| |
| |
Vespers antiphon 1
|
Exultant celestia
iudoci presencia
exultent terrestria
ipsius memoria
|
Vespers antiphon 2
|
Hic regum carbunculus
britannorum flosculus
in pontivo sedulus
fuit christi famulus
|
Vespers antiphon 3
|
Hic genus aquatile
pascens et volatile
asportatum altile
supplantavit aquile
|
Vespers antiphon 4
|
Panem dans per parvulas
quattuor particulas
pro singulis singulas
recepit naviculas
|
Vespers antiphon 5
|
Te decet laudacio
qui punis raptores
iudoci suffragio
et sanas languores
|
Vespers respons
|
Puellam nativitas
seu nativa cecitas
aspectu frustravit
iudoci preclaritas
seu preclara caritas
illam illustravit
o virum virtutis
cuius manibus ablutis
aqua manus abluens
fuit visum influens
oculis delibutis
|
Vespers verse
|
Iudocus christi confessor
sit pro nobis intercessor
|
Vespers (gospel) special antiphon
|
Magnificat nobilitas
iudocum confessorem
clarificat humilitas
seculi contemptorem
glorificat eternitas
dei contemplatorem
in qua prestante deo
exultabo cum eo
in salutari meo
|
| |
Matins I
|
Regi regum iubilemus
et iudocum exaltemus
|
Matins antiphon 1
|
Beatus vir glorie
solium possedit
quia pestilencie
cathedra non sedit
|
Matins antiphon 2
|
Quare comes fremuit
sanctum persecutus
non indigne doluit
languens surdis mutis
|
Matins antiphon 3
|
Exaudi nos domine
iudoci cultores
et invictos sustine
contra temptatores
|
Matins respons 1
|
Aspernator maiestatis
amplexator egestatis
confessor insignis
hortatur humilitatem
dehortatur vanitatem
gestis laude dignis
|
Matins verse 1
|
Ecce magnus salvatoris
imitator et calcator
regalis honoris
|
Matins respons 2
|
Ad celi miliciam
regnumque supernum
sic festinat quod declinat
parentelam regiam
regnum+que paternum
|
Matins verse 2
|
Fugit regalis confessor
ne fiat regis successor
|
Matins respons 3
|
Qui subiecto populo
sub regali titulo
posset dominari
solum portans baculum
non peram non seculam
vult peregrinari
|
Matins verse 3
|
Delectari potuit
sed in cruce maluit
christi gloriari
|
Matins antiphon 4
|
Cum iudoci sanctitas
deum invocavit
telluris ariditas
fontem eructavit
|
Matins antiphon 5
|
Verba crucis vulnerant
avem avolantem
asportatum liberant
necant asportantem
|
Matins antiphon 6
|
Domine magnalia
miranda fecisti
qui tot animalia
sancto subiecisti
|
Matins respons 4
|
Principatum deserens
querit clericatum
omni regno preferens
christi famulatum
o sanum palatum
cui sapit subieccio
supra potentatum
|
Matins verse 4
|
Insignitur igitur
signo clericali
tonsura preponitur
corone regali
|
Matins respons 5
|
Honorans ecclesias
dominum adorat
explorans reliquias
graciam implorat
cur tantum laborat
unguenta celestia
in terris adorat
|
Matins verse 5
|
Iste christi peregrinus
ad celum currit festinus
|
Matins respons 6
|
Cum sacerdos ordinatur
immolat et immolatur
nam similitudini
mortis christi domini
recte complantatur
|
Matins verse 6
|
In cuius argumentum
manus christi patet isti
signans sacramentum
|
Matins antiphon 7
|
In domino firmiter
iudocus confidit
quia sensibiliter
manum dei vidit
|
Matins antiphon 8
|
Domine quis regiam
habitat supernam
iudocus qui gloriam
contempsit paternam
|
Matins antiphon 9
|
Domine nunc muneras
eterna salute
quem prius armaveras
in tua virtute
|
Matins respons 7
|
Hic decorat et dulcorat
comitalem curiam
se minorat sed honorat
totalem familiam
cunctis orat veniam
cunctis redolenciam
virtutum vaporat
|
Matins verse 7
|
Gaudet domus comitis
felix locus quem iudocus
suis ornat meritis
|
Matins respons 8
|
Iste fulgens moribus
terram ornat floribus
sicut lux solaris
per aspectum virtuosum
mare reddens fluctuosum
sicut lux lunaris
|
Matins verse 8
|
In hac via prece pia
nos pater irradia
|
Matins respons 9
|
In desertis militat
virtutum venator
sed in celis habitat
dei contemplator
que dei sunt cogitat
que sursum sunt visitat
donec regnum captitat
felix triumphator
|
Matins verse 9
|
Bonum certamen certavit
fidem vivam conservavit
cursum consummavit
|
| |
Lauds antiphon 1
|
Dominus recte regnavit
cui iudocus militavit
nam illius gracia
iste vicit vicia
|
Lauds antiphon 2
|
Iubilate sancti deo
pro iudoci mausoleo
revelato parvulis
non sine miraculis
|
Lauds antiphon 3
|
Deus iste vigilavit
et vigiles excitavit
quando luminarium
accendit senarium
|
Lauds antiphon 4
|
Benedicite iudocum
frequentantes eius locum
nam oppressos liberat
quos hostis oppresserat
|
Lauds antiphon 5
|
Laudate deum de celis
quoniam servus fidelis
duplicans quinarium
intravit in gaudium
|
Lauds (gospel) special antiphon
|
Benedictus dominus
viatorum terminus
et fructus laborum
qui videbat eminus
modo videt comminus
hic flos confessorum
o rex angelorum
trahe nos tractu veloci
meritis sancti iudoci
ad regna polorum
|
| |
Prime antiphon
|
Prima sancti laus regalem
parvipendit gloriam
secunda terram natalem
et carnalem copiam
|
Terce antiphon
|
Tercia corpus castigat
quarta christo militat
quinta pugnantem fatigat
triumphantes visitat
|
Sext antiphon
|
Sexta virtutes registrat
in medullis intimis
septima deo ministrat
et octava proximis
|
Nones antiphon
|
Nona lucet sed draconem
conculcat laus decima
undena calcat leonem
dormit duodecima
|
| |
2nd Vespers antiphon 1
|
Virtus temperancie
sanctum adornavit
que concupiscencie
motus mitigavit
|
2nd Vespers antiphon 2
|
Virtute prudencie
sanctus coruscavit
quando vane glorie
veram preoptavit
|
2nd Vespers antiphon 3
|
Servavit iusticiam
christo militando
gratis datam graciam
gratis ministrando
|
2nd Vespers antiphon 4
|
Virtus fortitudinis
fecit confessorem
hostilis certaminis
virilem victorem
|
2nd Vespers antiphon 5
|
Bonum est in famulo
regem honorare
quem fecit in seculo
signis coruscare
|
2nd Vespers (gospel) special antiphon
|
O pater sancte iudoce
dulcis in memoria
sed cum christo iam perennis
dulcior in gloria
quibus ipse iucundaris
inter celi incolas
fac ut ad celestis agni
admittamur epulas
|
| |
Matins antiphon .a
|
Domini possessio
dicendus est locus
quem suo presidio
tuetur iudocus
|
Matins respons .a1
|
Iudocum in varia
cellarum cellaria
christus introduxit
ubi multifaria
virtutum donaria
eidem influxit
|
Matins verse .a1
|
Pinguescunt deserte celle
fluentes lacte et melle
|
| |
2nd Vespers (gospel) special antiphon .a
|
Iudoce pater inclite
nos serves a ruina
nosque frui facias
gracia divina
|
full office name: