquorum super hos
sed nunc isti pervenerunt
ad honores superos
Matins antiphon .a3
Horum sanguis est effusus
a crucifixoribus
quos baptizans christus usus
est equis honoribus
!Usus [alt: ?]
Matins (gospel) special antiphon .a
Gaudent in celis acies fidelis
que christi se libere plebem fassa
pro eius amore tormenta libenter passa
ideo ipsorum pietas non est cassa
Matins respons .a
Dum exercitum cesar cum duce
sevus cendi faceret quemvis in sua cruce
universa mox apparuerunt
christi que morte visa sunt
!Cendi [alt: ?]
Matins verse .a
Tamdiu quippe gloriosum agmen illud pendebat in cruce
quousque mirarentur omnia mortis dominice
!Mirarentur [alt: ?]