full office name: PATRONI of kingdom of Sweden (n1)
edition: AH 28 #42
calendar:?
structure summary: Vespers: A5RE
Matins: secular
Lauds: A5E
2nd Vespers: E
poetic forms: Vespers: T5{o}.l
Matins: s.v3{iv,on,o}ovv{T,Tx,o}voo{o,$T,T}
Lauds: o4s.o
2nd Vespers: .v [”q]
type of saint: patrons
geographical information:S patrons, Scandinavia
notes:patron of country
Christ:
Persons: Ansgarium Laurenti
Places: Suecia Sueonum Iudeis Suecie Anglia

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Iucundare
mater ecclesia
nove lucis
agens sollemnia
cuius ortu
resplendens suecia
patronorum
decanta gaudia
Vespers antiphon 2
Dum festive
causa recolitur
unde tibi
lux ista oritur
honor deo
laus sanctis redditur
immortalis
vita promittitur
Vespers antiphon 3
Gens sueonum
quondam erratica
illustrata
iam luce celica
nova pange
patronis cantica
Vespers antiphon 4
Hi sunt patres
et duces gracie
quos direxit
pater clemencie
ut sint tibi
norma iusticie
Vespers antiphon 5
Benedictus
sit pastor inclitus
qui de grege
toto sollicitus
dat pastores
doctos divinitus
Vespers respons
Fundans sion in sapphiris
propugnansque iaspidibus
gloriosis ornat viris
christus pro se certantibus
insignitos multis miris
prefecit se scientibus
relaxatis penis diris
indulget penitentibus
Vespers verse
Credunt alienigene
et fiunt iam deigene
patronis predicantibus
Vespers (gospel) special antiphon
O quam mirifico
deus ordine cuncta ministras
ultima per media
regis influis ordinas aptas
terrarum celique sator
qui cuncta superno
ducis ab exemplo
mediis extrema reducis
 
Matins I
Festa dies agitur
patronis dedicata
iubilemus igitur
mente purificata
Matins antiphon 1
Verbo dei dum obedit
gens sueonum christo credit
orat plorat et accedit
ad baptismi graciam
Matins antiphon 2
Firmans fidem formans mores
sacre legis per doctores
detestatur nunc errores
priscos et fallaciam
Matins antiphon 3
Olim quidem tenebrarum
pressa nube diversarum
nunc ad lumen venit clarum
per dei clemenciam
Matins respons 1
Dum in fines orbis terre
christi fides diffunditur
cepit multum fructum ferre
perfidia retunditur
gens sueonum illustrata
vere lucis radio
patronorum sublimata
proficit auxilio
Matins verse 1
Miseratus miserorum
pius pater rex celorum
adhibet remedia
Matins respons 2
Eternus pater voluit
quod deus homo fieret
salutem sic disposuit
ut filius redimeret
humanam carnem induit
exit vincens ut vinceret
Matins verse 2
Vidit et condoluit
quod ovis una defuit
ut deviam reduceret
Matins respons 3
Post doctrinam salvatoris
succedit apostolica
veram fidem creatoris
lex docet evangelica
ad ovile redemptoris
concurrit plebs catholica
Matins verse 3
Ecclesia dominica
cum iubilo multiplica
devota laudum cantica
Matins antiphon 4
Rex celorum incarnatus
et in mundo conversatus
elegit terre medium
hic salutem operatus
ad extremos incolatus
diffudit beneficium
Matins antiphon 5
Dum de sion lex exivit
verbumque vocis domini
successive acquisivit
gentes suo nomini
Matins antiphon 6
Ab extremis aquilonis
intrat sanctis cum patronis
plenitudo gencium
salus ex iudeis nata
ad extremos dilatata
vite confert premium
Matins respons 4
Vasti orbis
extrema latera
sic fundavit
divina dextera
ut dilata
salutis munera
non inferrent
electis vulnera
Matins verse 4
Fremunt hostes
turbantur infera
viam christus
pandit ad ethera
Matins respons 5
Hora cene
paratis omnibus
mandat christus
extremis gentibus
missis servis
verbo potentibus
ut electis
intersint fratribus
Matins verse 5
Ad hoc negocium
tam necessarium
elegit nuncium
sanctum ansgarium
Matins respons 6
Provocatus inimicus
sevus hostis et antiquus
nostre salutis invidus
septem secum nequiores
veritatis subversores
coassumit lividus
Matins verse 6
Demonia nequissima
procurant quod novissima
peiora sint prioribus
Matins antiphon 7
Inter patronos suecie
primatum tenet curie
celestis imperatrix
que multiformi gracia
depressis in angustia
succurrit miseratrix
Matins antiphon 8
Baptista christi previe
laurenti martyr inclite
sit vestrum patrocinium
semper nostrum presidium
Matins antiphon 9
Quos direxit anglia
nostre salutis gracia
qui modo sunt in gloria
hos petimus humiliter
et credimus stabiliter
quod nostra sint refugia
Matins respons 7
Rex rogatus reparavit
regnum cesos hostes stravit
directis exercitibus
victi predam perdiderunt
quam per fraudem rapuerunt
inferni fractis viribus
Matins verse 7
Triumphat dei filius
et regnum fit stabilius
eiectis cunctis hostibus
Matins respons 8
O preclari
patres et incliti
hierarchie
celesti inditi
qui sueonum
genti prepositi
erexistis
fide paracleti
gracie traditi
!Paracleti [alt: ?]
Matins verse 8
Confessores
precelsi meriti
nostros mores
forment solliciti
Matins respons 9
Per tuorum
tuaque vulnera
iesu nostra
remitte scelera
ne captivos
ducant ad infera
nova sint omnia
recedant vetera
Matins verse 9
Beatorum
preclara opera
nobis prestent
eterna munera
 
Lauds antiphon 1
Hi sancti quorum hodie
celebrantur sollemnia
iam revelata facie
regem cernunt in gloria
Lauds antiphon 2
Ut hos ergo per patronos
assequamur celi thronos
in illorum die festo
chorus noster letus esto
Lauds antiphon 3
Nos ad sanctorum gloriam
post presentem miseriam
per ipsorum suffragia
christi perducat gracia
Lauds antiphon 4
Excusent apud dominum
reorum lapsus hominum
remota qui caligine
lumen vident in lumine
Lauds antiphon 5
Hos patronos pariter
leti veneremur
ut cum his perenniter
in celis colletemur
Lauds (gospel) special antiphon
Triumpho gaudent regio
amicti stola glorie
transcenso mortis stadio
patroni regni suecie
summo fruuntur premio
vitam ducunt in requie
labore verso previo
in gloriam victorie
 
2nd Vespers (gospel) special antiphon
Qui vos patres venerantur
amplectentes intime
et qui vestre gratulantur
dono partis optime
per vos vitam consequantur
lucis amenissime
in qua semper gloriantur
beatorum anime